* لو سمحت
...........
* لو سمحت
.........
* يا اخ لو سمحت ...
_ بتتكلمي معاي ؟
* ايوة بتكلم معاك ، لو سمحت ارجع لي ورا شويه ..
_ ارجع وين يعني انتي ما شايفه البص عامل كيف امشي وين يعني
* شنو تمشي وين لاصق فيني كداا الواقفين شماعه ديل كلهم في مسافه بيناتهم
_ اوكي رجعتا ....
* بعد شويه *
* انت متخلف ولا شنوووو ، ارجع ورا شويه ما ممكن لكن سايب الباص كله و جاي لاصق فيني سخانه و قرف و قلة ادب ، للمرة المليون منبهه عليك ارجع وراااا واحترم نفسك
_ هو شنو الاحترم نفسي دي حركة البص شوارع كلها خربانه غصب عني
* انت عيان في مخك دا ولا شنوو قايلني هبله ، يمين بالله احس بيك لاصق فيني اديك بال في رجلي دا في وشك
( للاسف زول اتدخل مافي )
قبل محطة من المشوار الماشه ليهو البص وقف مع فرملتو الزول دا بقا تاكل علي و لاصق فيني ، ولو فعلا حرركة عفويه انا كان عديتا لكن انحنا البنات بنقدر نفرز بين المقصود و بين الما مقصود ، مفروض بعد الفرمله يرجع مني لورا بس للاسف استقل الموقف داا ........
و انا من قمتا دمي حار و من يومي اخلاقي في نخرتي وكويس اني سكت ليهو كل الوقت دااا ، لمن اتلفت ليهو *غمز لي و انا طول المسافة دي م كنت شايفه وشو ..
بحكم الزحمة ما قدرتا اطلع جزمتي و اكشطو بيها بس اديتووووو كف لمن البص دا كلوو وقف يعاين ، و بدا يتنهر
والناس بقو يسألو في شنو ، من الغضب و الضيق الانا وصلتا ليهو نزلتا قبل محطتي
و بقيت ماشه و حابسة دموعي ..
* جاني اتصال *
_ لوووولوووو حبيبتي
* اهلين ملاذ صباح الخير
_ اهلين ... و ملاااذ !!!! مالك عيانه انتي ؟
وووين لوزة البتقوليها لي
*مخنوقه و ربي با ملاذ عايزة ابكي
_ كر علي ، في شنو مالك بس ما تقولي لي خالك ؟ وانتي وين ؟
و دا شنو اصوت العربيات الجمبك دي
* ملاذ لكن ستين سؤال ورا بعض
_ هممتيني والله يا لقاء ، قلبي انقطع
* انا كويسه بس ماشه اشوف اوراق الخددمة
_ استغفر الله يا رب ، وصلتي طيب ؟
* لا لسة انا ماشه برجولي
_ كيف يعني ؟
* بفهمك بعدين يا ملاذ اقفلي اسي
_ اسمعي ، انا بجيكي هنااك اصلا لابسه كنته ماشه البوتيك و عندي شويه حاجات عايزة اشتريها،،
* طيب ، سلام ......
* بعد مشوار طويل في جو ما يعلم بيهو الا الله ، وصلتا *
صف طووويل و زحمة و سخانه ، و بعد دا كلو احتمال مشواري يطلع فشنك و جرجرة، فضلت واقفة و واقفه ، اتخيلو لمن جاتني ملاذ ، وكان قدامي ستة تانين ، المهم وقفنا لمن جا دوري ، وقفت في الشباك ، قالي تعالي بعد 15 يوم ، والله يا ناس من الفيني انفعلتا قلت ليهو شنو هو مرة تعالي بعد اسبوع مرة اسبوعين مرة شهر ، شنو هو ياخ ارحمونا اسي الواحد كان عندو واسطه كان امورو زلطت لكن انحنا الزينا ديل لينا الله ،
ولد شاب هو ، قاالي تقيفي زيك زي غيرك ، الناس دي كلها واقفه واحد فيهم فتح خشمو ماغي ، حتجي تتكلمي انتي ، قلت ليهو الناس واقفه وعاصرين علي روحهم ليمونه عشان امورهم تمشي ما عاشين عاجبهم الحال المايل داا ... مشيت و خليتو و ملاذ دي خاتة يدها في راسااا ...
قالت لي اسي دا شنو العملتي دا ؟
استفدتي شنو يا لقاء عير عقدتي امورك اكتر و صدقيني الزول دا زفت نفسه الكان مجرجرني شهوور ، و حيختك في راسوو
، ياخ يختني في راسو ولا في سجمو كلام و قلتو بردتا قلبي .......
باك للاستكانات ✌~
يتبع ..........
أنت تقرأ
رد شرف 🔞
Romanceمن #قاع المجتمع(قصة حقيقية) ، علاقات محرمة نشأت ، كيف ؟ و ليه ؟ و متين ؟ الاجابة حتلقوها في الاحداث ، دي الروايه الوحيدة الكان مفروص اقول ليك لو عمرك اقل من 🔞 م تقريها .. لكن حقوليك اقراها لانه ما بقا في زول صغير في مجتمعنا لأنو : اذا انا اهتميت بح...
