أنثي برتبة رجل

الفصل الخامس

تخشبت ايلين بمكانها وثبتت يدها الممسكه بمقبض الباب ضربها ارتجاف قوي في جسدها حمدت الله ع أنها تعطي نور ظهرها وإلا كانت رأت ما حدث بها
التفتت لنور ببطء ورسمت ع وجهها ملامح الاستغراب وقالت :
وانا هعرف أخباره منين وأنا مشفتهوش من سنه بعد إنت ما رفضتيه لما جه يخطبني

امالت نور رأسها للجانب ونظرت لايلين بخيبة أمل فهمت ايلين نظرتها وحاول ضميرها حسها ع قول الحقيقه ولكنها اسكتته ودفنته

نور باستهزاء : بجد والمفروض إني اصدقك علي طول وأقولك برافو عليكي وإنت بتكدبي في وشي

إيلي بغضب جعلها فاقدة الشعور في كلماتها :

إنت حره عايزه تصدقي ولا لأ أنا مش في تحقيق ومستنيه الحكم منك

نور بغضب : انت كدابه وبتكلميه وسلوي مرسال الغرام وكمان هي اللي مقوياكي علي اللي في دماغك
بس أنا بقولك أهو معتز لو اخر راجل في الدنيا كلها مش هتجوزيه

ايلين بغضب مضاعف : إنت مين عشان تتحكمي فيا وفحياتي إنت أختي مش أبويا ولا أمي يعني أنا حره أعمل اللي انا شيفاه صح وبقولك لاخر مره إنت متدخليش فحياتي نهائي و حوار انك راجل البيت دا كان زمان لما كنا صغيرين

جاءت أسيل وأمها علي صوتهم العالي واستمعوا إلي المعركه الدائرة صفعت أمهم ايلين علي وجنتها وقالت بصوت غاضب ولكن مريض :

إنت اللي مين عشان تعلي صوتك علي اللي تعبت واشتغلت وصرفت وهانت نفسها وكانت راجل من وهي عندها ١٢ سنه وإنت كنت لسه عيله عندك ٦ سنين رفضت إني أنزل أشتغل واشيل الهم معاها وعمرها مقصرت مع واحده فيكم ولا في اي طلب وكأن ابوكم لسه عايش
بدأت تاخذ نفسها بصعوبه فخفن عليها وتحركوا لها جميعا

أسيل بدموع : أهدي يا ماما عشان خاطري

نور بخوف : أسيل قيسي لماما الضغط ونظرت لايلين هاتي كوباية لمون بسرعه

ذهبن وفعلن ما قالته نور التي جلست بجوار والدتها وهي تدلك ذراعيها وتقول بعيون متحجرة الدموع :

ماما براحة اتنفسي بهدوء وأول ما تحسي براحه هخدك ع الدكتور بسرعه

أمها وفاء بتعب :
أنا كويسه يا حبيبتي بس مقتدرش أسمع كلام اختك وأسكت

نور : أنت تعبانه وبعدين سبيها تقول اللي هي عايزه

وفاء وهي تضع يدها ع وجه ابنتها بحنان :
الصغيرة بتكبر ولازم تعرف هي و أسيل اللي حصل زمان شيلي الحمل اللي علي كتافك يا بنتي

نور وهي تدير وجهها الي الجانب الأخر :

وهيفيد طلوع الماضي بإيه يا ماما غير تقليب المواجع عليكي وعليا سبيه يا ماما مدفون مع اللي راح

جاءت كلا من أسيل وايلين وفحصتها أسيل وقالت :

الضغط عالي وكمان السكر كدا مينفعش يا ماما