اقتربي الي ........🎀
وعانقيني 😻#فالزمن........🍂🍂
لاينجب الصدفة مرتين 🙈#.......
🎀🎀🎀🎀🎀
شيخة انداريت وجان أشوف عمر واكف وراية وحجة هذا الحجي يلي فوك 👆ولمن مد أيدة جوة الشال وطلع الكلادة نسيت انزعة انصدمت من جرئتة وبعدين سمعنة صوت امة ودخلنة بين الثلاجة والكاونتر راسي صار يم صدرة أحس كلبي راد يطلع من مكانة وجسمي كام يطلع نار
وبعدين باسني من شفتي اني اهنا أحس واحد وذب علية مي بارد ثلج كلبي اصلا طلع من مكانة ال ورى اشوية بعد وحجاني وطلع اني كعدت على الميز من الصدمة والخوف ورى اشوية اجتي نور .
نور :شيخة ليش اتأخرتي امج سئلت عليج
شيخة بأرتباك واضح:ها مو رحت للحمام وهسة اجيت.
نور لاحظت ارتباكهة :شيخة اشبيج شفتي واحد من الوالد
شيخة بكلبة اي شفت اخوج لا وحتة باسني افففف اني هاي امنين السولف تطلعلي:لا محد شفت .
نور :ها يلى نصعد فوك
شيخة سعدنا فوك واني عقلي مو يمي طاير رحت كعدت على الكرسي وسكتتة
امي:شيخة زين رحتي شو اتأخرتي
جنت صافنة بعدين فزيت على صوت امي:أهل اي مو رحت الحمام
حجا ام عمر ويمكن أول مرة تحجي وية امي :اي صح اني دخلت للمطبخ محد بي
شيخة اني غمضت اعيوني وتذكرت كلشي محد اهتم كل من رجع لشغلة واني كاعدة وساكتة اشوية ودك موبايلي طلعت برة الغرفة جانت صديقتي امينة هاي صديقتي الروح بالروح.
شيخة :الو
أمينة :هلا بالقاطعة.
شيخة:هلو حب اشونج.
امينة:زينة الحمدالله انتي اشلونج.
شيخة:يعني .
امينة:ليش اشبيج .
شيخة:شوفي أمينة اني هسة أبيت ايمن من ارجع للبيت احجيلج ماشي.
امينة:بس مو تتأخرين افتهمتي.
شيخة:ماشي باي.
امينة :باي
👑👑👑👑👑
عمر طلعت من المطبخ واني مصطور منها والله اجنن كدامك لبوة بس من اتكضة عبالك طفلة حيل محبوبة كتلة اليوم ادك عليهة كعدت يم السباب وسوالف اوضحك بس اني ولا يمهم كاعد صافت وسرحان بعدين امي دكت عليهة ورحت أجيبها من بيت عمتي.
🎀🎀🎀🎀
شيخة ورى اشوية اجة بابا صح البيت مو بعيد بس الوقت متأخر زحمة نمشي بالشارع وحدنة
رجعنا للبيت واني طول الطريق ساكتة دخلت بغرفتي ودكيت على امينة
شيخة:الو
امينة:يلا احجي ابسرعة .
شيخة :افففففف امينة والله ما أدري مين احجي بديت احجي ............... وهذا كلشي.
امينة وهي مصدومة :تحجين صدك لا ودورة باسج.
شيخة:اي لا وتدريب شي كول أدري بيج اتحبيني .
امينة:وانتي خرة اكو وحدة تشترلي اسم ولد متعرفة لا واسم عمر بحجة شنو علمود عمر بطل ال مسلسل.
شيخة:اني شمدريني ها أشم أيدي
شيخة جاي تحجي وية امينة واجاهة اشعار مال ماسنجر.
شيخة:اني راح اروح لأن اجاني رسالة من عمر.
امينة:شيوخ ديري بالج منة ماشي.
شيخة:ماشي باي .
امينة:شيصير كليلي ماشي
شيخة:ماشي
راحت امينة
شيخة فتحت الماسنجر لكيت رسالة من عمر كاتب.
💬هلو حب
شيخة عصبت هذا أمين يعرفني حتى يكول حب والله ميستحي ذيتلة
💬أحترم نفسك بلا حب بلا بطيخ وشبسرعة صرت حب.
رجع دزلي
💬من بستج صورتي الحب مالتي
شيخة والله انصدم من جرئتة.
💬انت متستحي والله اكل لمحمد.
💬شنو ادكليلة عمر باسني لو يحجي وياي .
