لم أخبرها ❌يوما
بأنها جميلة 💛
لاكني دائما ازيح.......
خصلات شعرها #عن وجهها لاتئملها😙
شيخة دخل عمر للغرفة انصدمت اشوف راسة ملفوف بالشاش وكلهة دم وجهة بي جروح وايدة مكسورة ومجبسة والقميص مالتة مليان دم وكله تراب والبنطرون هم كلة التراب ومبين التعب على وجهة اصفر ردت اكوم بس ما اكدر تحس جسمي كلة خامل كمت اجاني بسرعة وحضني حيل واني ادموعي بدت تنزل
شيخة :ليش هيج سويت بروحك يا بعد روحي
عمر وهو يبوس ايدهة يلي محطوط بيه الكانونة ورأسه وعيونة وخدودهة وقريب من شفايفة نزلت ادموعة
عمر:فدوة لروحج حياتي انتي والله كلشي ما بية بس رضوض .
شيخة وهي تتلمس راسة ودموعه تنزل:لعد وهذا الدم كلة من وراية والله اني كتلك تعال ابسرعة
عمر وهو يمسح ادموعه :بعد روحي هذا الشئ الله كاتبة لا اني ولا انتي اصلا البريك مال السيارة عطل وفرضن اني وياج صعدنا بالسيارة وتنكلب بينا .
شيخة:اي عادي اهم شي انت وياي
عمر حط راسهة على صدرة :والله ما بية شي
شيخة كضت خصرهة حيل وباست مكان كلبة
عمر:انتي زينة
شيخة وهي اتغمض اعيونة: اني هسة صرت زينة
شيخة كامت من صدرة وشافت جرح راسهة كام يذب دم وجهة صار اصفر وعيونة كامن يفتحن ويغمضن طفرت من عدة وركضت فتحت الباب لكتهم كلهم واكفين :الله يخليكم خلي واحد ايصيح الدكتور
راح غياث يركض ايصيح الدكتور والباقي دخلوا للغرفة لكوة كاعدة ومدنك مغمض اعيونة
ام عمر:يمة حبيبي بيك شي
عمر ما رد ابد
شيخة:عمر حبيبي انت زين بيك شي لا تخوفنة
عمر هم ما رد
دخل الدكتور وطلعنا برة واني حظنت ماما وكمت ابجي عرسي انكلب من فرحة لحزن ودموع محمد جابلي شال حطيتة على رأسي وكعدت واني لابسة الملابس مال المستشفة والكانونة بيدي راح علي جابلي مي ورة اشوية طلع الدكتور
الدكتور:المريض عنده نزيف داخلي ولازم انسويلة عملية بأسرع وقت
امجد :زين دكتور العملية ناجحة فاشلة
الدكتور:العملية هاي دائما تنجح و انشالله هاي المرة هم
شيخة اني اسمع و دموعي تنزل احسن نار وتحرك خدودي كلبي صار يرجف ورجلية ما شألني وكعت بالكاع راسي صعدت بي بوخة وكام يوجعني وادية ماتن كما ما اكدر ارفعهن اجاني محمد ركض شالني وداني على غير غرفة قياس الضغط قاسوا طلع امعلك حطولي ابرة بالمغذي وتمددت واني أفكر شراح ايصير بي كاعدة و دموعي تنزل دخل محمد
شيخة:محمد وين عمر .
محمد اتنهد :دخلو للعمليات
شيخة كمت على حيلي واجة محمد نومني :نامي يمعودة ضغطج بعدة امعلك
شيخة وهي ادموعة تنزل:الله يخليك اي شي يصير كلي
محمد بأس راسي :والله راح ايصير زين بس انتي أهدي ترى كلشي بمصير بي والله وادعيلة ونشالله يطلع كلشي ما بي
شيخة وهي دموع هو تنزل كضت الكلادة يلي لابستة يلي مكتوب بية "شيخة مهندس عمر 💝"دخيلك يارب احمي وخلي دخيلك ياداحي باب خيبر 🙇😔😢
ورة اشوية غفيت من التعب
عمر دخلت للغرفة وأشوف شيخة كاعدة وجهة اصفر رادت اتكوم بس ما كدرت رحت حظنتهة حيل سليمة نحجي اني وياهة بعدين كمت أحس راسي ثكل أحس شي حار ينزل على وجهي رجلية كامن يرجفن اعيوني غوشن ولساني ثكل بحيث لمن امي و شيخة يحجون وياي ما اكدر أرد دخل الدكتور فحصني ومال عندي نزيف داخلي ذبيت ملابسي ولبست ملابس المستشفى نمت على الجرباية واني ما اكدر اسوي اي شي باوعت على محمد هو جنة افتهم
محمد :لا تخاف مابية شي بس ضغطة اشوية صاعد وهسة صارت زينة بس ما تكدر تطلع
عمر غمضت اعيوني اجة الممرض خدرني بعد صرت ما أحس بأي شي كعدت لكيت شيخة كاضة أيدي وتقرة قرآن وامي نايمة على الكرسي وامجد كاعد يباوع بالتلفون .
