وبرغم هذا الألم 💔
ها #انا قوية ☆♡
شيخة مرت يومين واني كاعدة بالغرفة لا أكل ولا شرب حيل تعبت وتألمت امي ومحمد عالنين الحرب علية ما ادري شنو سويت الجريمة غير انو اني حبيت بابا مو هنا رايح للجنوب عندة شغل امينة يومية تتصل تطمن علي وتروح عمر ما أدري اشصار بي اني كاعدة بالغرفة وجان اسمع صوت واحد يعيط
:شيخة ولج واللللللللله احببببببببج شيوخ حبيبتي
شيخة طفرت رحت اباوع من الشباك جنت اشوف عمر فاتح باب السيارة ومشغل اغنية مشتاك موت
شيخة فتحت الشباك بصوت ناصي:عمر انت شسوي
عمر طفة المسجل :شيخة حبيبتي
شيخة دمعت اعيونها:الله يخليك عمر والله إذا شافك محمد راح يذبحك ويذبحني
عمر يحجي بدون وعي :خلي يجي والله اخذج يعني اخذج.
شيخة نزلن ادموعة : عمر الله يخليك روح الساعة 2 باليل الناس شتكول إذا شافتك
عمر اعيونة دمعت :والله احبج
شيخة :اوكف راح اجيك لا تتحرك
شيخة نزلت ابسرعة لكيت ماما ومحمد نايمين نزلت ركض جان بداية شتة فتحت الباب على كيف اني بيتنا اتصير بنهاية الفرع وغرفتي أطل على الشارع العام
رحت وكفت يمة اشتميت ريحة مو طيبة ابد
عمر جرني وحظني همس:مشتاقلج.
شيخة نزلن ادموعي لأن عرفتة شارب :ليش هيج اتسوي ابروحك ليش شارب .
عمر وهو يمسح ادموعة ويبوس اعيونة :حبيبتي والله آخر مرة بس انتي لا تبجين ليش هيج وجهج اصفر .
شيخة وهي اتحظنة :عمر الله عليك لتعوفني والله اني هم ما اعوفك.
عمر وهو يقوي بالحظنة:والله على جثتي .
شيخة:حبيبي انت اني لازم اروح
عمر باسه من شفتهة 💏وهي هم لزمت ركبتة بس ابسرعة وخرت
شيخة :روح عمر لا يشوفنة والله يذبحوني ويذبحوك .
رجعت للبيت وهو هم حرك السيارة وراح طلعت مي من الثلاجة وشربت وجان يطلع محمد من الغرفة
محمد :وين جنتي
شيخة كلبي كام يركع بس ما بينت خوفي:بالكبور يعني وين جنت غير بالغرفة
وعفتهة وصعدت وأحس كلبي يركع عرفت انو طيبة كالة لمحمد أختك الشريفة امسوية علاقة وية المهندس عمر بس والله يا طيبة إذا اكضج بس الله يلي يدري انشراح اسوي بيهة دخلت للغرفة شمرت نفسي على الجرباية ونمت 💤💤💤
♡¤¤¤¤¤¤¤¤♡
عمر مر يومين واني مدمر اروح للمدرسة وأذكر مكان يلي تكعد بي هي وصديقتة واني هم صرت اكعد بي حوالي بالبيت مثل الغريب وأكل واشرب وأنام واطلع وبس أضل افتر بالشوارع لو يم غياث محمد غالق موبايلى لو ينطيني رفض قد يوم رحت اني وية غياث لشباب نعرفهم من ايام المدرسة أسوة هواة يشربون اني وغياب منشرب
شهاب :عمر والله انت واحد رايح من الحب هاك اشرب والله تنسى
ردت آخذة بس غياث سحبة من أيدي :لا شباب عوفة لعمر هو تعبان
عمر بس اني عاندت واخذتة وشربتة شربة وحدة طعمة يلعب النفس بحيث من نزل على بلاعيمي شككهن مدري اشلون ايشربونة دخلت وراسي صار طبل بعدين غياث راح لان امة تنتضر واني ضليت كاعد حاولوا ايخلوني اشرب بس اني لعبت نفسي منة بعدين كمت ما أدري اشلون لكيت نفسي اكبال بيت شيخة فتحت المسجل وجان تطلعلي اغنية مشتاك موت ضليت اصيح بعدين طلعت حاولت اتسكتني بعدين نزلت يمي اباوع على وجهة اصفر اعيونة مليانات دموع وهالات سود داير مدايرهن حيل حزنت على وضعنة بعدين بستة ودخلت واني هم رحت للبيت دخلت لكيت اظلم والكل نايم دخلت للمطبخ حطيت مي وبي وملح واشربة حتة انروح مني الدوخة مال المشروب شربتة بس أحس مصاريني اتكطعن ونفسي كامت تلعب رحت كبل للحمام وتقيأت 😵😨 كملت غسلت وجهي وطلعت رحت للمطبخ شربت مي دافي وصعدت طبيت سبحت وطلعت ونمت لأن ميت من التعب.💤💤💤💤💤
☆♡♡♡☆ ♡♡♡☆
شيخة كعدت الصبح نشيطة ما أدري ليش طبيت للحمام غسل وجهي وطلعت نزلت لكيت امي كاعدة بالهول تشرب جاي
شيخة:صباح الخير.
امي ذبت الجاي من ايدهة :صباح النور تاي يمة تعاي فدوى اروح لوجهج ليش هيج معتكفة .
شيخة رحت كعدت يمة وهي باست راسي
امي:يمة شيوخ حبيبتي انتي اني واخوج انريد مصلحتج.
شيخة دمعت اعيونة :ماما والله احبة انتو ليس مجاي اتحسين بية
امي :كافي سيد الموضوع ويلا كومي اكلي صارلج يومين كلشي مداخل بطنج
كمت أكلت اشوية بعدين رحت اتمددت على التخم و اتذكرت البارحة اشلون اجة وباسني ابتسمت 😍
بعدين اجتي امي كعدت ابصفي دك الموبايل وجاوبت
امي:الو
.......
امي:أهلا وسهلا
.......
امي:صدك كذب احنة اهل مابينة هذا الحجي .
.......
امي :هلا بيج خية ام أمجد
شيخة اني بس سمعت الاسم طفرت اباوع على امي تبتسم آلية
امي:مع السلامة
سدت الموبايل
شيخة :ماما شتريد ام عمر
امي:أتريد تجي اليوم العصر
شيخة ابفضول:زين مما لا شنو اتريد
امي:لا ويلا كومي ساعديني اليوم يجي ابوج
شيخة كمت وية امي واني عقلي يلعب ام عمر شتريد من عدنة معقولة تخطبني لا هايةالمغرورة مستحيل هيج اتسوي زين شتريد والله بديت ادوخ
الكاتبة :شهد مثنى الغرباوي 💜
