كلولها اتبطل كحل😧
كحلته #هدت حيلي❤😥
امجد:وانتي خالة اشلون عرفتي .
ام سامر:اني اعرف والله كايل (سيمائهم في وجوههم).
عمر: بس كون اهلة يوافقون .
ام سامر :فدو لكلبك شنو عايزك شو مال وجمال وشهادة .
امجد :والله خالة القرد بعين اهلى غزال.
ام سامر :والله ماكو قرد غيرك هذا الجمال كلة وتكول قرد وبعدين المثل يكول القرد بعين امة غزال .
نبأ ضحكت : امجد لو تسكت مو احسن
امجد :اي والله هو هم هيج .
نور : الباب تندك
عمر :اني طالع
عمر طلعت فتحت الباب شفت ........
☆~~~~~~~♡☆♡☆♡☆~~~~~~♡
شيخة اجة بابا ومحمد وعلي اخوية كعدوا بالهول وماما كعدت يمهم ورة نص ساعة صاحوني رحت كعدت يم بابا اباوع على علي مبتسم ومحمد عادي كاعد وساكت وماما هم كاعدة وساكتة
الأب وهو يمسح على شعري:حبيبتي شيوخ يابطة والله كبرتي وصرتي عروس
شيخة باوعت علية وابتسمت وسكتت
الاب:شوفي بابا احنة نعرف عمر رجال وخوش رجال وحباب واصلهم طيب وأحنة موافقين بس انتي رئيج اهم شي طبعا
شيخة:بابا أن موافقة حاليا بس خطوبة من اطلع من السادس عود ايصير عرس .
الأب بأس رأسه :براحتج بابا اهم شي انتي موافقة
شيخة طلعت من الهول صعدت للغرفة ورة اشوية دخل محمد
محمد:ممكن افوت.
شيخة:أكيد اتفضل
اجة كعد يمي
محمد:شوفي شيخة اني عصبت عليج لأن أي رجل شرقي من يعرف اختة او قريبتة اتحب والناس يحجون علية أكيد راح يعصب اني مجتمعنة مي تقبل الحب لأن اغلبية الولد وصخين وماعدهم غيرة اني من خوفي عليج هيج سويت صح اني اكعد وية عمر واسولف وأضحك ونطلع ونطب بس اني مو صديقة كلش وما اعرف شنو يدور براسة يجوز حباب وياية بس عمر رجال من صدك وفى بوعدو اكو ولد الحلفان عدهم زلاطة.
شيخة ابتسمت وسكتت
محمد :اني راح اروح بالعافية انشالله ان شوف زعاطيطكم.
شيخة ضحكت :ههههههه
محمد:شيخة وعلي عمر إذا سمع هاي ضحكتج يشرد
شيخة عصبت :أنجب محمد
محمد ضحك :اي هاي اختي يلي اعرفة يلا بأي
شيخة :هلو
☆~~~~~~♡☆♡☆♡☆~~~~~~~♡
عمر فتحت الباب وجان أشوف محمد
عمر: ها أبو جاسم وين هاي الغيبة
محمد:أهلا عمر اشلونك شخبارك
عمر:الحمدالله زين انت اشونك الأهل
محمد :اني زين (وغمز)😉والأهل هم زينين
عمر ضحك :هههههههه تعال اتفضل .
محمد:لا أمشي نطلع .
عمر:اي يلا لعد انتضر اجيب غراضي واجي .
محمد :عوف سيارتك .
عمر:ماشي .
دخل عمر واني ضليت بالباب واكف انتضر عمر ورة اشوية طلع جاهل من البيت عرفتة ابن امجد يطلع عمرة سنتين .
محمد دنكت علية: شنو هاي الخدود انت شسمك.
الطفل :علاوي
محمد ضحك وحضنة :يمة فدو لعلاوي.
ورة اشوية اجت ابنية يطلع عمرة 16 او17يمكن بكد شيخة ماتدري بية واكف
نور:ولك علاوي والله هسة اطيح حضك تعال ادخل وانطيني موبايلي .
