احببتوا ضحكتة 💛أولا ....
ثم كل شي #فيه...🎀
شيخة خلصت الحفلة واني صعدت للغرفة سبحت وبدلت ونمت وجع بطني ايزيد من التعب والألم نمت كعدت بليل الساعة 1:30 كمت للطبخ شربت مي واكلت كيك ورجعت للغرفة لكيت روان نايمة يم أمي وابوية نايم يم محمد اني مابية حيل كبل رحت للغرفة مالتي تمددت على الجرباية وفتحت الموبايل شفت كوم اشعارات واصلتلي دخلت على الماسنجر لكيت عمر داز كومة رسائل
💬الوووو
💬شيوخ
💬حب
💬شيخة وينج ترى كما أخاف
بعدين شفتة نشط منذو ساعة بعدين اجتني رسالة ركع
💬شيخة وينج والله خفت عليج
شيخة ابتسمت ورديت 💬ما بية شي بس جنت نايمة وتعبانة من الحفلة .
زد💬المهم انتي زينة
شيخة ما أدري اشلون سئلت هيج سئوال
💬عمر انت اتحبني.
💬شوفي اني أول ماشفتج بالسوك عجبتيني لأن قوية وبعدين من عرفتج انتي أخت محمد خجلت من روحي لأن اباوع على عرض صديقي بعدين اشوية اشوية كمت أفكر بيج اهواي والله مأدري اشلون بس حبيتج وبالاخص لمن بستج بالمطبخ ولمن شفتج لابسة اسمي حيل فرحت واني اهنا كما احبج زين انتي اتحبيني
شيخة جان يحجي هذا الحجي واني كلبي يطب ويطلع من كثر مادك حيل خجلت منة اني مأدري إذا احبة او لاء دزيتلة
💬ما أدري يمكن إعجاب او حب والله ما ماتئكدة.
💬اني راح اعوفج اتفكرين لمدة أسبوع ون شوف حب او شي ثاني .
شيخة مأدري والله شنو جاي أحس أفكاري حيل متخربطة وحيل فرحت من انطاني مهلة .
💬 شيخة الله عليج لتنزعي اسمي ابد .
💬ماشي .
💬تصبحين على خير
شيخة يحجي واني كلبي مثل الطبل معقولة يحبني اففف والله ما أدري شنو اسوي خلي انام احسلي ورى اشوية نمت.
🍀🍀🍀🍀
عمر رجعت من الحنة سبحت وبدلت وتعشيت وكعدت على الموبايل شفت شيخة آخر ضهور لها قبل خمس ساعات كما ادز رسائل وهية ما كو اني خفت علية ورى ساعة ردت علية وحجينة الحجي يلي فوك كملت من المحادثة وطلعت لكيت نور كاعدة.
عمر:نونو ليش كاعدة .
نور : ما يجيني نوم كعدت العب بالموبايل.
عمر:لعد ليش كاعدة بالهول
نور:ليش انت ما تدري اتي انام اهنا لأن السبلت مالتي عطلان .
عمر:ها لعد خلي نخلص من العرس واني اسوي ألج.
نور:عموري نعسان .
عمر:لا تردين شي
نور وهي تتوسلة:اي حباب تعال اكعد وياي حباب .
عمر راح كعد ابصفهة :كولي اشتردين
نور:عمر انت اتحب شيخة.
عمر استغرب:انتي اشلون عرفتي ها.
نور:ما ادري ذاك اليوم لكيتك اتباوع بالصورة مالتهة ومسحتهة من جهازي واليوم انت دكيت علية وهي رادة صح هي ماسحه المكالمة بس اني عندي يلي يسجل المكالمات .
عمر:افففففف والله يا نور اموت علية حيل مختلفة احسة طفلة شرسة .
نور بخوف:بس امي.
عمر بأستغراب :شعلية امي
نور:شوف عمر ماما تكره شيخة لأن اتكول عدهة السان ومتحترم.
عمر:زين هي امسويتله شي.
