حياة الجميلة ..... .❤🎀
عندما تبتسمين 😍
..... .......... ........... ...........
:يمممممممممة
الام:وصمة شتردين
:أريد اروح للسوق شنو بس روان اتروح
الام:روان العروسة ولازم اتروح
:اروح لبابا احسن
....... ......... ......... ... ...... ....... . ..
:بابا راح يرحون للسوق وما ياخذوني
الاب:بابا شيوخ شسوين بي والله لعبان نفس
شيخة:بابا اني اريد اروح لهذا لعبان النفس .
:شيخة كومي سويلي جاي
لام:محمد ليش تشرب جاي انت متشربة
محمد :راسي يوجعني
راحت شيخة وهي تتحلطم :المفروض يسموني خدمة مو شيخة شيخة جيبي شيخة ودي
الام:اشتغلي وانتي ساكتة
الاب :روان شو ماكو .
شيخة من المطبخ عاطت:اتحاجي حبيب الروح
الام:شيخة أتادبي معليج.
محمد:صدق ماما يعني هي وياه بالشغل ونهاركلة يتحاجون وبليل يومية يمنة .
الاب:انت معليك هو خطيبهة انت شكو.
..... ........ ....... ..... ..... ...... .... ... ...
مرحبا اني اسمي شيخة أي شيخة سماني جدي شيخة والله ما أدري شنو اكول علية غير الله يرحمة على اسم امة الله يرحمهم اني عمري 17سنة نجحت للخامس أدبي اني اريد أدخل ترجمة انكليزي لأن احبة المهم اني طولي155سم وزني 59 جسمي زين وشعري اسود فحم وطويل واصل لوركي اعيوني سود وسط وارموشي واصلة للستار هههه يعني أطوال خشمي نص ونص وحلكي وسط يعني أبنية اني سمرة عادية اني وكحة ولساني طويل وما سكت على الحق .
أبوي متقاعد وعندة محل مال كهربائيات عمرة60.
أمي ربة بيت عصبية بس حنونة عمرة55.
علي اخوية الجبير متزوج عمرة 29سنة عندة اثنين جهال يشتغل بالمصرف موظف مرتة بت عمي حبابة متتدخل ابد اصلا هو عازل بس بيتة ابصف بيتنه.
روان اختي هاي اموت علية كلش احبة وكل شي احجيلة مخطوبة وبعد أسبوعين عرسها كلش حزنانة انو راح اتروح بس بيت هو كلش قريب لأن خطيبة ابن جيرانة هو كلش حباب بس اني اضوج منة لأن أخذ اختي هي خريجة تحليلات وتشتغل وياة المختبر عمرة25 سنة هي كلش حلوة اعيونة صفر وكبار ورموشة أطوال وبيضة وعدة اخدود طالعة على أمي وخالاتي.
محمد هذا الخوية هم احبة اهواي اتعارك وياة بس احبة اخوية يخبل طويل اسمر اعيونة ملونة عسلي على اصفر جسمة حلو يلعب حديد شيبه الممثل معتصم النهار عمرة23سنة خريج قانون يشتغل وية بابا بالمحل على ما تطلع الهوية مالتة .
..... ...... ..... ..... ...... ..... .... ..... ....
شيخة جابت الجاي لمحمد وراحت كعدت أبصف امه
شيخة:ماما خلي اروح وياكم.
الام:أشوف
محمد:ماما اخذيه راح تبجي .
شيخة:أنجب كو ما أريد اغلط عليك لأن جبير
محمد :هو انتي غلطتي يعني شنو تستحين.
الاب:كافي اشكد تتعاركون وانتي ام علي اخذية
خطية هم هي تشتري كم شغلة
شيخة كامت وباست ابوهة :الله يحفظك يارب.
الام:خوش تعالي بس إذا كلتي تعبت ياويلج افتهمتي.
شيخة:ابد ولا اكول .
محمد:يلا اني راح اروح للمحل تردون شي .
الام:سلامتك .
شيخة:محمد حباب جيب وياك هذا العطر يلي وصيتك علية حباب
محمد:من يا محل
شيخة:##### هذا غراضي كلهن حلو
محمد:واني شعلية بغراضة انتي مو راح ترحين للسوك يعني ليش اني اجيبة .
شيخة:مو هذا محلة مو بالسوك يعني يم محلكم
محمد:ماشي يلا بأي
الكل:الله وياك
ماما وبابا دخلو للغرفة واني صعدت فوك لكيت
....... ....... ........ ..... . .. ....... ..... ...
روان كاعدة اتمشط بشعرها
شيخة هلهلت :كككللللووووشششش
روان:ليش اتهلهلين
شيخة وهي تكعد على الكرسي:لأن متخابىين أيمن.
روان :ها هسة سيدتى منه
شيخة:روان تذكرين نوال بت خالة نها من اتزوجت .
روان:اي لعد ليش اى قبل كم سنة اتزوجت يعني مو من قرن حتى ما أذكر .
شيخة:اي أدري بس مرة سمعت خالتي تحجي وياهة اتكللهة لا تحجين وياه منا لمن ايصير العرس .
روان:ها اي والله خوش فكرة بس راح يشتاقلي
شيخة:اي هو احنة انريد يشتاقلج
روان :لعد من باجر ابدي واليوم أكلة
شيخة:ابكيفج اتي راح انام لأن العصر راح انروح للسوك
روان:خوش لعد اني جوعانة اروح أكل
شيخة:لا تاكلين اهواي لأن البدلة خاف تصغر.
روان:انجبي شيخة ونامي عود تنصح ام حلك.
شيخة:كبر سوي خير وذب بالشط.
...... ...... ..... ...... ...... ...... ..... .....
4:00عصرا
شيخة كعدت غسلت وبدلت لبست قميص ابيض قصير دخلتة بالبنطرون ولبست فوكو سترة سودة طويلة لنص الفخذ ولبست بنطورون ماروني تسعيني وهاي وست (خصر عالي)
ولبست شيلة ماروني وحطيت اكريم اساس وحطيت حمرة وردي بناتي وحطيت مسكارة وكحلة وحذاء رياضي ابيض عالي وجنطة سودة ونزلت صعدنا بالسيارة ورحنا وصلنا للسوك اشترينة اشكال ملابس ومكياجات وعطور وأحذية وجنط المهم اني انفتح القيطان أمي وروان دخلن للمحل وعافني مال الحذاء مالتي سديتة وكمت وجان انصدم بواحد بس شنو عبالك حايط مو بني ادم جان ارفع راس وهنا الصدمة.......
مرحبا ورجعتلكم برواية جديدة انشالله تعجبكم وشاركوني رئيكم بالتعليقات باي احبكم❤🎀
