رد شرف 🔞

١٦

قعدتا كداا بالطرف ..
لمن جرس الباب رن ، قالي ديل اصحابي الحيشهدو ، ادخلي الغرفه ديك لمن اناديكي ،، فعلا قمتا دخلتا ...
اصحابو دخلو ، من لحظو دخولو واحد فيهم قاليهوو ياااا ررراجل انت نا حتبطل امورك دي كل يومين ......( سكتو )
طبعاً انا سمعتو ، بس سكتاا ، بقو يتكلمو بصوت واطي ، بعدها جاني في الغرفه ، وقف جمبي ، قالي اها جاهزة ؟ّ
عشان اتصلو بي عندي دوريه ،، '' م يالتو عن اي تفاصيل ''
قلت ليهو عندي شروط ،، قالي شروطك شنو؟
قلت ليهو شوف يا احمد .. مرتك دي م عندك منها اي عيال ، وانت بتحبني انا صح ، عتيزاك تطلقا بعد نسافر قطر و نعلن زواجنا ، و اضافه لككداا لا تلمسني لا تجي جمبي ، قالي حاضر انتي تأمري ،، يلااا عشان نخلق واوصلك عندي شغل .. مسكني من يدي و طلعنا ،، عاينتا كداا لقيت واحد فيهم انا بعرفو ، اصلو م غريب علي ، هو زاتو نطط عيونو قالي مش انتي .......
قلت ليهو ايوة انا ، لقاء عبدالله ، و لويت وشي منه ، احمد قاليهو بتعرفا من وين ؟؟
قلت ليهو معرفه ما حبابا ، اتشاكلتا معاهو مجرجرني في اوراق الخدمة و بتكلم معاي باسلوب م حلوو ، قالي ي شيخه انتي قلبك اسود ، قلت ليهو لا م اسود بس النقطة السودا الفي حياتي ما بنساها ابداا .. صحبو قاليهو ، والليله بالذات عمرك م حتنسيهو تاني ، احمد قال اححححممم ، اها ي شباب ننجز ؟
ياهو ورق مضيناهو وديل شهود و الشغله تمت و طلعوو ..
باركنا لبعض ، و طلعنا طواالي ..
كلمتني ملاذ ، وانا ف العربيه مع احمد ، قالت لي امك بقت كيف ، قلت ليها حمدلله كويسه ، قالت لي اسمعيني عارفاكي تعبانه بس لازم نتلاقا في الكافتيريا بتاعت امس ..
قلت ليها عديله ، وقفلتا منهاا
قلت لاحمد ملاذ عايزة تلاقيني  بعد شويه
قالي ملاذ دي 24 ساعه برا و عايزة تشوفك
قلت ليهو معليييش ، وصلني و مشا شغلوو
قعدت نص ساعه طلبت عصير و منتظراها طلعت الدبله والمحبس من يدي دخلتهم الشنطه ..
جاتني بي عربيه عمر ، ياخ لمن احترت وخفت من احمد ، بس حمدلله عمر براهوو
جوو علي ، سلمو وقعدوو ، قلت ليهم خير ؟
عمر قالي م عارف منتظرين ياسر قالينا اتجمعو ، فضلنا منتظرين ومنتظرين ما جاا
.. اتونسنا شوية لمن جاا شايل كيس اسود كدا راقي شديد .. جا سلم وقعد
و ساكت ، بعد شوية جا الجرسون شايل كيكة ومكتوب فيها سنه سعيده عليكي ،، لمن اتخلعتا والله ،، عملوها لي مفاجاه واصلا م عارفه عيد ميلادي متين ، ملاذ قالت لي هديتي بعدين بديكي ليها ، و عمر اداني عطر ، اما ياسر كان هديتو لي ' تتزوجيني '
اي نعم انا اتفاجأتا ، بس ما زي صدمة الملاذ الشهقت لمن دمعت من غير م تحس ، م عرفتا اتصرف و سكتااا ،، قلت ليهو برد عليك بس م اسي ، الموقف كان محرج شديد ..
اتوترتا ، قلت ليهم شكرا ليكم و قمت طوالي
ركبت اقرب عربيه ومشيت البيت ..
في حيرة من امري ، فجاه كدا ناس دخلت حياتي ، وزواج وحب و لخبطة و اتغيرت تغير سيئ شديد ، و بقت اهدافي و طموحاتي سطحية شديد .. 
لي يومين قافله تلفوني ،، فتحتو ، اتوقعت ملاذ تجيني ولا تتفقدني ولاا تتصل زي م بتعمل لمن م ارد ،،
اكتر مكالمات لقيتا من احمد ، رجعت لبهو قالي م داير معاكي كلام تعالي لي البيت اسي وقفل ... لبست عباية و طلعت اخدت لي ركشه ، لمن وصلتا فتح لي دخلتا ، قالي بعدين شيلي نسخه المفتاح دي بدل تخبطي ، قلت ليهو تمام ، قالي انتي ليه بتعملي فيني كداا ليه تقفلي تلفونك كداا و ما اعرف عنك اي حاجه ... سكتا ، لمن .. الوضع اتمااااداا شديد زي الكنت في غيبوبة ، في لحظة اتحولت من آنسة لقاء ، لمدام لقاء ، حقيقي زي الكنت منومة ، او فعلا هو نومني ،، قمت مخلوعه داا شنو العملتو دا ، دا كان اتفاق بينا انه ما يحصل ، قالي انتي مرتي و غصب عني حصل كدااا ..... ' سكتا '
جاهو اتصال ، من الشغل ،، قالي انا ذالع نتم كلامنا بعدين ، قمت لبست و طلعني معاهوو
وصلني البيت و فات .. بالجد في حاله لا يرثي لها انا وصلت وين والحصل دا حصل كيف ، دخلت البيت استحميت وغيرتاا ، جاتني لمياء قالت لي قومي قومي البسي عبايتك ، قلت ليها في شنو ؟
قالت لي ابوي في الحراسة ،بسم الله يعمل شنو ؟ قالت لي م عارفه .. لبسنا و اقرب امجاد ركبناها ، لمن وصلنا ساعه في السكة
، طبعا بنات يخشو حراسه دي حارة ، المهم دخلنا ، بقينا نسال عن حاج عبدالله و تهمتو شنوو و حاصل شنو ،، قالو لينا تهمتوو #التحرش
سكتنا انا ولمياء عاينا لبعض ، لمياء قالت ليهوهو وين اسي ؟ قال في الغرفه دي و معاهم اهل البت ، الظابط بحقق معاهم ، قلت ليهو ممكن نخش ، قالينا لحظة
مشا دخل قدامنا ، قالينا خشووو ..
هه يا ريتني م خشيت و ياريتني مت ولا عشت اليوم دا ولا شفت المنظر داا ،، الظابط طلع منو ؟؟ ....