ليتنا لم❌
نتعمق《 ليتك》كنت#
غريبا 💔 إلى الآن 😔
➿➿➿➿➿
شيخة سولفت امينة كل الحجي
امينة:لا كلج اني بديت اخاف من هاي النسرة طيبة.
شيخة:والله اني هم خاف اتروح تحجي لمحمد وهي تعرفة .
امينة:لامتحجي وياة
شيخة:إذا درى محمدمعناهة انتهت الحياة.
امينة:افففف والله ظلم.
شيخة:ليش.
امينة:يعني همة يحبون يتمعشكون وأحنة إذا حبينا تنكلب الدنيا مجتمع ذكوري فاشل .
شيخة:لعد شنسوي غير حظي الاغبر
امينة:اكلج اني جوعانة راح اروح اشتري تجين وياي.
شيخة نامت على الرحلة :لا انتي روحي .
امينة:ابكيفج
راحت امينة تشتري و شيخة نامت على الرحلة وهي أتفكر (اففف اني اعلمج الحقيرة يا طيبة إذا ما اطيح حظج ما يطلع اسمي شيخة المنحطة تشتغل شرقية نيوز 😡بس لا صدك اتكول لمحمد هلو هلو معنى الحياة خلصت الله يطيح حضي اني اشعندي حبيت اف منك يا قلبي )
اجت امينة :أمشي راح نطلع للبيوت .
شيخة:ليش.
امينة:عدهن المدرسات اجتماع .
شيخة لبست جنطتة وعدلت شاله:يلا أمشي
طلعنا اني وامينة نمشي هي راحت لبيتهم واني هم رحت للبيت دخلت لكيتة فارغ صعدت للغرفة دخلت سبحت وبدلت اهدومي تمددت على الجرباية وضليت افكر(لو محاجية مو احسن دخيلك يارب )ورة خمس دقايق اندكت الباب
:فوت
الام؛ ها شيوخ شو واليوم طالعة من وكت.
شيخة؛اي عدهن المدرسات اجتماع وأحنة طلعنا
اي صح انتي وين جنتي.
الام:جنت يم ام عماد ضغطه مرتفع وديت الجهاز اله .
شيخة:ها خطية
الام:يلا تعالي اتغدي.
شيخة:اي اجيت
شيخة نزلت اتغدة.
❌❌❌❌❌
دك موبايلي اشوف اخوية امجد
عمر:الو
امجد:عمر احنة تعال للبيت امي اتريدك
عمر:ليش.
امجد:والله ما أدري .
عمر؛ماشي جاي
سديت الخط رحت للبيت وصلت وجان اشوف امي امثعولة وحيل امعصبة
عمر:السلام عليكم.
الكل ماعدة الام:وعليكم السلام.
الام:انت من اشوكت اتحب شيخة .
عمر اتنهدت :من زمان .
الام:عمر انت ليش غبي
عمر عصب:يمة شنو قصدج.
الأم: مالكيت غير هاية اتحبهة.
عمر:والله هاية يلي تحجين عنة هي يلي أخذت كلبي وبعدين انتي منو كلج.
الام:سمعت نور تحجي وياك بليل بس كلت اني سمعت خطأ بس لمن اليوم حصرتة حجابي كلشي والله لو تنطبك الكاع على السمة ما تتزوجه.
عمر عصب:والله أخذنا غصبا على يلي يرضة والماريضة اني احبة وهي اتحبني وبعد كافي .
الام بعصبية:واني كلت ما تاخدهة.
عمر بغيابك وصوت عالي:والله غير شيخة اني ما اتزوج وانتي نور اني اعلمج عبالي اختي تساعدني طلعتي اتعس منهم .
نور وهي تبجي :والله معلية هي جبرتي احجي .
الام:عوف البنية ومعليك بية انت حجيك وياي .
عمر:انتي ليش ما تردين شيخة فهميني
الام:لأن وحدة وكحة وما تعجبني ومو من مستوانة
عمر:اي كولي انتي اتهمج الماديات بس اني أخذ شيخة يعني اخذهة سمعتي لو اسمعج عمرج كلة ما اهتميتي النة هسة من كبرنا وصرنا زلم امشوربة تردين اتمشينة ابمزاجج.
الام:عمر أمشي اطلع برة
امجد:يمة دخيلج اهدي شنو يطلع برة انتي اثنينكم امعصبين اهدو وبعدين كلشي ينحل
عمر بعصبية"اصلا اني بعد ما يشرفني اكعد اهنا
طلعت وركعت الباب حيل شغلت السيارة دكيت على شيخة موبايلة مغلق دكيت على غياث
عمر بقهر :الو
غياث:عمور اشبيك
عمر بصوت مخنوك :انت وين راح اجيك.
غياث:اي تعال اني بالبيت .
سديت الموبايل من غياث وهم رجع دكيت على شيخة الموبايل مغلق
(اففف ياشيخة شكلنا اهواي راح نتعذب بس والله أخذه من حلك السبع وخلي ان شوف من يلي يحجي
➿➿➿➿➿➿
شيخة كملت أكل وكمت اغسل دخل محمد مثل الثور الهايح
محمد بصوت عالي هز البيت هز:شيييييييييخة
شيخة اني جفلت بمكاني وكل بي كام يدك حيل وبطني صار بيهة مغص وعركت وجهي يطلع نار .
شيخة بصوت متقطع:نععععععم أتريد شي
اجة محمد ولزم ايدهة حيل :وجل وانتي والله ما تستحين اني تالي عمري اختي هيج اتسوي بية
اجت الام خايفة :يمة محمد اشبيك وية أختك على كيفك
محمد بعصبية :يمة هاي بتج وحدة ماتستحي احنة اموديه للمدرسة حتة تدرس بس بنج المحترمة رايحة تتمعشك وتحب
الام بصدمة:شيخة هذا الحجي صدك .
شيخة ما أدري آمنين اجتني القوة وحجيت رغم كلبي يرتجف حجيت بصوت عالي:اي احب اني ماسويت جريمة وانت هم تحب انت من الناس هذا الشئ مو بيدي ولا بيدك انت تعرف لمن اتحب وأكثر واحد امجرب الحب انت اتحلل الحب عليك وتحرمة على غيرك وهذاك اليوم اتعاركت وية ماما علمود تتزوج يلي اتحبة وكلكم تعرفون روان اتزوجت ايمن عن حب محد حجة وياهة بس لمن الشغلة توصل يم شيخة كلشي حرام وانتوا اتعرفون عمر خوش ولد وحباب
محمد ابعصبية:لا تبررين الخطأ وبعد ماكو دوام وتلفون وانترنيت سمعتي
شيخة: .....
الكاتبة :شهد مثنى الغرباوي 💜
