رد شرف 🔞

٢٠

* انا ما دايرة منك حاجة ، ولا الحصل كان بأرادتي و انت لمن لقيتني لقيتني شريفه ما بت شوارع ، التلفون و الدهب وحتي قروشك انا ما دايراها
_ اها دايرة شنو ؟
*دايرة #رد_شرف
_والمعني ؟
* اتزوجني وطلقني
_ اسف ما بتزوج وحدة زيك ، لمن امشي اقابل زول من اهلك ، اقابل منو ؟ ههههه بس ما تقولي لي اقابل ابوكي ههه ...

*باك فلاش*
لمياء : انا ماشه استحمي
انا : امشي انا ماسكاكي
لمياء : ابوي براا ، و امي مست تودي اجار البيت ..
انا : طيب ختي البشكير قصاد الباب
لمياء : ما حخت حاجة ، قومي اقعدي لي براا ما بتاخر في الحمام
انا : اوووف طيب ياااخ ..

* في مشهد تاني *
ابوي : بتسوي في شنو ؟
انا : كركدي ، اكب ليك ؟
ابوي ، جااا علي ،، قلت ليهو دا شنو يا ابوي فكني ، فكني ياااخ ما تهزر معاي انا ما بحب كدااا ،،
ابوي : عويرة ما بتعرفي الهزار
انا و لا دا ما هزار و الكلكله ما كدااا ،، طلع من المطبخ ،، مشذت لي لمياء ،قلت ليها ياخ ابوي
دا هزارو بايخ يعمل فيها بكلكلنا و يهزر و هو يتحسس جسمي ،، انا والله ابتديت اظك انحنا ما بناتو ، الابهات كان لقو عيالهم مكشوفين بستروهم ما بعروهم ....الخ
( احترمو افراد الرواية فضلاً ، بتمني م تكون في تعليقات سلبيه م لم تتم )..

بعاين في احمد و اتزكرت ابوي و افعاله وقدر شنو انحنا كنا بنعاني و نعمل حسابنا زي القاعدين مع راجل امنا ، قدر شنو كانت في حدود بينا في التعانل ، امي كانت باقيه لينا الام و الابو ، ابوي مات و هو عايش ... حسيت بي انكسار ، بي ياتو عين انا اطلب منه يتزوجني ههه بياتو عين انا اصلا احلم ولا اتمني انه زول يحبني ،، عرفتو ليه انا بقيت ما قادرة اعرف الحرام من الحلال ، العلاقات الشرعيه من المحرمة ،،
الدهب الجابو لي كان في شنطتي ، طلعت شريحتي ختيت ليهو التلفون والداب و باقي القروش الكانت معاي ،، فتحت الباب وطلعتا ، و ماشه و م عارفه انا ماشه وين ، عايشه و ميته في آن وااااحد .. خسارتي لشرفي كانت عاديه بالنسبه لي ، عادي وين العيب ولا الغلط ، انا بس مكسورة ، شوفو الحقد وصلني لحد وين ، فكرة الانتقام وصلتني وين ،، في النهاية انا لقيت نفسي انتقمت من لقاء اللي هي انا ، من روحي انا الضحية الوحيدة ..

وصلت البيت بعد معاناة .. فتشت شنطتي عسان اطلع تلفوني القديم ، لقيت المذكرة حقتي الحاربتها وبطلت اكتب فيهاا ، طلعتها ختيتا جمبي في السرير ...
و شلت شريحتي ركبتها في تلفوني القديم
جاتني كمية بتاعت رسايل مكالمات فائته من ياسر ، و من ملاذ ،،، طبعا استغربتا ، ورجعت لي ملاذ بي لهفه ،، ردت علي طلبت نتلاقاا ، اتفقت معاها علي يوم بكرة ...

بعدها ياير اتصل اطمن علي ، بعد قفلتا منو ، لقيت رسايل من نفس الرقم الرسل لي لمن كنت قاعده مع ياسر ،، 3 رسائل 
* محتواهم*
الرساله الاولى'' لسه ما شفتي حاجه "
الرساله التانيه '' مرجعك لي انا ''
الرساله التالتة '' دا كف بسيط ما تتحملي كتير و حتجي تحت رجولي تترجيني ، حأنتقم منك ما حتضوقي راحه طول عمرك ''

قلت معقوله تاني تكون مرسله لي بالغلط
ما معقووول دي الرسالة الرابعه .. دا منوووو ؟؟؟؟ و داير مني شنو يا ربي ؟

يتبع .....