أنثي برتبة رجل

الفصل الثاني

كانت مفاجأة من العيار الثقيل علي الحاج محفوظ ولكنه لم يظهر اي من المشاعر الملتهبة داخله يعلم تمام العلم أن مراد إبنه علي قدر عالي من المسؤولية ولكنه أصبح رجل أعمال ينظر إلي العائد المادي وكل شئ عنده أصبح كيف يزيد من المال و لن يكون الحاج محفوظ لو لم يرجع إبنه له مثل قبل سفره

نظر إلي ناصف بهدوء وقال : امتي أتفق معاك مراد إبني

ناصف بتوتر : من أسبوعين يا حاج بعد الباشمهندس نور شاف العينات الأولية

وضع الحاج كلا يديه علي المكتب وتقدم في جلسته :

طيب أسمع الكلام دا مني علشان دي أول وأخر مره هقوله أنا الوحيد اللي يقرر في النسب واي حاجه تخص المصنع ثانيا   أي اتفاقات مع أي حد غيري تبلها وتشرب ميتها وحتى لو أبويا خرج من قبره وقالك علي حاجه تخص مالي تقوله لما الحاج يقولي
ثالثا واسمع كويس دي الباشمهندش نور رقم واحد بعد مني حتى لو مراد إبني موجود فاهم

كان ناصف في شدة توتره وبدأ العرق يتكون علي جبينه فهو سمع عن غضب الحاج ولكنه لم يراه أبدا
هز ناصف رأسه سريعه ويقول بسرعه :
مفهوم والله يا حاج وأخر مره ومش هتكرر تاني

قال الحاج بلهجة شديدة وتحذير : أنا مش هخصم منك حاجه علشان الأيام المفترجه إللي داخلين عليها وعارف إنك عندك كوم لحم وبقولك لأخر مره المال دا كله مالي وأنا الوحيد اللي له القرار فيه وكل القماش اللي رجع يتسعر بالنسبه اللي فيه ويتعمل إتواب قماش قطن ميه في الميه وتكون عندي اخر الاسبوع ويلا اتفضل علي المصنع وابتدي شغل علشان كلمتي مع التجار وأنا عمري ما خلف كلمتي ابدا
نهض ناصف وهو يقول :
ربنا يخليك يا حاج  أنا كنت فاكر إن حضرتك هتخصم مني أقل حاجه شهر وأنا أوعدك إن قبل ما الإسبوع يخلص هيكون القماش في المخازن

ابتسم الحاج وقال :

طيب اتفضل بقى علي المصنع وشغل المكن خلي ربنا يبارك لنا في رزقنا

خرج ناصف من المكتب بسرعه فنظر الحاج الي نور الصامته
إيه يعني مسمعتش ليكي صوت مع إني عارف إن كنتي ناويه لناصف علشان النسب دا انا افتكرت إنك هتسويه علي الجنبين

نظرت له وقالت بصراحتها المعتاده :
استغربت إن مراد هو اللي قاله يعمل كدا دا بقاله اكتر من عشر سنين بره وكل اللي عليه يبعت التصميم واحنا ننسجه علي التوب وبعدين نبعتهوله
وهو يسوقه هناك وياخد نسبته زي السمسار كدا وعمره ما أتدخل في نسبه القطن أد إيه

قال الحاج :
عمرك ما خلفتي نظرتي فيكي بس كنت فاكرك هتجبيها علي طول بس شكل المرادي طلعت منك أوت
نظرت له نور وقالت بسخريه :
وليه تقول إني فهماها ونفسي اكدب نفسي ان إبن الحاج محفوظ هياكل من بره وجوه يعني هنا ياخده مننا بسعر أرخص من كل مره علشان عارفك إنك عمرك ما هتبيع اللي صافي قطن زي المخلط وهناك يتباع بنفس السعر