رد شرف 🔞

١٤

بقيت قاعدة براي في البيت ... لمن تلفوني داا رن 'مؤيد '  م رديت عليهو
بي وراهو طوالي جاتني رساله من احمد ، م عارفه قصتو شنو الزول داا .. المهم كان **محتواها....
'' بالجد انتي م عارفه معني انه يحبك زول تعب ، انسان رغم مرارة الدنيا دي ، بس بحاول احبك بكل حلاة الدنيا دي ،، حباب الصبر النهايتو انتي 💜 ''
رجعت ليهو بي مكالمة .. رفض و رجع لي هو ..
_اتصالك دا عملتي كيف ؟
*عادي ، م كعبه انا للدرجة دي
_اممم صدقتك ، اها خبرك
*تمام والله بس ، محتارة
_والمحيرك شنو ؟
*اخر رساله منك ، كانت مبهمه شديد ، حسيت انك شايل جبل فوق راسك و محمول شديد ، حابه اعرف التاعبك كدا شنو
_ عادي منو المرتاح في حياتو دي يا لقاء
* سمعت صوت مرتو قاطعتو ياا احممممد *
قالي برجع ليكي ، و قفل ..
طبعا زعلتا زعل اتمليت فل ، حاقدة عليها والله وكارهاها شديد و رغبتي ماشه في زياده ،، المهم انتظرتو لمن رجع ،، قلت ليهو :
* دي منو ؟
_قالي م علينا
*قلت ليهو تمام ، م تتصل علي هنا تاني ، سلام
_ لحطة لحظة لقاء دا كلام شنو ؟
*انا م بقدر اتواصل مع انسان م قادرة اعرف عنه اي حاجه
_اسي لشنو الكلام دا ، انا قلت ليكي اديني شويه وقت وحتعرفي كل شي برااكي ، ولا اقوليكي انا مستعد احكي ليكي اسي لو اللقيكي ،،
*لا طبعا تلاقيني وين ، انا في بيتنا م بقدر اطلع تاني وفترانه
_ بجيكي لمن الباب ، اطلعي لي بس
*لا طبعاً الجيران
_ياخ شارعكم الضلام دا منو البشوفك ، بالله ما تصعبيها يلا يلا مسافة السكة وقفل
' جا بعدها بي ربع ساعه '

لفحت توب امي ، و بقيت قاعده لمن ضرب لي بوري ، تكلت الباب و طلعت ليي هو ، فتحت الباب و ركبته سلمت عليهو عادي لكن هو الما كان عادي ، متلهف كداا ، قلت ليهو انتو مجنون عارف كدا ولالا ، قالي عارف و انتي عارفه انا اول مرة اكون فيها مجنون كداا ؟
قلت ليهو طيب ي مجنوون ، انت جيت وانا جيت ، فهمني الرساله الما قادرة استوعبا دي ، يعني معليش بس انت ماشاء الله وضعك حلو وعايش حياتك واكيد شغلك مريحك و بزوجه جميله ، اليتعب شنو ؟
يلا دي مشكلتنا كسودانين يا لقاء بنهتم للمظاهر و سطحيني شديد ، القروش والشغل والحاجات دي كلها رزق من ربنا بس دا م معناتو انا اعيش سعيد من غير نقص في حياتي ،، قلت ليها احكي سامعاك ..
'مسك يدي' جريتا منو ...
قالي اسف ، م رديت عليهو .. قالي انا فعلاً متزوج ، متزوج لي سنه انسانه لا بحبها لا دايراا بس اجبرت عليها من الاهل ، و مشاكل ليها فترة ، انا البنت كنت عندي معاها علاقه بس م لدرجة الزواج وهي بنت عمي ، بس بي خططا قدزت تأثر علي اهلي عشان يضغطو علي ، و انا امي دي م برفض ليها اي طلب ، المهم حصل الحصل .. م اتزوجت زواج انا دايرو بي ارادتي ،
م حبيت م قدرت افرح ، زواج كان زي العقاب ، بس و انتي تقدري تتخيلي الباقي والصراع الانا عايشو ، عرفتي انا ليه متمسك بيكي زي الطفل ، لانو من شفتك حسيت انك خياري وانك الانسانه البجد انا حابيها،
انسانه بسيطه م محتاجه كل يوم كوافير ولا كل يومين مسافرة برا تشتري الماركات ، رغم ان وضعي المادي م مؤثر في احتياجاتها ، بس كمان القناعه والبساطه دي حاجات كويسه و ..... ' قاطعتو '
م تكمل انا فهمتك تماماً ، ربنا يريح بالك ، بقينا نتونس كتييييييير ،، لمن حسيت ان ناس امي ممكن يجو في اي لحظة ، مشيت منه ،،، يوم بعد يووووم ، علاقتنا بقيت تقوى
( انا ما حبيت الزول داا ، انا عندي هدف ، يمكن انا صدقتو ومتواصله معاهو الاول لهدفي والثاني تعاطف )
اصحي من النوم القي رساله ، في نص اليوم القي رساله ، قبل م انوم نتونس واحياناً نتلاقا ، صراحه بقا روتين في حياتي وااعودت عليهو شديد ، هداياا و طلعات و لبسات ، ومصروفي داا م مقصر مني نهائي ، والغلط العملتو ما مؤيد ، اصلا م حصل معاه ،، اهااا في يوم قالي داير اللاقيكي ضروري 
اللحظة دي انا كنت في الشارع ماشه علي ملاذ ،، قلت ليهو انا بي التوب وماشه علي ملاذ ، قالي بعد تطلعي منها بتلقيني في الشارع الوراا ، قلت ليهو تمام ..
طبعاا لقيت وافي قدام بيتهم ، سلمت و دخلت، الشي المحيرني نظرات واافي لي كلها انكسار و الم كداا ، شي م قادرة افهموو ّ
المهم داخلت اخدت قعدتي و قالت لي في رحله ولازم تمشي معايز، اصرت علي رايهاا مع ناس امير و مؤيد و شله كداا ، قلت ليها طيب بحاول ، لمن احمد ضرب لي مرقتا عليهوو ..
ركبت جمبو سلمتا عليهو ،، تلفونو ضرب ، طبعا دي مرتوو ، طوالي رفعت ليهو حواجبي =م ترد عليها ،، ودي م اول مرة طوالي بقيت كل م القا فرصه بمنعو يرد ، المهم اتحرك قدام كدا ، قلت ليهو هوي ماشي وين انت !
قالي عايز سجاير م داير امشي للدكان الجمبكم دااا ، وتلفونو لسه بيضرب ، قام نزل و انا انتهزت الفرصه فتحت الخط ،،
_ الوو احمد ووينك !
* معاي قاعد
_ بس هاجت ، انتي منوووو الووو.. الووو..
الوووو ....
* هاهاهاههههههه باااي * وقفلتا فيها وحزفت المكالمة من القايمة *

