اعشق الون الأسود .....❤
لانة يذكرني بعيناك # 😍
.... .... .... ... ...
عمر دكيت الباب تطلعلي ام صديقي سلمت عليه
ام غياث :شلونك يمة عمر.
عمر:الحمدالله خالة انتي اشلونج.
ام غياث:والله ياخالة احنة عايشين الحمدالله تعال ادخل هذا غياث يسبح واني هم امسوية اشلون اكليجة اتلوك لهذا الحلك.
عمر ضحك :هههه فدوة لكلبج خالة يلا خل ندخل.
دخلت للبيت لأن غياث وخواتة كلهن متزوجات واني و أخوة الجبير عايش ابغير محافظة ويعني بس غياث وأمة بالبيت
اجت ام غياث جابت الكليجة
ام غياث:صدك عمر انت مناوي تتزوج .
عمر ابتسم:مو هسة خالة.
ام غياث"شنو يمة راح ادخلون بالتلاثين
عمر:لا خالة مو يلي احبة بعد هي اصغيرة.
ام غياث ابتسمت:يا ملعون يعني عندك واحد .
عمر:ههه اي خالة .
ام غياث:بيهة الخير بس اشكد عمرهة.
عمر كلش احب ام غياث لأن حنونة من جنت اصغار اني رأيي يمهم مرات احسة امي :عمرهة 17.
ام غياث؛:ولك يمة هاي بزر .
عمر:بعد أخذت كلبي❤
ام غياث:بس ايصير عمرهة19 اتزوجهة.
عمر:ها هيج اتكولين.
ام غياث:اي يمة لعد اتضل هيج طول عمرك عزابي.
اجة غياث وطلعنا.
غياث صديقي من جنا اصغار اني وياه إخوان أ و هم مهندس وياي
غياث:الوالدة استلمتك.
عمر:لا عادي اصلا اني احب حجيه.
غياث:اي شخبار الحب 😉
عمر:زين ليش .
غياث:هيج سؤال .
عمر:غياث
غياث: هااا.
عمر:احبة
غياث:هههه الله يرزقنة هيج حب ❤🙏
عمر:والله احجي صدك انت لا تصير خبل .
غياث:عمر اني ميت من الجوع عوف الحب وهاي السوالف وخلي انروح لمطعم حلوة وزين.
عمر:والله انروح لعلاوي أبو الفلافل.
غياث:لا عمر بداعت بتك خلي انروح لمطعم عدل.
عمر:ماعدي ابنية .
غياث:يمعود اني ادفع الحساب.
عمر:مو علمود الفلوس بس اني اشتهيت فلافل.
غياث:كبر اشكد فكر👐
عمر:ها تأكل فلافل لو لاء.
غياث:اي أكل امري لله .
عمر:كوم ابجي .
غياث:ليش ابجي أكل فلافل ومن أرجع تخلي امي اتسويلي أطيب أكل بعد ام غياث وما أدراك ما ام غياث .
عمر:خوش .
..... ...... ..... .....؛
شيخة نزلت رحت يم روان.
شيخة:بعد هي قافلة .
روان:اي .
شبخة:زين انتي شنو اتكولين.
روان:إذا البنية خوش وحدة خلي يتزوجها
شيخة:اففف ولله مو وكتها هاي السالفة .
روان:اي صدك راح تبدي المدارس .
شيخة: اي بعد أسبوعين
روان:اشتريتي ملابس .
شيخة:لا بعدني
روان:سهلة .
شيخة:علي يجي اليوم ؟
روان :والله ما أدري .
شيخة:اي بلكت ميجي.
روان:ليش حقيرة.
شيخة:يمعودة هاي القرودة مالتة امخابيل.
روان :هجم بيتج يالعاقلة ولا عرفتج .
شيخة :ولي اروح اشوف الوزارة اشوكت انروح نشتري ملابس .
روان"هههههه كبر يالخبلة
شيخة رحت كعدت ابصف ماما
شيخة:ماما احبج ❤
ام علي:كولي اشتردين .
شيخة:والله اني احبج.
ام علي:شيخة اني راسي مسطور كولي اشتردين.
شيخة:أريد ملابس مدرسة وقرطاسية وهواي شغل.