نور:لا بس انت تعرف امي تمر هو البنية يلي تضحك وتسولف وتخطلط تعرف امي انعزالية حتى نبأ وسهى وانعزاليات مثلها .
عمر:زين وانتي.
نور ابتسمت:اني مو انعزالية لأن ربيت وياك وية رائد ومتأئثرة بيهن .
عمر كام وباس رأس نور:يلا نامي باجر ورانية كومة شغل وتعب .
نور:تصبح على خير .
عمر:أجمعين .د
دخل عمر للغرفة مالتة وهو يفكر بشيخة وأمة اشلون تكرهة يعني إذا ازوجتها وجبتها اهنا اكيد راح اتصير مشاكل و شيخة وكحة وما تكعد راحة اوففف يبنيتي يعني والله ما معقولة ابنية بطول اصبعي اكوم أعشقها شيخة الي ومتصير لغيري اي هي شيخة مهندس عمر اي والله لو مدري شنو أيصير شيخة الي دخيلك يارب لا تكسر فرحتي خلي انام احسلي
نام عمر
🍀🍀🍀🍀
وفي الصباح الساعة7:30
امي:وجل شيخة كووومي راح اتصير الساعة عشرة وأنتي مكاعدة.
شيخة وهي اتخطي راسهة بالغطة :اففففف ماما أريد انام الله يخليج.
امي:شيخة إذا والله ماتكومين أصبح محمد يكعدج.
شيخة بعدم اهتمام وبعد هي نايمة ماحجت شي.
امي:خوش لعد متر حين الصالون.
شيخة كعدت ابسرعة :والله كمت جنت اتشاقة وياج ليش صايرة متتحملين شقة هاي اشيبج
امي عصبت:ادبسزز اتكلي اشيبج صدك مو اني صديقتج يلا كومي لا اطيح حضي.
شيخة سكتت وهي حاصرتهة الضحكة باوعت للساعة وشهكت :عزة بعد وكت والله يعني بعد هي مصايرة8وانتي كعدتيني .
دخلت روان وعي هستوهة طالعة من الحمام.
روان بحزن:والله راح اشتاق لهاي الايام.
شيخة رادا تنزل دمعتة بس ضحكت وهاي تخفي ادموعها:طبعا حتة اتعرفين قيمتي
روان نزلت ادموعها :شيوخ والله راح اشتاقلج.
امي كامت تبجي واني هم نزلن ادموعي ورحت حضنت روان لأن حيل احبها وبجيت واحتي امي وحضنتنة دخل محمد
محمد:ها منو مات
امي"عابت لهذا السان.
محمد:تبجون علمود روان الخبلة .
روان وهي تمسح ادموعها:أنجب محمد.
محمد وهو يضحك :انتي عروس لازم اتكونين كيوت كبر شوف شيخة ليكول مات رجلهة.
شيخة:يومك قبل يومة حقير ليش تحجي على زوجي المستقبلي.
محمد:يمة شو في بناتج هجمن علية
دخل علي اخوية الجبير
علي:ليش ما صحتوني
محمد راح حضن امة وخواتة وعلي هم راح وحضنهم.
محمد:راح اشتاقلج شوفي وهذا ايمن إذا جرحج او اذاك صدقيني راح اطيح حضة
علي:اس وإذا نزل دمعة وحدة من اعيوني ادفنة
روان :الله لا يحرمني منكم .
شيخة:يلا هم يلة انروح للصالون .
علي:اي صدق .
امي:رزان اني ما اكدر اجي وياج أعزل البيت واروح للقاعة كبل ماشي .
روان:اي ماما عادي .
شيخة:اني اطب اسبح واجي ويلا اطلعوا من غرفتي.
روان:انجبي ام حلك ترى هاي غرفتي هم
شيخة:من جنتي يمنة هاي غرفتج
امي:يلا خل نطلع وكل واحد يروح لشغلة
الكل طلع شيخة فتحت موبايلة لكت إشعار واصلهة فتحتة لكت مكتوب صباح الحب ❤
باي احبكم❤
