خلقك #اصبعي عاريا ♡
لكي تكسوة دبلتك 💍❤
اليوم المشية مال الزل صارت المشية مال الزلم وحدود الغايب والحاضر واليوم يوم الخطوبة طبعا بطني توجعني ما أدري ليش وجهي اصفر يلي ايكول أول مرة راح اشوف عمر كعدت الصبح تريكو ومحمد بس يصنف علية عاد اني كاعدة وساكتة رحت الصالون وية روان وخالتي ونور أخت عمر هم اجت نور ماعاجبتني اهواي اتباوع على محمد وتسأل علية وعلى اخابرة بس اني ما بية حيل ادقق خل تخلص الخطوبة واني اصفالهة المهم بدت ام الصالون شغل تنظيف بشرة وسنفرة وأشكال وهاي دوخت البنات بدت اتخلي مكياج زودت المكياج العيون بحيث رسمتهن رسم وحطيت حمرة ماروني مات لبست فستان ابيض طويل بينصل اصلوخ وكلة شراشيب فتحت الصدر جبيرة والظهر فتحتة واصلة لخصري شعر سويتة برم على طولة ورفعتة اشوية منة بتسريحة ولبست تاج اصغير ولبست كعب ماروني عالي أخذت صور اني روان كومة وية نور وخالتي بعدين اجة محمد رحنا وصعدنة جان امشغل اغاني وحيل الصوت عالي
محمد :ولج شيوخ ايكولون طالعة اتخبلين.
شيخة:محمد خليني ثكلية ونصي صوت المسجل لأن بعد ما اتحمل راح اركص
محمد :ههههههه والله امخبلة
خالتي:أن شالله يوم يلي الك
محمد :بس كون تقنع الوالدة
خالتي:بعد هي قافلة
روان : قافل على حبك صدك قافل
نور اباوع عليهم اشلون علاقتهم حلوة اني بس وية عمر هيج أضحك واسولف اباوع على محمد جنة العافية لابس قميص ابيض وبنطرون اسود وشعره يجنن اباوع علية اشلون يضحك وياهم بس بعدين لمن خالتة كلتلة يوم يلي الك يعني امبين اي حب وحدة ما أدري أحس كلبي جمر اختنكت أريد هوة وحرارة كامت تطلع من رأسي وجسمي بعدين وصلنا وهو راح
شيخة دخلنا للبيت وامي تلكتني باست راسي وخدودي واني هم بست راسهة وأيدهة وخالتي يهوسن ويهلهلن ويطشن جكليت والاغاني واصلة لسابع جار دخلت رحت للغرفة لبست سبت النوم لأن راح نعقد شيخ سيت النوم ابيض قصير فوك الركبة فتحت الصدر جبيرة كلش وصلوخ بس اني لبست الروب فوكاه وطلعت لكيت أهل عمر جايين سلمت عليهم ورحت كعدت ورة الباب مال الاستقبال وهمة بالاستقبال حطوة جوة رجلي مي ورد وبيدي قرآن ومفتوح على سورة الفتح وروان واكفة يمي تقرة سورة النور وبين اصابعي هيل وقند ابجف ادية حطو ضل الشيخ يحجي واني أردد وراة بعدين سألني واني كلت نعم وانت وكيلي وسمعت صوت عمر كال ننعم وانت وكيلي و علت صوت الهلاهل وهاي الناس يلي اتبارك وهاي يلي اتهلهل وهاي اتبوس بية بعدين كمت بدلت لبست فستاني ونزلت كعدت طبعا بنات خالي وخلاتي وعمامي وعماتي وهمة بنات عمهم وعمامهم وخالاتهم وخوالهم شبعن ركص نور نبأ و مها خوات عمر لعبن لعب ورة اشوية دخل عمر بس شنو غير طالع ملاك ايجنن لابس قميص ابيض وبنطرون اسود وسترة سودة والدك مال القميص مفتوحة يلي بالبداية طالع فد شي البنات كعدت بس خواتة ضلن كعد ابصفي وهمس أبأذني
عمر:اكول الكمر اليوم وين شارد
شيخة ابتسمت وسكتت وهو هم سكت ورة اشوية بنات عمامة وخوالة كامن ايركصن وهذا ايباوع عليهن
شيخة اقتربت همست ابأذنة :نزل اعيونك ولا ترفع رأسك يلا ابسرعة
عمر ضحك :ههههههه يمة حاضر تدللين
شيخة والله ميستحي اشلون يركصن نور اجت وكفت يمي
شيخة؛ نور روحي كعدي هذني والله ميستحن
نور ضحكت :هههههه ليش
شيخة:أمشي طفي الديجي يلا ابسرعة
راحت نور طفت الديجي وهمة كعدن جابت ام عمر علبت الذهب بدى عمر يلبس بية لبسني الكلادة وباس ركبتي بخفة
عمر بهمس:اموت عليج
شيخة غمضت اعيوني وسكتت لبسني التراجي هو وروان لأن ميعرف ولبسني السوار والمحبس والحلقة واخير شي لبسني الكلادة مكتوب علية ''شيخة مهندس عمر 💝" حيل فرحت بيه طبعا امينة موجودة اتباوعلي وتغمز واني أضحك واسكت بعدين اطوني الحلقة مالتة لزمت أيدة ولبستة اله
عمر رفع اردانة مال القميص
عمر:شوفي هذا سويتة علمودج ❤
شيخة شفت الوشم مالتة يخبل ابتسمت وسكتت
بعدين امي اجتي لبستني اكلادة علية مكتوب علية "صغيرونتي "هدية من بابا وهي لبستني أسوار هديه من عدهة ومحمد محبس روان جابتلي جنجل كلش حلوة وعلاوي جابلي شباحية بحيث أحس روحي صرت محل مال ذهب ههههههه بعدين دخلت امرية جبيرة بالعمر وتهوس وذي جكليت
ام غباث:ككككككككلللللللوش عموري ياجكليتة حامض حلو اباكيتة كللللللوش هاي الرادهة وهاي التمناهة حبي وروحي عمري يسميه ككككككللللوش عروستنة ماكو مثلة عريسنة حبة واخذهة
عمر كام بأس راسهة وايدة وهي اتبوس بية اجت يمي اني هم كمت بست راسهة وهي اتبوس بية
عمر:كافي خالة خلصتيه .