محمد صدك اباوع على ايد بية موبايل
بعدين عاطت:ولك علي تعال طب والله لوبيدي اطيح حضك راح يجيك الحرامي
شو الطفل كام يبجي ويعيط اني ضليت صافن شنو هاي عائلة كلة شاخطة اني عصبت ليش هيج اتخوف الولد وهو صغير حضنتة وهي طلعت من ورة الباب و انصدمت يمكن مأدري بية لأن تفاجئت.
محمد وهو مخنزر علية:لا حبيبي روح فوت يم ماما محد يجيك وانتي بعد لتخوفين الولد افتهمتي
هي طبت ركض للبيت والولد هم دخل اجة عمر
عمر:آسف أبو جاسم بس دك موبايلي وظليت احجي .
محمد:يلا مصار شي .
عمر:أكيد علاوي دوخك.
محمد أتذكر البنية وبتسم:لا عادي اصلا يخبل
صعدت بالسيارة ورحنة كعدنا على الشط الجو جان وكت غروب وكلش حلو .
عمر:اشلون دريت علاقتي وية شيخة .
محمد :خلي اروح اجيب شي مسربة وبعدين نحجي لأن الجو بادي يشتي.
عمر:اني أريد كهوة تركية .
محمد :على هالخشم يالنسيب .
عمر ضحك وسكت
راح محمد جاب كهوة وكعدنة شربنا
عمر:يلا سولف
محمد حجيت كلشي لعمر :وهذا كلشي
عمر:بس لا ضربته
محمد ضحك :لا اني ما أتعامل بالضرب
عمر زفر براحة :لا لو ضاربة جان اطيح حضك .
محمد:مو جنك أخذت راحتك
عمر:اي كلش
محمد:ههههه أنجب .
عمر:نرجع للبيت لو تعشينة على حسابك .
محمد :أمشي ارجع لبيتك بعدني مامستلم الراتب.
عمر:كبر اشكد جلف 👐
محمد :ولا يكعد حاتم الطائي يلا أمشي اوصلك للبيت
عمر :أمشي روح اني عجبني اكعد اهنانة وإذا ردت ارجع أخذ تكسي لو ادك على غياث.
محمد :خفتا وراحة باي .
عمر:أنجب
محمد ضحك :ترى ما انطيك اختي .
عمر :حتة ####بالنص
محمد :باي .
عمر:هلو.
محمد ركبت بالسيارة وهم اتذكرت البنية يلي شفتة اليوم اليوم بعدين دك موبايلي شفتة رند حبيبتي
محمد :الو.
رند :هلو محمد اشونك .
محمد :زين الحمدالله انت اشلونج.
رند :من سمعت صوتك صرت احسن .
محمد :حبيبي انتي والله .
رند ضاجت :أوي محمد والله اضوج من اتكول حبيبي.
محمد ضحك :هههههههههه حبيبتي اني هسة جاي أسوق من أوصل للبيت عود اخابرج.
رند :ماشي كلبي .
سديت الخط من رند رند ابنية حبابة وعلى نياتة اني حبيتة عن طريق النت كلش حبابة وهي تدرس ثاني كلية قسم آداب انكليزي يتيمة الام عائشة وية مرت ابوهة وابوهة وخوانها.
☆~~~~~~♡☆♡☆♡☆~~~~~~~♡
نور طلعت ورة علي ابن امجد لأن أخذ موبايلي طلع بالشارع اني ما طلعت ورى لان ملابسي ما تسمح اطلع ضليت احجي وياة بعدين خافتة كتلة راح يجيك الحرامي وهو كام يبجي طلعت أريد اجرة وجان اشوف محمد صديق عمر واخو شيخة اني انصدمت اوووويلي يخبل يمة شوف هذا ضل يخنزر علية بعدين اكلي وانتي بعد لتخوفين الطفل واني أفلت انعل الموبايل لاحتة أبو اني سعدي طلعت بس والله حلو خرب انة ادورة اعيونة خضر مدري صفر يبووو .
الكاتبة :شهد مثنى الغرباوي 💚