ام علي :اني اكول لأبوح .
شيخة:خوش
طلعت من امي لكيت روان اتخابر
شيخة عطت:كبر نهار كلة يمه وهسة هم اتخابر
روان اتأشرلي اسكتي اني هم سكتت .
روان:والله خالة اني اليوم ممداومة بالمختبر وأيمن راح للمستشفى أن شالله باجر تعالي واني اسويلج تدللين الله وياج
شيخة:منو
روان:ثول حتة ثول هاي ام عمر.
شيخة كلت ابكلبي "الله يطيح حضي اني اشسويت اف "
شيخة:اي عبالي ايمن.
روان :اروح يم أمي انتي وحدة خبلة .
روان راح يم أمي بالمطبخ واني كعدت بالهول العب بالموبايل .
مرت الايام والاسابيع طبعا علاقتي بعمر مستمرة وسالفت اخوية محمد محد كام يحجي بيها واني هم ما ادخل
المهم اليوم أول يوم دوام طبعا اني كلش متحمسة لأن راح اشوف صديقاتي كعدت الصبح غسلت وبدلت ولبست شالي ونزلت لكيت محمد اخوية اليوم هو هم يداوم بالمحكمة وامي أتصب جاي وابوية طالع .
شيخة:صباح الخير.
الكل؛صباح النور.
شيخة:لعد وين بابا.
ام علي:راح للجنوب .
شيخة استغربت :باب شيسوي بالجنوب.
ام علي:والله ما أدري كال عندي شغل.
محمد :يلا اكلي ابسرعة حتة انروح للدوام .
شيخة:كملت.
محمد:لعد يلا خل نطلع باي
شيخة أخذت جنطته :باي.
الام:الله وياكم
شيخة صعدنا بالسيارة :محمد اشصار على سالفتك.
محمد اتنهد:خليه على آلله.
شيخة سكتت المهم وصلنا ودعته ونزلت
دخلت للمدرسة سلمت على البنات بعدين اجتي امينة وكعدنة انسولف بعدين صارت ضجة وحجب والبنات يحجن ايكولن اكو واحد صاك موجود بالمدرسة اتي ما اهتميت بس امينه أتريد انشوفهة عاد اني هم ما كلت باطل كما أمشي بس بدون اهتمام جان واكف بالساحة وياة عمال لابس القبعة الصفرة مال المهندسين👷 وداير وجه ويحجي وية العمال بس طويل وجسم والبنات امسويات هجوم علي بس هو ما مهتم ملتهي ابشغلة اني هم سحبت أمينة ومشيت وجان اسع صوتى واحد اعرفة كلش زين ......
...... ...... ...... ...... .... ..
عمر مرت الايام والاسابيع عادي مصار شي وعلاقته بشيخة مستمرة طبعا اليوم راح اروح لمدرسة مال بنات علمود البناء المهم كعدت الصبح سبحت وبدلت لبست قميص ابيض وبنطرون بيجي وحذاء اسود وحازم اسود وسويت شعري وطلعت ❤نزلت اتريكت وصلت نور للمدرسة مالته واني رحت للمدرسة يلي اشتغل بية دخلت للمدرسة وجان الطالبات صارت مثل الذبان بس اني ماهتميت لأن عندي شيخة مقتنع بية دخلت لبست القبعة الصفرة مال الشغل ويلك برتقالي وبي اصفر(هذا يلي ايلبسو المهندسين )وبديت اشتغل بعدين وحدة ذبت رقم وحدة اتذب حجي وحدة وحدة تضحك بصوت عالي وحدة تدلع لعبن نفسي بس مال تلزم أيدي لا هاي واكفة صحت بيه :اختي احترمي نفسج
رفعت رأسي وجان أشوف شيخة واكفة وهي مصدومة بصراحة اتفاجئت انصدمت بعدين ابتسمت ألها بس هي خزرتني البنات كلهن وخرن مني لأن عصبت بس من شفت شيوخ ارتاحيت هي جرت ابنية ومشت اني هم رحت اكمل شغلي
هلللللو اشلونكم اهواي مشتاقتلكم طبعا اسفة على التأخير بس مالي خلك
باي احبكم ❤
الكاتبة :-شهد مثنى للغرباوي 😁