جا احمد جايب لي عصير ، قالي حولت ليكي رصيد م جاكي ؟  قلت ليهو م شفتا والله ، مسكت تلفوني لقيت الرصيد 500 ج ،، و تلفومو دا يشيل ويضرب ، هو زاتو استغرب لمن قفل التلفون وختاهوو ...
قالي :
_انا جبتك عشان عايز اناقشك في موضوع
* اتفضل
_اظن انتذ عرفتيني فترة كافيه صح؟
* ايوة صح!
_ وعارفه ظروفي صح ؟
*ايوة صح !
_ وعارفه اني بحبك صح ؟
* صح ، احمد حرقن روحي احكي طوالي
_ اصبري ، كلامي لو ما مهم انا م حأقولو
* طيب كمل
_ انا داير اتزوجك ، بس م حأقدر في الوقت الراهن لان انا راجل متزوج و بي رغبة اهلي يعني زواجي منك حيترفض ، اليوم جاني عقد عمل في قطر و دا الفرصه الوحيدة البقدر استقلها في انك تبقي مرتي ..
* كيف يعني ؟
_اسمعيتي للاخر ، يعني انا بقدر اتزوجك و اسوقك معاي قطر ، بس المشكله في العقد ان قدامه تلاته شهور واحتمال خمسه عشان اقدر اسافر واباشر في شغلي ، لان هنا انا عندي التزامات في شغلي ... داير اقوليكي انا م حقدر اتحمل الكم شهر ديل ، خلينا نتزوج
*احمد انت متناقض ، نتزوج كيف واسي بتقول لي اهلك و مرتك
_ .................
*مالك ساكت !
_ م ساكت بس خايف اقول الحل الوحيد و اخسرك او تفهميني غلط
*لا قول عادي
_ نتزوج عرفي مؤقت حلفتك تفكري و ما تردي لي اسي ..
* يا احمد دا كك......' خت يدو علي خشمي '
_حلفتك م تكسريني اسي ، م تردي اسي ، ما م حتحمل رفضك
* طيب انا بمشي البيت ، نواصل بالتلفون ، يلاا رجعني
_ دور عربيتوو ، لمن وصلت قالي لحظة
* طلع لي علبه فيهاا تلفون ، دا شنو دااا ؟ _كنت في محل التلفونات و عجبني ليكي عايني لونو زاتو بناتي ، بدل الكركعوبة الشايلا دا ههههه
* شلت العلبة وبستو في خدو قلت ليهو شكرااً ، و مشيت
مشيت البيت ، بس قاعده افكر ، عاينت للموضوع من كل الجوانب انا المستافدة ، احسن لبس ، مصروف جاهز ،
ودهب وموبايل وراجل وسيم اي وحدة تتمناهو ، و منوو اتسسسسدا في مرتو الفقر دي ،، بس اتقل شويه م اوافق طوالي ..