قصيرتي...
امج جابتج وأحنة# ابتلينة ❤😟
يل طولج شبر♡
شمسوية بينة 😍😮
عمر مرت الايام عادي بين الدوام والطلعة والبيت واليوم شيخة اداوم واهلهة رجعوا خبر الموافقة واتفقنة على مشية الزلم بالعطله طبيت سبحت وطلعت بدلت وطلعت ركبت السيارة فتحت المسجل وطلعن اخبار بعدين طفيتة لان رأسي يوجعني والأخبار تاخذ الروح وصلت للمدرسة شفت سيارة محمد راحت باوعت على المراية عدلت شعري وياخت قميصي وحطيت عطر ونزلت من السيارة دخلت للمدرسة وجان اشوف شيخة واكفة واحجي وية وحدة بعصبية وترفع بحاجة ضليت اباوع علية بعدين دفعتة باصبعة السبابة وكأنه شي وصح وراحت ضحكت علية عرفتة ما تسكت على حقة باوعت علية غمزتله وهي ضحكت وراحت وية اصديقتة واني هم رحت للعمال اشوفهم شيسون بديت اشتغل بعدين دك الجرس كله فاتت واني رحت اشتري بطل مي دخلت للحانوت اشتريت بطل مي
الرجال:اكلك عمو انت اتحب بنية
عمر غصيت بالمي و ضحكت :اي عمو ليش تسأل
الرجال :هاي يعني انت اتحب شيخة
عمر استغربت :وانت مين تعرف شيخة
الرجال : اكو واحد مي عرف شيخة مهندس عمر كله تعرفة
عمر ضحكت:اي عمو شايف هاي القزمة لعبت بكلبي لعب .
الرجال ضحك:اي عمو هي القزمة تكلب الرجال وترجعة طفل يمهة
عمر ضحك وغمز :لازم انت هم امجرب
الرجال :هههههههه اي من جنت مراهق بس هسة لا وين رجال الشيب تارس شعري
عمر:ههههه لا عمو وين بعدك شباب تعال واياي انروح للحلاق يصبغ شعرك ونسوي شعرك على الموديل ونسوي الحية واني وياك انروح نواف بالركن مال المدارس .
اجاني صوت امرية جبيرة من ورة :اي انت طلع عينة خاف هو ناقص
الرجال:لا المهندس يشاقة مو صصح ابني
عمر حبيت اخبث:لا عمة ليش اشاقة والله يا خالة رجلج الخوف يدري بالج علية ويلا اني اروح مع السلامة
المرية:اي أعرفك مو راحة من ازوجتك وانت هلة هلة
الرجال:اشتعلوا أهلك هاي انت بيش ورطتني تعال حلهة
عمر:خالة اني جاي احجي الصدك عفتهم وطلعت وهي زعلت وهو يراضي بيه حبيت علاقتهم حلوة اشلون بهذا العمر وبعده تدلل علية مع انو هي تدري انو هو ميسوية بس اتريد تعرف معزتة عدهة رحت اكمل شغلي .
شيخة طلعت من البيت محمد وصلني دخلت للمدرسة سلمت على البنات شفت طيبة واكفة وية شلتهة التعبانة
شيخة :طيبة أريد احجي وياج
طيبة:اي اجيت
اخذتة ورحنة بعيد اشوي
شيخة:انتي ما تستحين
طيبة :ليش بلة ست شيخة
شيخة:ولله انتي سمعتج فتيحة وعبالج كل الناس مثلج احترمي نفسج وعوفيني بحالي افتهمتي ترحين انك أين لمحمد شوفي يمة هاي السوالف صارت قديمة أقسم بذات الله يا طيبة إذا تتقربين مني شنو اسويلج وترى يلي يندك بية يطلع خسران اقتهمتي لو افهمج ناس طالعة من الطريق دفعتهة بأصبعي السبابة وجنة شي وصح فعلن هي وصخة هاي القذرة رحت أمشي اني وامينة جان اشوف عمر يباوع علية ويغمز ضحكت ورحت للصف بدن اي دخلت المدرسات دك الجرس طلعت دخلت للحانوت اشتري
الرجال:هلة بشيخة
شيخة ضحكت :ههههههه هلا بيك عمو
الرجال :وجل عهدا حبيبج مدري خطيبج خبلني واخواني اتعارك وية مرتي
شيخة ضحكت :هههههههههه ليش عمو شنو يلي سواه واني أئدبة الك
اجاني صوت من ورة :منو يلي تأدبي
الرجال :انت ولك صدك جذب خليتة تزعل اشبيك .