شيخة عزة بعينة هذا شيحجي ادورة اني صرت بطله أكل لمحمد خرب حضي سديت النت وخطيت راسي ونمت لأن باجر وراية كوم شغل بس الله يستر من الجاي
👑👑👑👑👑👑
عمر رجعنا للبيت واني رحت لغرفتي فتحت الموبايل لكيت شيخة اون لاين دزيتلة رسالة ورى اشوية ردت وصار بينة الحجي يلي فوك 👆 ورى اشوية سدت النت ههههههههه والله ضحكتني على سوالفها الطفولية عبالك طفلة اني هم خليت ونمت لأن باجر ورانة شغل والحنة مال مال ايمن .
🎀🎀🎀🎀🎀
شيخة كعدت الصبح سبحت وطلعت لكيت العشيرة مكلوبة بنات عمي عماتي وخالاتي وخوالي ونسوانهم والجهال يبو روضة و حضانة بيتنة انكلب كلب روان راحت للصالون هي وخالتي وبنت خالتي اني اكمل الشغل وأروح لأن امي وحدهة المهم كملت الشغل ورحت أخذت غراضي واتصلت بمحمد كال راح اجي ورى خمس دقايق اجة محمد رحت صعدت وصلت للصالون وام الصالون بدت تشتغل سوائل تنضيف للبشرة وحفيت حواجبي حفافة بناتية وحطيت مكياج اسموكي كملت رحت لكيت روان امكملة طالعة كلش حلوة بدلتهة بنفسجي طوخ تنطي على سواد تسريحتة كلش نازكة ومكياجهة هم اسموكي اني سويت شعري تسريحة الفوك مرفوع والجوة نازل ولولوتة من الأطراف وهي يوصل لوركي لبست فستان قصير فوك الركبة زيتوني والظهر نص طالع وفتحت الصدر يعني مو اهواي جبيرة ولبست حذاء كعب بيجي
شيخة:روان ادك على محمد.
روان :اي دكي .
شيخة دكيت على محمد كال عشر دقايق واني يمكم.
شيخة شكرت الشال على رأسي ولبست جبة إسلامية وروان لبست البرنص اشوية واجة محمد صعدنا بالسيارة محمد سيارتة مضلله فأخذوا راحتنة.
محمد:حي الله العروس
شيخة:الله يحيك.
محمد :انتي من حاجي وياج ها.
شيخة بغرور:أخت العروس .
روان:كافي حتة بيوم العرس مالتي تتعاركون.
شيخة:المهم محمد شغل اغنية شنو هاي ليكول رايحين لعزة
محمد شغل اغاني اشوية ودك موبايلة نصى للغاني. ورد.
محمد:الو ها عمور.
شيخة بس سمعت اسم عمر كلبي كام ايدك وأحس نفسي عركت اففف يارب دخيلك.
محمد:عمر اني راح اجي ومن اجي نتفاهم.
👑👑👑👑👑👑
عمر كعدت الصبح غسلت وبدلت ونزلت وأخذت اهلي ورحت لبيت عمتي طبعا تعبنا حيل كملنا الشغل واني طبيت سبحت ولبست قميص زيتوني وبنطرون بيجي وعدلت شكلي ونزلت وجان اكو جان غراض يم محمد دكيت علية وكلي اشوية واجي اني هم رحت يم ايمن جان إيكلي أريدك اتروح لبيت محمد اتجيب الغراض لأن محمد هم عندة شغل وعيب انكلة.
عمر"لعد انت متروح.
ايمن:عيب اني ادخل واني العريس وبعدين اروح احنية والله اني قد مشتاقلة.
عمر:ليش متحجي وياك.
ايمن بقهر:لا هاي شيوخ الثولة قافلة الموبايل مالتة اتكول خلي يشتاقلج ام حلك و الله اذا ألزمة اكضي بيهة التوبة.
عمر ابتسم : ها أي خوش فكرة .
ايمن:لا وأنت وياهة واكف.
عمر:تدري إنسان فارغ والله.
راح عمر ركب السيارة وراح لبيت شيخة وصل للبيت لكى الباب مفتوح وطفل عمرة تلث سنوات واكف.
عمر :حبيبي محمد اهنا.
الولد :اي عمو ادخل انتضرة جوة يسبح ويبدل
اجة صوت وحدة اتكول
:حسوني سد الباب وتعال عيب الناس اتشوفنا
عمر اني عرفت الصوت وضحكت الولد راح ايسد الباب وهي طلعت اتعدل بشعرهة وما من تبهة الي بعدين رفعت راسهة وانصدمت ...........
باي احبكم 😍
