كيك وعسل مخبوط من الله سواك 🍰🍯
ضل للصبح يعجن #بيك لمن صرت صاك 😍
عمر دخلت للبيت شفت غراص شيخة على التخم بس هية ماكو صحت علية طلعت من الحمام وجهة مخطوف رحت وكفت يمهة وانطتني جهاز ابيض اصغير وطالع بي خطين بعدين كالتي انو هي حامل حيل فرحت واخيرا يعني راح ايصير طفل يربطني بية وراح ايكون البذرة مال عشكنا حضنتة وكعدت على التخم دك موبايلة رادت اتكوم بس اني ما قبلت رحت جبتة لكيتة صديقتة انطيتة الموبايل واني صعدت فوك حتة ابدل ابدل واغسل
شيخة سديت الخط من امينة وكمت نزعت شالي ورحت للمطبخ طلعت الاكل يلي طبختة البارحة باليل حميتة وطلعت الماعين وأخذت الغراض وصعدت فوك دخلت لكيت عمر ماكو بعدين سمعت صوت المي ذبيت ملابسي وسويت شعري كعكة وغسلت ونزلت طفيت الاكل وصبيتة وكفت يم الدرج وصحت
شيخة:عمممممر .
اجاني صوتة:هسة اجي حبيبتي ❤
شيخة:يلا حباب ترى اني جوعانة
نزل من الدرج وهو لابس بس الفالينة والبجامة حط أيده على جتفي ومشينة :صايرة جوعية
شيخة:اليوم تعبت .
عمر:اي شلون الجامعة
شيخة:حلوة .
عمر :شو في شيوخ هسة يجون الشباب ويبدون يتعرفون وانتي أبد لا تطمئن وجه لأي واحد بيهم شيخة"خلي يولون انت الأصل
كعدنا على الاكل وتغدينة وكملنا راح كعد بالهول واني غسلت الماعين ونضفت المطبخ بعدين كملت ورحت كعدت يمة ونمت على رجلي عمر وهو يلعب بشعرها :شيوخ
شيخة وهى مغمضة اعيونة :همممم
عمر ضحك :ههههههه عود ليش اتكولين هممممم
شيخة فتحت اعيونة :حبيبي عمور اني اسبشل .
عمر وهو يبوس خشمه :اي حياتي انتي سبشل شيخة :عمر اني ميتة تعب واريد انام حباب لا تتحارش
عمر كوم شيخة من رجلة ونام ابصفة
شيخة كضتة حيل:ولك عمر راح نوكع
عمر وهو يحضنة حيل:لا تخافين مراح توكعين
شيخة نامت على صدرة وغفت ضل عمر يدخن وبعدين هم نام
شيخة كعدت شفت الساعة بالربعة العصر رفعت رأسي شفت عمر نايم وشعره امخربط ونازل على وجهة رفعت نفسي حتة أصير بمستواة وجهة قربت حلكي يم خده وبستة هو ابتسم وبعدن بست اللحية مالتة كض ايدي وفتح اعيونة وباسة
عمر :انتي ليش تتحاريش
شيخة برائة :اني كل شي مامسوية
عمر وهو عاكد حواجبة :ولج انتي والله عيارة
شيخة بدلع وهي تدحس رأسه بصدرة:عممممموري اني جوعانة .
عمر:هههههههههه ايروح عموري وعشيرتة فدوة الج ولج راح اتسمنين اهواي تاكلين
شيخة :ما أريد أكل جوعانة
عمر:كولي اشتردين.
شيخة وهي اتفكر:ما أدري أريد شي حلو او حامض
عمر وهو يشاقة :أي سهلة هذاك شكر بالمطبخ حلو والليمون حامض هههههه
شيخة ضحكت:هههههههه لا عمر أريد أكل .
عمر:لعد هذني شرب
شيخة: اففففف عمر عوف ما أريد أكل
عمر:انجبي وكولي.
شيخة:أريد كرزات حامضة
عمر:تدللين وبعد اشتردين
شيخة:ابكيفك انت كريم واني استاهل
عمر نام فوكاهة بس رافع نفسة:زين اني كريم وانتي هم ليش ما تصيرين كريمة
شيخة جرة شعرة يلي نازل على وجهة:اني كريمة من يوم يومي
عمر وهو اتوجع من جرة الشعر:ااااااااخ ثول عوبة
شيخة وهي اتضربة على صدرة :لا تكول عوبة ولا ثول
عمر كام من عدهة وشمر علية التكية مال التخم
و شيخة رجعته علي
شيخة:لا تشمر علية
عمر وهو كام يسمى علية كل التكيات مال التخم عمر:هيج احسن حتة تتأدبين
شيخة وهي هم تشمر علية :عمر يوجع لا تضرب عمر وهو مكمل اشمر :ههههههه وانتي هم لا تضربين .
شيخة:شوف عمر يلي يخسر هو يغسل اماعين العشة
عمر: خوش إذا اشمر عليج هاية وكعت بيج اني تفوز وإذا ما وكعت بيج انتي اتفوزين
شيخة:ماشي يلة
عمر راد يشمر التكية و شيخة عاطت
شيخة بكذب عود بطنة صارت توجعة :ااااااااه عمر بطني
عمر شمر التكية وراح اله يركض وعدد ابصفة
عمر بخوف :شيخة بيج شي
شيخة من شافت اجة يمهة وهو يركض ضحكت علية :هههههههههههه والله عمي يلي يلعب ويانة يخسر
عمر مسح وجه بأدية ونفخ ؛اشكد طايحت حض والله من اكضج اذبحج
شيخة :يلا أتتعموري حبيبي اليوم اماعين العشة عليك
عمر:صدك كيدهنه عظيم
شيخة وهي تغمز :لعد شعبالك باباتي
عمر:أمشي بد لي خل انروح للدكتورة وبعظين نشتتري حلويات لبنوتي الجديدة
شيخة:انت شمدريك ابنية
عمر:اني كلب والد وأعلم.
شيخة:يمة فديت الحنين وهي تكرص بخدودة
عمر:شنو رئيج اليوم نتعشة برة
شيخة عرفت إيريد يشرد من الماعين :لا حبيبي ليش نتعشة برة عود على غير مرة هسة نشتري ونطلع وبس
عمر:شكد خبيثة
شيخة وهي تصعد الدرج :عمر ترى اني أحبك ❤
عمرابتسم:اني ما احبج
شيخة :جذاب
عمر :اي يلا شيخة راح نتأخر
صعدت للغرفة لبست تنورة ماروني ولبست قميص ابيض ومن ورة مكتوب بي I miss you بالأسود ولبست شيلة سودة وحطيت مكياج الاينر وحرمة ترابي وظللت همين ترابي ولبست بوتين اسود وأبيض وماروني والجنطة ماروني وطلعت عمر لبس قميص ابيض وبنطرون اسود وعدل شعر وطلعنا كض إيدي ركبنا السيارة
الكاتبة :شهد مثنى الغرباوي 🐼
