أنثي برتبة رجل

السابع و الثلاثون

سبحان الله وبحمده سبحان الله العظيم

اسفه علي التأخير و شكرا ليكم علي تصويتكم و تعليقاتكم اللي بتسعدني جدا قراءة ممتعة  دومتم بصحة

💞💞💞💞💞💞💞💞💞💞

قالت بصوت ضاحك وهي تأكل من التسالي التي أمامها بسعاده :

زمان ميحه الفرحه مش سيعاها أنا عارفاها بتحب اللمه والكل حواليها

ردت بتأكيد وهي تشرب من كوب الشاي الساخن :

معاكي حق يا مرمر تحسي كدا إن بيتهم عامل زي بيوت زمان اللي الكل لازم يتجمعوا فيه وهيا بصراحه ناصحه خلت كل عيالها حواليها ونفس الوقت مديالهم راحتهم

نظرت لها أميره وقالت بحب وهي تربت علي كف يدها :-

أما أنا الفرحه مش سيعاني إنك أخيرا رضيتي تيجي تقعدي معايا و كمان اقنعتي وتين أنها تيجي كمان

قالت وهي بحنق مفتعل :

وأنا جيت بمزاجي ما هو من زنك دا إنتي طلعتي زي العيال الصغيره تمام وصدعتيني أنا والبت الغلبانه دي

ضحكت بصوت عالي وقالت بمرح وهي تشعر بدفء الحياه الأسرية :

لأ الله يخليكي يا نوجه أنا جايه بارادتي احسن مرمر تقلب ودي أنا مقدرش علي زعلها أبدا

ضحكوا جميعا بسعاده ولكن قالت نجلاء بفضول وهي تتلفت حوالها في أرجاء المكان :

اومال فين المحروس أمين نفسي أشوفه قولت هشوفه في الفرح بس مجاش معاكم وإن شاء الله يكون يعني المانع خير

كسى الحزن والهم عيون أميره وقالت بقلب موجوع :

كان عنده شغل مش فاضي حتى ما خلنيش أكمل كلامي واقوله علي فرح أخوه ولا بيرد علي أبوه وأخواته كأنه ما صدق إنه يبعد عننا يا نجلاء

اشفقوا عليها وضمتها سلوى لها وطبعت قبله ع خدها وقالت :

متزعليش منه يا خالتوا بكرا ربنا يصلح حاله

قالت أميره وكأنها تريد إخراج ما في قلبها من حزن :

ياريت يا بنتي نفسي يرجع زي ما كان يرجع أمين إبني اللي عمره ما عرف يبعد عن حضني يوم دلوقتي هاجرنا وراح سكن لوحده حتى معرفش عنوانه ولا حتى بيجي يبص عليا كلها تليفونات ولا حتى بتكمل دقيقه كأن إحنا خلاص مش موجدين في حياته عارفه طلعت حزين من جواه بس بيكدب عليا ويبين ليا إنه مش فارق معاه ويعمل اللي هو عايزه وكلام الرجاله دا بس لأ أنا أكتر واحده فهماه كفايه كل يوم أسمعه في الصلاه وهو بيدعي إن الغايب يرجع بتقطع من جوايا

ثم انفجرت في البكاء دمعت دموع من حولها حتى العيون التي كانت تستمع كلماتها التي أحرقت قلبه قبل عينيه وهو يتوعد بإرجاع الأبن الضال للعائله مره أخرى لا يعرف بأنه أختار طريق لا رجوع منه إلا بشق الأنفس