وهل اخبرتك؟...* Sh+A=❤
يوما#ابن لا أحد ➿يجيد
التحكم بأبتسامتي غيرك 💞
سديت الموبايل من عمر وتمددت على الجرباية يالله هاي ليش أتريد تجينة أكيد عدهة شغلة ورة اشوية نمت كعدت على واحد يدك بالباب كما فتحت الباب لكيته امي
امي:ثول حتة ثول ام عمر اهنانة عدلي هاي الكفشة مالتج والسبب ملابس عدلة وحطي مكياج زين وجيري المي والعصير وتعالي.
شيخة :اي هي شنية هسة اجي
راحت امي ورحت ركض دكيت على امينة
امينة :الو
شيخة :ولج امينة ام عمر اهنانة وامي اتكول ألبسي وعدلي خلقتج وجيبي العصير قدمي الهم
امينة هلهت :كككككللللللللوش منة المال ومنج العيال .
شيخة ابتسمت :يعني جايين ايخطبوني.
امينة :لا جاني يأخذون صورة اوياج يلا أمشي ابسرعة روحي البسي واني بعدين ادك عليج. سديت الخط من امينة رحت وكفت اكبال الكنتور طلعت تنورة بينصل قياس تسعين ماروني وقميص نيلي شيفون خفيف ومشطت شعر وسويتة ذيل احصان عالي وحطيت فونديشن وحطيت مسكارة وحكلة حمرة بناتي وهايلات وضلال ترابي وطلعت نزلت للمطبخ طلعت المي والعصير ودخلت للاستقبال
شيخة :السلام عليكم
الكل :وعليكم السلام .
رحت وزعت العصير عليهم جاية هية ومرت امجد مها وبتها مرت عمار ومرية ثانية جبيرة ما اعرفة انطيت العصير وطلعت
ام أمجد :والله اتعرفين ام علي احنة اهل واني اليوم جاية اطلب ايد شيخة لأبني عمر .
ام علي:والله ام أمجد جيتكم على رأسي بس اتعرفين الشور شور ابوهة وإخوانه وهي انشالله اني بهاي اليومين ارجعلج خبر
ام أمجد :لعد احنة نرفع الزحمة .
ام علي:وين اتعشوا وين رايحين .
ام أمجد :خيركم سابق ان شالله غير مرة مع السلامة .
ام علي :أهلا وسهلا طلعوا من البيت
شيخة طلعت من الإستقبال طبيت للمطبخ اهوس :خلوني اركص خلوني امة وخواتة خطبوني عاشوا.
بعدين صعدت للغرفة خابرت امينة وهاي بس اتهلهل صوت أذني بعدين امي صاحتني نزلت
شيخة :ها يمة .
ام علي:شوفي شيخة صح همة خوش ناس بس انتي بعدج اصغير
شيخة :ماما صح اني بعدني اصغيرة بس اني موافقة بس خطوبة والعرس من أخلص سادس .
ام علي:خلي ان شوف ابوج والله كريم
شيخة صعدت للغرفة وجان يدك موبايلي جان اشوفة مكتوب علية 《نبضي ♡❤》رديت علية :الو
عمر يغني :هي حلالي انتي العشق مالي اروح فدو ألج انتي يم جهالي
شيخة ضحكت : ههههههههه اروح فدو لصوتك .
عمر:تدرين اني أسعد واحد بالدنيا .
شيخة :واني أكثر بس بعد بابا واخواني .
عمر:وهذولة سهلة بس محمد
شيخة تنهدت:والله ما ادري كالب خلقتة وكاعدة .
عمر حب يلطف الجو :وين تردين ايصير العرس .
شيخة ضحكت :بس اني ما اسوي هسة
عمر بأستغراب :ليش .
شيخة :من اطلع من السادس ماما كالت .
عمر :يعني أصبر سنتين .
شيخة :لا حبيبي احنة اصلن بعد أسبوعين نمتحن نص السنة يعني سنة ونص .
عمر:لا حبيبتي ما كلتي شي بس يلى اهم شي تبقين آلية .
شيخة :اني راح اروح باي
عمر:الله وياج حبي باي
شيخة:أحبك ❤
عمر ابتسم :وانتي وتيني 💚
~~~~~~☆☆☆☆~~~%
ام أمجد طلعنا من البيت مرت اخوية الجبير ام سامر
ام سامر:والله يا ام أمجد هاي البنية فدو تنحط بالكلب من الأدب والجمال حتة كتكوتة الله يستر علية ويجعلة من نصيب عمر خوش ابنية .
ام أمجد ماحجت شي لأن هي ما راضية على العرس .
مها :اي والله خالة بعد أخلاقه احلة وكلش طيبة .
ام أمجد خنزرت على مها وسكتته مها هم سكتت
نبأ:اي خالة حتة روان زوجت ايمن هم هيج حبابة بس روان اشوية أنفة بس شيخة لاتضحك وتسولف وي الكل
ام سامر :اي فدو امبينة حتة شكله محبوب
ام أمجد حبت اتغير الموضوع :اي ام سامر متجين تتعشين يمنة.
ام سامر:لا انشالله غير مرة
ام أمجد :لا بدأعت سامر
ام سامر ابتسمت :مادام حلفتيني بدأها الغالي اجي وياج .
~~~~~~♡♡♡♡~~~~~
عمر صعدت للغرفة نمت اشوية وكعدت سبحت لبست قميص ماروني وبنطرون نيلي ونزلت لكيت امي ومها ونبأ جاهزات
عمر:يمة اني اوديكم لو امجد
ام امجد :لا انت روح امجد ياخذنة حتة ان مر على مرت خالك ام سامر .
عمر:ها خوش لعد طالع مع السلامة.
الكل :الله وياك .
عمر طلعت من البيت ورحت لغياث وطلعنا اني وياه رحنا لقاعة البلياردو لعبنا اشوية بعدين دك علية امجد
امجد:ها عمور.
عمر: بشر
امجد:لا وصلتهم واصلا هسة هنة رجعن .
عمر:اي وشتكول امي .
أمجد :يشوفون ابوهة واخوانه.
عمر:ها خوش .
امجد :يلا نترخص.
عمر:هلا بيك.
سديت الموبايل من امجد
عمر:غياث راح اروح
غياث:ليش
عمر:بعدين مو امي راجعين من بيت شيخة 😉
غياث ضحك :ههههه روح هوية لا توكع علية
عمر:يلا باي
طلعت من الصالة وركبت السيارة دكيت على شيخة كاتب علية {شيخة مهندس عمر 💝} وغنية اله وبعدين حجيت وياه بس اشوية زعلت من دريت العرس مراح اتسوي هاي الفترة آلة من تتخرج من السادس بس يلى الحمد الله عاد اتصير الي وصلت للبيت لكيت مرت خالي ام سامر حيل حبابة
عمر:السلام عليكم
الكل:وعليكم السلام.
عمر:اشونج خالة .
ام سامر:تعال يا بعد خالتك تعال اكعد ابصفي .
عمر ابتسمت وكعدت ابصفة : اي خالة شخبار الولد خالو .
ام سامر :كلهم زينين السلمون عليك.
عمر:الله يسلمج ويسلمهم.
أم سامر غمزت لعمر😉: فدو الله لابس هو وخطيبتة نفس البس .
عمر ابتسم :يعني اشلون .
ام سامر:هم لا بية هيج الوان بس بالعكس وهي لا بسة تنورة.
عمر:لي خالة حلوة لا.
ام سامر:فدو خالة وعلي تنحط بالكلب كتكوتة ومأدبة وحبابة .
امجد :.........
الكاتبة :شهد مثنى الغرباوي 💙
