ضحكتلي# ........ 😀
#وعدل كل ميت ........❤
ابداخلي #🎀😍
........... ........... ........ .......... ..........
شيخة رفعت رأسي وجان أشوف واحد نسخة باريش الممثل التركي(بطل مسلسل حب للايجار ) صفنت علية بعدين وخرت ابسرعة وكلت :اعمى متشوف.
يحجي بغيض:آسف اختي ما شفتج وجنت مستعجل
نزل أيلم العلاليك
شيخة وهي عصبت من طريقة كلامة :أحترم نفسك فوك الغلط مالتة يحجي بغيظ
الولد عصب وش مر العلاليك عليها:احترمي نفسج اني اكبر منج ومو بزر بطنج حتة تحجين هيج وياي .
شيخة خفت منة بس ما بينت أخذت العلاليك وفلتت رحت كعدت ابصف أمي وروان تختار اكسسوارات .
الام:شعجب شو هادئة
شيخة:هااكلشي ماكو كمت أكلب بالكلايد شفت اسم عمر رحت لماما
شيخة:ماما الله يخليج خل أخذ اسم عمر .
الام:عيب استحي شسوين بي .
شيخة :ماما اسم عمور بطل مسلسل حب للايجار.
الام :ابصفتة منو تشترين هاا شو لا اخوج وإلا ابن عمج ولا ابن خالج ولا رجلج عليمن مشتريتة.
إجت روان :ماما خليه تاخذة هو اسم ممثل .
شيخة:اي ماما حبابة بليز مام.
الام:اخذي اني معليه إذا شافج محمد وعاط عليج.
شيخة:خيولي صاير رجال ابراسي.
روان كرصتني وامي حجت علية:انجبيي هذا اخوج واحترمي نفسج .
المهم خلصنة كل شغلنة اجة محمد علينة كعدنةبالسيارة جان سمعتة صوت واحد صاح
:ها ابو جاسم الله يساعدك .
محمد ضحك:هلو عمر اشلونك ويساعدك كبد
شيخة جذبني اسمة ورفعت رأسي وجان اشوفة نفس الشخص يلي انصدمت بي أي والله هو حيل تفاجئت وخفت لا عرفني كبل نزلت رأسي
المهم الولد راح
الام:محمد اني اعرف أصدقائك كلهم بس هذا منو.
محمد :هذا يصير ابن خال أيمن خطيب روان.
اني كمزت وبدون وعي حجيت :هذا الصاك ابن خال الشيفةأيمن.
محمد خنزر علية روان كرصتني وامي عاطت :ولج شيوخ الزمي السانج احسن ما اكضة واكصة ألج.
محمد:وشلون تحجين على ولد غريب كدامي.
شيخة حسيت صدك سويت شي خطأ مشكلة الساني يفلت ابسرعة :اسفة والله ما أدري اشلون طلعت
محمد ابتسم :مي خالف حبيبتي احنة انعلمج يا كلبي انتي.
أمي ساكتة عرفتة زعلت هي وروان لان حجيت على ايمن .
.... ..... ..... ..... .... .... ..... ..... .... ...
هلو اجة الوكت يلي اعرفكم على نفسي اني اسمي عمر اني مهندس عمر27سنة اني شكلي حلو طويل اسمر العب حديد اعيوني سود ايشبهوني بالممثل باريش اني عصبي موت يعني عصبيتي أكثر شي أكره بيه وعندي اشوية من قساوة القلب ابوي إنسان فقير كلش هو مهندس متقاعد وكلش حنون عمرة65 علينة أمي انسانة قوية وشخصيته امغطية على أبوية بحيث كل القرارت بيدهة وعصبية كلش ولافديم حسستة بالحب والحنان دائما حازمة ويانة وهي مديرة مدرسة عمرة60 متقاعدة.
عندي اثنين إخوان أمجد متزوج بت خالي طبعا أمي جابته آلة وهو عمرة32عندة اتلث ولد وهو مدرس أحياء.
واخوية الثاني رائد ممتزوج عمرة18سنة السنة سادس اعدادي .
أخواتي اتلاثة اثنين متزوجات وحدة بالعمارة والثانية هم متزوجة بس ماخذة ابن عمتي يلي هم يصير اخو أيمن .
وحدة سها والثانية نبأ وأختي الصغيرة عمرة 16سنة تدرس رابع اعدادي اسمة نور .
اليوم طلعت للسوك وجان انصدم بوحدة بس مو ذاك الجمال بس بيه شي يجذب بس شنو السانة اشطولة اويلي حيل عصبتني عافتني ومشت اني هم ماهتميت أبد مشيت وعفتهة ومن ردت أصعد بالسيارة جان أشوف محمد أخوة خطيبة أيمن إنسان كلش خلوق وحباب صديت على السيارة وجان أشوف اثنين بنات وحدة امدنكة والثانية تلعب بالموبايل هاي المدنكة رفعت رأسه وجان تنصدم واني هم انصدمت معقولة هاي أخت محمد بس كبل درت وجهي لأن زحمة أسلم على الولد واباوع على عرضة رجعت للبيت وجان أشوف اخوية أمجد هو والعائلة مالتة يمنة سلمت عليهم وكعدت يمهم
الام:ها عمر جبت الغراض
عمر:اي يمة جبتهن.
الام:رائد كوم روح للدورة مالتك حنة لتتاخر.
كام رائد :يلا اني راح اروح مع السلامة .
الكل:الله وياك
مها مرت أمجد :اني راح النوم علاوي لأن تعب
الام:روحي نومي بغرفتي ونصي للتبريد.
مها :ماشي
كامت مها واجةأمجد كعد ابصفي
عمر ضحكت:ههههه أكيد أتريد شي.
أمجد كرصني :اششششش ولا كلمة كوم نكعد بالحديقة علمود أمي نا تسمع حجينة
عمر شفت أمجد جدي أكيد صاير شي:يلا كوم .
كمنا للحديقة وكعدنة.
عمر:اكو شي
أمجد :اي اليوم بالسوك شفتك وية ابنية.
عمر استغربت:يا ابنية (بعدين اتذكرت )ها هاي اليوم وحدة انضربت بيهة بس شنو عهدة السان اويلي مصيبة اتخيل اتكلي اشبيك اعمى تعال انت ليش تسأل .
أمجد :هاي البنية اتصير أخت خطيبة أيمن .
عمر:ها اكول شفتهة وية محمد بالسيارة
أمجد :ها يلى عيب احنة جاي تحجي على بنات الناس .
عمر:اني شعلية انت حجيت .
أمجد :اي اشلون شغلك.
عمر:تدري طلع اسمي اروح اسوي مدرسة اعدادية مال بنات لأن يردون يبنون بيهة مختبر .
امجد:لا ادورة مال بنات
عمر:من هسة حضرت موبايل حتة احط بيهن الاسماء الجدد.
امجد:انت والله ماتستحي يعني متوب من هاي اسوالفك .
عمر بدون اهتمام : عود من تزوج الله كريم .
وهذا البارت الثاني أنطوني رئيكم بية بالتعليقات واي شي ما عجبكم كلولي حتة أشتغل علي
باي احبكم 😍