ام غياث :لا ما تخلص لاتخاف
عمر:شيخة هاي ام غياث واني اعتبروه مثل امي
شيخة :أهلا وسهلا
ام غياث:يمة عمر منك المال منها العيال
عمر:انشالله
شيخة كعدنة وجابوة الكيك والعصير روان حطت الكيكة بحلكي
روان:يلا عمر تعال أخذ
عمر وهو يغمز 😉:مو تدللين
روان :ههههههههه يلا يالسبع
شيخة اني اسمع حجيهم بس ما اكدر احجي وعمر اقترب من الكيكة اكله كله وعض شفتي الفوك اني حيل خجلت مسحت حلكي بالكلينس وهو يضحك وأم غياث مدري اشنو تهمس إله وهو يضحك كللهة :ترباتج
بعدين شربنة العصير
ام غياث واهلة وأهلي كامو يصيحون :حبة ولك حبة ولتخاف من امة
عمر باسني من رأسي ومن خدودي ومن خشمي وراد ايبوسني من حلكي
ام غياث:يمة اكو بنات بعدهن مامزوجات لا طلع اعيونهن
عمر ضحك :ههههههه خالة هذني يعلمني ويعلمن عشرة مثلي
شيخة كعدنا وهم بدو ايركصون وأم غياث احسة فرحانة أكثر من امة اصلن امة ماله دور واكفة بعيد وساكتة وأم غياث هي يلي اتهوس اتهلهل وتركص بعدين اجتي روان وكومتني على اغنية دكي اركصي وعاد اني بالكوة كاضة نفسي كلهن كعدن واني بديت اركص
.... دكي اركصي ارتاحي دكي واركصي حيل بالخصر دوخي اليل هزي جتف اي ولج خلي الهموم اتزيل .......... بعدين ام غياث كومت عمر وكمنا نركص اني وياهة اباوع علية صار احمر ويعرك وكلساع يمسح كصتة طلعن اغنية غزوان الفهد مال هزي هزي واني لزكت على صدرة وكمت اركص وهو بس يمسح بكصتة بعدين كضيت ايدة وكمت اركص وهو مثل الصنم واني احرك بي ام غياث بس لتهلهل وتهوس وتضحك بعدين كعدنة همس بأذني
عمر بهمس :اشتعلو اهلج كون على هذا الركص.
شيخة وهي تغمز::بعدك ما شايف شي
اجت ام غياث وكفت ابصفي وكالت :ولج يمة خبلتني الولد على كيفج وياهة مو هيج
عمر ضحك :ههههههه اي والله يمة احجي وياهة فهمية.
ام غياث:انت اسكت صرت يمة صنم وهي اتحرك بيك
عمر ضحك:ههههههه غير هي خبلتني
ام غياث:يمة شيخة وين القند.
شيخة:انطيتة لروان.
ام غياث راحت صاحت روان جابت القند
ام غياث:تعال يمة عمر أكل هذا .
عمر:خاف موطيب
ام غياث:هو شنو تعال أكل لا تخبلني
عمر أكل القند
عمر:اي صدك عود ليش اني اكلتة
ام غياث:ها هذا شيخة من عقدولكم كضتة بيدهة وانت لازم تاكلة حتة اتضل بعيونك طول العمر حلوة
عمر:والله اني ما خذلي كمر❤.
روان اجتي :يلا اجت المصورة
شيخة:شكلي عدل
عمر كض أيدي وكومني :غير ملاك يلا كومي
كمنا دخلنا بالاستقبال الخارجية المصورة باركت النة وبدينة نأخذ صور كومة طبعا عمر ماقصر بالقطات اصلا راد ايبوسني من حلكي بس اني ما رضيت كملنا وطلعنا وهو هم طلع رحت كعدت يمهم تحت كعدت ابصفي أم غياث
ام غياث:ترى عمر عصبي حيل بس والله كلبة طيب وحباب
شيخة ابتسمت وسكتت
ام غياث:ترى ايحبج ويموت عليج وانتي هم ديري بالج علية.
شيخة ابتسمت وكلت ابكلبي والله انتي احسن من امة :احطة بعيوني
شيخة خلصت الحفلة واني صعدت سبحت وبدلت ونمت لأن ميتة من التعب
اسفة على التأخير والله جانت خارج إرادتي بس اني عوضتكم لأن نزلت كل البارتات وخلصتة قراءة ممتعة😁
الكاتبة:شهد مثنى الغرباوي ❤