عمر :هههههههههههه عمو مرتك ما تتحمل شقة شيخة:لا اكيد انت صار شقاك ماصخ
شيخة حجتلي اشوية بالكريمة والله ضحكت عليهم اشلون عمر لاعب بيهم لعب
شيخة:سهلة عمو كلله احبج بس انتي يلي احبج ومن هاي السوالف الحلوة .
الرجال اتنهد:هو هم هيج راح ايصير
شيخة دك الجرس:ههههههه يلا عمو اني راح اروح وانت عمر عوف الناس معليك بيهم
طلعت من عدهم ومرة اليوم عادي وكذا لك بيقيتالايام اليوم آخر يوم الامتحانات واني حيل فرحانة لأن راح نخلص منهن وراح اتصير الخطوبة رجعت للبيت طبيت سبحت وبدلت ونمت كعدت نزلت لكيتهم كاعدين يستعدون واني هم كعدت وإياهم
الاب:اليوم ابو عمر دك علبة
الام:اي شكال
الاب:بعد يومين يجون وراهة بكم يوم عقد الشيخ وحفلت المهر .
الام:والمحكمة
الاب: المحكمة ورة المهر بيوم احسن من السالفة حارة .
الام:اي خوش حتة نطلع نشتري اهدوم
شيخة كاعدة اسمع الحجي وأحس كلبي راح يطلع من مكانة وضليت ساكتة بعدين كملنا عدة غسلت الماعين ونضفت المطبخ وصعدت للغرفة ودكيت على عمر
شيخة:الو
عمر: الوات
شيخة:عمر ليش ما أخذت رئي ليش اتقرر وحدك عمر:ليش عدج اعتراض حتة ان غير ابكيفج كولي
شيخة:لا ما عدي .
عمر :انجبي شيخة
شيخة:عمر
عمر:اعيونة
شيخة:أريد انسوي جلست تصوير يوم الخطوبة
عمر:تدللين بعد اشتردين.
شيخة :وسلامتك
عمر:يلا كبدبد راح اروح باي
شيخة :هلو
شيخة سديت التلفون
عمر مرت الايام عادي خلصت شيخة إمتحانات وخليت ابوية يدك على ابوهة وحددنا موعد المشية مال الزلم بعد يومين بعدين طلعت من البيت ودكيت على شيخة وحجيت وياهة بعدين.دك علية غياث كال امي تريدك اني هم شغلت السيارة ورحت وصلت الهم دكيت الباب طلعلي غياث سلمت ودخل وما أحس اله جكليت على رأسي وال هلاهل
أم غياث اطش بالجكليت وتهلهل :كككككككللللللوشششششش ذبو القوط يهل القوط عموري لبس قاطة ككككككككللللللللووووشش أسمر ويخبل كل القوط اتلوك علية
غياث:ولا اتكول لوحدك كل احنة خوتك .
عمر ضليت صافن عليهم حيل فرحت امي واخواني ما سوو هيج رحت بست راسهة وايدة
عمر :فدوة لكلبج خالة الله لا يحرمون منج
ام غياث:الله شاهد اعتبرك مثل غياث والله انتوا الإثنين جنت أنتظر عرسكم والحمد الله واحد بيكم فرحني.
غياث:يمة ما دام عمر راح يتزوج معناهة اني وارة
عمر:ههههههه يعني اني فكيت الجبسة .
ام غياث:كككككككلللللوش عمور يا جكليتة حامض حلو اباكيتة كلللللوش
غياث :بعد ام غياث وما تعرف اتهلهل وتهوس
عمر:أنجب خالة حبابة اريدج انتي يلي اتشعلين الخطوبة مالتي
ام غياث:فدوة لكلبك عمر انت غير ابني والله اله العب لعب بعرسك انت بس اصبر
غياث:يلا تعالوا ادخلو هسة العالم راح تهجم علينة
عمر :اي صدك عيب
دخلنا للبيت واني حيل فرحان امي ما سمعت منة كلمة مبروك واخواني هم بس غياث وأمة اني حيل أحبهم الحمدالله الله رزقني بيهم
ام غياث:أخذوا راحتكم اني راح ادخل للغرفة
عمر :وين تعالي اكعدي ييمنة
ام غياث:والله وليدي ما اكدر رجلية توجعني .
غياث:روحي يمة اخذي راحتج
الكاتبة :شهد مثنى الغرباوي 💖
