شيخة مرت تسع أشهر من الحمل واني حيل تعبت بهاي الفترة رحت يم امي عمر امسافر عندة شغل خارج العراق نفسيتي متحطمة وصرت جني دبة غاز رحت للدكتورة وكالت هاي الايام اجيبين يومية اني ومحمد وأمي نطلع نتمشى حتة اجيب ابسرعة خابرت عمر وكال باجر يجي بس امي كالت من اتجيبين ويطلع اربعينج يلا اترحين وهو انحرج من امي وقبل سويت سونار طلع بي ابنية وعمر طاير بية وامي جهزتهة لأن العادات اتكول انو الطفل الأول للبنية امه اتجهز الطفل اليوم طلعت ااني ومحمد حتة أتمشى امي ماراحت اتكول تعبانة
محمد :ولج صايرة دبة
شيخة :كافي محمد حباب ترى اني ما ناقصتك كلبي ما أدري اشبي يوجعني
محمد :ليش شكو
شيخة بعدهي أتريد تحجي اجتة طلقة تايهة وكعت بالكاع
محمد اتخبل كعد يمة ورفع راسهة وحطة على رجلة:شيخة حبيبتي شيوختي
شيخة وهي بالكوة تحجي:محمد الله يخليك إذا اموت كول لعمر اني كلش أحبة واهتمو بتي
محمد ادموعة نزلت:شيوخ والله كل شي مراح ايصير
شيخة:محمد اني حيل جاي اتوجع اااااااااخ
ال تمت الناس
محمد وهو ادموعة تجري عاط:خللللللللللللي واحد ايخخخخخخخخابر الاسعااااااااااف يلا ابسرعة
خابروا الإسعاف ورة عشر دقائق اجتي و شيخة فقدت الوعي محمد كعد وياهة بالسيارة وهو يدعي كلشي ميصير بية
عمر شيخة دخلت بالشهر التاسع ونفسيتة حيل تعبت اني سافرت لأن عدي شغل بالخارج وباجر ارجع جنت نايم وشفت نفس الحلم من شيخة كاعدة بمكان فارغ وتبجي واني ما اكدر اروح اله ما أدري ليش فزيت مرعوب من الحلم شفت مو بايلي بي اهواي مكالمات من محمد وعلي وامجد اني حل خفت ابسرعة رديت اجاني صوت محمد بس امبين باجي
عمر ابخوف:محمد اشبيهة شيخة احجي ابسرعة
محمد بحزن :شيخة انصربت طلقة تايهة
عمر سكتت وكع الموبايل من أيدي دخل غياث من برة يمكن جان طالع ما انتبهت اله كعدت بالكاع و ادموعي نزلت اجة غياث يسئل بية واني كأني فاصل من الدنيا سمع صوت محمد من الموبايل واخذهة وحجة وياه سد التلفون كعد ابصفي
غياث:عمر صير قوي انشالله اتكوم بالسلامة هي والطفلة
عمر ما اتحمل هاي الحجاية وحظن غياث وما يبحي بصوت عالي ويشهك :غياث انت ما سمعت شنو ايكول شيخة انظربت غياث الله يخليك خلي انروح هسة والله بعد ما اتحمل فدوة اروح الك غياث بداعت أمك
غياث رفع راسه ومسح ادموعة:عمر اخوية انت صير قوي انت لازم أتون راضي بقضاء الله وقدرة واني راح أخبار نسيبي اخلي يشوفلن احجز أقرب من باجر
عمر وهو ادموعة تنزل كض موبايلة وطلع رقم محمد وخابرة
عمر :محمد شيخة اشلونة هسة
محمد:والله ما أدري الدكتور بعدة ما طالع
عمر:محمد اني راح اجي وإذا تأخرت دك علية وطمني الله يخليك
محمد : ماشي
عمر مسح ادموعة:ماشي باي.
محمد :هلا
عمر سد التلفون من محمد دخل غسل وجهة لكى غياث كاعد
عمر:ها غياث بشر
غياث:هسة دك علية ايكول بعد ساعة اكو للعراق بس ......
عمر:بس شنو
غياث:اني باجر اجي لأن خلص الحجز فأني أضل على باجر
عمر كام يلبس اهدومة أخذ جنطتة وحضن غياث
غياث:باجر أول ما انزل اجيك لا تخاف كلشي راح ايصير زين بس انت صير قوي ولا تضعف اني ما أعرفك هيج ضعيف يلا حبيبي روح قبل لا تتأخر
طلعت من الفندق أخذت تكسي وطلعت وصلت للمطارة ووسويت الاجرائات وركبت الطيارة واني مشتعل نار كلبي يوجعني وأحس يطلع حرارة راسي ام صدع ونفسي صاير بخشمي ورة خمس دقايق اقلعنا شربت حبابة منوم حتة ما أضل أفكر.
