رد شرف 🔞

٥

لحد ما رفعت راسي و عاينت ، لقيتو قفل الباب بالتأمين ..
زحيت كداا ، قلت ليهو خير !!!
قالي مالك ؟ ( ااي ياهو زاتو الولد داا اسمو مؤيد ) ... انا بزح منه وهو بجي علي
قلت ليهو مالك انت في شنو ؟؟
بس الشباك الجمبي خبط ، نزلتوو ، دي ملاذ
قربت من اضاني وهي برااا ، قالت لي فكيها بالله و عيشي اللحظة زي ما وريتك ،،
قلت ليها انتي جايه عشان كدا ؟؟
قالت لي لا جايبه ليكم بارد ،، مدت لي قزازة و ل مؤيد قزازة ...
قالي ما وريتيني شغاله وين ؟ قلت ليهو لسه عاطله ، بيتكلم وهو بيقرب مني ، لمن انفاسه دي بقت في وشي ، قال لي لو احتجتي اي حاجه ما تترددي تتصلي بي ، وانا تلفوني في رجولي ، مد يدو شالو و كتب لي رقموو و عمل مسكول علي تلفونو ،،
طلع تلفونو من جيبو وحول لي رصيد في لحظتاا ، قلت ليهو دا شنو ؟ ( طبعاً مخلوعه)
قام مد يدو علي خدودي ، قالي دي حاجه بسيطه ما تسوى جمب الجمال دا حاجه ، و صباعو في شفايفي ، بالجد حاسه بشي غريب اول مرة بجد ...
قرب مني كدا لمن اترعبت ، هو عايز يقفل الشباك و ينزل التأمين  ، أمنو
و رجع يقرب مني اناا ، و بيني وبين نفسي اتزكرت كلام ملاذ انها لحظة ما حتكلفني شي اعيش البهجة و اطلع مصروفي ..
استسلمتا تماماً ، لمن شفايفو لمست شفايفي وانفاسو دي كلها في وشي .. ما حاولت ابعد نفسي لان عارفه ان دا حيحصل
واصلت للاخر ، ويدو في جسمي و برضو ما منعتوو وكنت في قمة استسلامي ،، لحد ما ابتدأ يتمادى و يدو بقت عميانة🔞 ، للحظة بس كدا نفرتا و لزيتو مني ، عاين لي بغرابه ، بجد زي العندي انفصام في الشخصيه
قالي ما انبسطي ولا شنو ؟؟
قلت ليهو يدك دي ، قالي اسف ما بكرراا بس بالجد انتي حلوة .... فتحت الباب ونزلتا
و بالجد احاسيسي جايطه و ملخبطه شديدّ
ما فاهمة الحاصل ،
حتصدقوني بعدين لمن اقوليكم بالجد انا ضايعه ما عارفه اهدافي شنو في الحياة دي ، م عارفه دا صح ولا غلط
بس انا متأكدة انه صح ، عادي علاقات محرمة ولا محلله !!!! بجد ما عارفه .. لحد ما جا وقت رجوعنا انا ككنت بعيده من الزول دا ، حسيتو زي الكسر فيني حاجه ، المهم احساس جايييط شديد ..
للاسف الرجعه تاني لمتني بيهو ، وكنت قاعده جمبه في العربيه ، هما بتونسو وبحاولو يدخلوني في نص الونسه و ملاذ بتضحك وتهزر و اميرر و مؤيد ،، بالجد انتو م تتخيلو رغم ان عندي فهم تجاه الحاجات دي و للاسف مقتنعه بيهو جدااا ( حتعرفو لقدام)
بس رغم كداا حاسه نفسي زي الاتوسختا ، انتو فاهمين علي ؟ بالجد شي ما بينحكي ، قلت ليهم وصلوني انا اول ،
و مؤيد دا طاير ، حسيت انه ما خاتيني بت عاش معاها لحظة ودفع تمنها وخلاص ، لا حاسه ان في اعجاب جواهو تجاهي والله اعلم ، اها لمن وصلت شارعنا ، قالي عارف انك حتنومي وشكلك مرهق بس اتصلي طمنيني عليك ، وملاذ برضو قالت لي نتلاقاا بكرة ،، وامير قالي عندنا رحله المرة الجايه دي في منتزه حتكوني معانا اعملي حسابك ، بالجد كنته باهته و مسيخه كداا ، قلت ليهم ان شاءالله ...
المهم نزلت بعيد من بيتنا بشارع واحد بس ّماشه في الشارع ، لمحت ابوي من بعيد
ماشي و يتلفت ، استغربت قلت يمكن انا مشبهه عليهو ..
حاولتا اقرب بس لو هو كدا ما حستفيد حاجه ،، حاولت اشوف وبقرب قدرتي ، بس هو دخل بيت ،، طيب دا بيت منو ؟
لا ياخ معقول يكون ابوي !!
طردت الشيطان ، و كملت لمن وصلت البيت
سلمت عليهم ، و دخلتا منتهيه ، رغم اني ماف اي مجهود عملتو ...
امي جاتني قالت لي قومي اتعشي ، قلت ليها لا انا جعانه نوم ،، قالت لي شوفي يا لقاء ، انا ما عندي قروش اضيعا في دكاترة ، عايني جسمك دا نحيل كيف و كل يوم ماشه في نزول ، حتكملي من لحم الدنيا دا يا بتي ، عليك الله قومي دخلي يدك معانا ...
( انا فعلاا ضعيفه ، لكن م للدرجة الامي بتقولها دي ، صفرا رقيقه كداا طولي 166سم ، اخدت من الجمال نصيبي حمدلله ، وراضيه عن نفسي بنسبه 80% ..
اها طلعتا ، لقيتهم كلهم قاعدين ما عدا ابوي
اتعمدت اسأل ، قلت ليهم ابوي وينو انتو ؟؟ّ
امي قالت لي ، مشا لي حاج محمود بتعشا عنده ( حاج محمود دا جارنا بسمع بيهو سمع ، عايش براهو ليهو زمن من بعد وفاة الحاجة مرتو م اتزوج ولا رزق بي اولاد ، عنده ولد م بعرف بالتبني ولا كيف بس ما منو )..

قلت في سري ، معني كدا يا لقاء ، البيت داك بكون بيت عمو محمود دا ...
اتعشيت و رجعتا رقدتا ، لقيت التلفون دا شغال ررررن ررررن ررررن .. رديت لقيتو مؤيد ، اختصرتو شديد ، سلمتا وقفلتا ..

بعد رقدتت جاتني لمياء اختي ، قالت لي اسمعي ، قلت ليها هااا انا عايزة انوم تعبانه والله يا لمياء نتكلم بكرة ،، قالت لي لا موضوع م بتأجل ،، قلت ليها خير !
قالت لي يجينا من وين خير احنا ، استغفرالله بس ،، المهم خلي بالك من ود عمك عوض دا كوووويس ،،،
طوالي قعدت ليها ف نص السرير ، قلت ليها مالوو م يكون هبشك ؟
قالت لي كان كسرت يدوو ، بس نظراتو ما ياهاا ، بس اخدي حزرك انتي تماما ؟
.....

استككانة☕~

يتبع .......