عمر بصوت مبحوح:شيخة مي
اباوع على شيخة طفرت ودموعه نزلت امجد اجاني يركض وامي كعدت وتصلي على محمد شيخة انطتني مي شربت ورجعت تمدتت
شيخة ضلت كاضة أيدي وكاعدة و ساكتة امجد راح يصيح الدكتور وامي ضلت واكفة على رأسي اباوع على شيخة كاعدة وعيونة كله دموع ابتسمت اله وهي اه ما نزلت ادموعه امي دك موبايلة وطلعت تحجي كضيت رأس شيخة وحطيتة على صدري
عمر:ليش يا كلب عمر هاي الدموع
شيخة وهي تناشغ :عمر اني بومة خربت العرس عمر انت تدري صار لك يومين نايم والدكتور كال إذا ما كعد يدخل غيبوبة سنة أشهر على الأقل
عمر بست رأسه :اششش اني كلشي مابية وبومة شنو هو هذا الحظ يلا اهم شي اني وياج وبس أصير زين انسوي احلة عرس .
شيخة:والله بعد لو تنطبك السما على الأرض ما اسوي عرس اصلن بس تطلع من المستشفى انروح ونكعد ابتنة لا عرس ولا هوسة ولا ابد .
عمر :بس أريد اشوفج بالأبيض .
شيخة:اني كرهت الأبيض وبعد ابد ما ألبسة (ادموعة نزلت)
عمر ضحك :ههههههه عفية كافي اشكد اتحبين تبجين كافي كومي اغسلي وجهج راح يجي الدكتور دخلت للحمام دخل الدكتور فحصني كال ماكو شي كلشي تمام الحمد الله ويكدر باجر يطلع ولازم يضل اليوم تحت المراقبة طلع الدكتور وبدت الناس تجي لجوء أهل شيخة وغياث وأمة وأيمن وعماد أخو ايمن
غياث بهمس:فدوة لربك اشكد فكر .
عمر:أنجب شعلية
غياث :لو صار عرسك جان هوستلك اليوم يومك يابطل تلعب على الجرباية 😉
عمر ضحك :هههههههه وانت هاي أمين سمعته
غياث: ما أدري هذاك اليوم شفته مكتوبة بالفيس وحفظته
امجد : على شنو تضحكون ضحكونة وياكم
عمر:ما كو شي بس غياث قبل اشوية راد يوكع على دكتورة
غياث شهك بصوت ناصي:الله لا يعطيك العافية كون شكد ك###د .
امجد :ههههههه على بختك غياث جان مردت بت الناس
غياث وهو مبتسم مجاملة ساكت
عمر يضحك علي
شيخة كعدت من النوم لكيت المغذي مخلص وراسي زين كما شفت محمدكاعد بالباب مال الغرفة
شيخة:محمد عمر وين
محمد :بعد بالعمليات تعالي انروح يمهم
شيخة محمد كادني ومشينة شفت امة كاعدة تقرا قرآن واجد كاعد على الكرسي وغياث واكف بالباب وأبو كاعد وراية بين ادية اجتني نور أخذتني من ايد محمد وكعدتني ورة ساعتين طلع الدكتور كال
الدكتور:العملية جانت كلش معقدة وصعبة هي صح نجحت بس راح يضل نايم وإذا ما كعد بعد يومين يدخل غيبوبة سنة أشهر على الأقل شيخة سمعت هذا الحجي وأحس واحد ذب علية مي بارد بعز الشتا ادموعي خلصت كامت مينزلن اجاني محمد حظني
محمد :انتي لازم اتصيرين قوية وادعيلة هو هسة محتاج الدعاء ادموعج مراح اتفيدج
شيخة ضليت ساكتة ورة اشوية طلعوا من الغرفة اني ركضت بست راسة وباع علية اشلون نايم بعدين أخذوا ودخلوا للغرفة وكالوا بعد ساعتين اتكدرون اتشوفة بس هسة ميصير شيخة ضليت اروع لو من الجان المحطوط بالغرفة بعدين محمد راح جابلي مي وبسكت اتي ما أكلت بس شربت مي ام عمر راحت للبيت حتة ترتاح وترجع واني وصيت روان ادزلي ملابس بيد محمد ضليت كاعدة واني اقرة قرآن ودموعي غركن الكتاب بعدين مرن ساعتين دخلت للغرفة غياث راح اي شوف امة بس اني ضليت بالمستشفى اباوع علية رأسه ملفوف بالشاش وصدرة علية أجهزة مال القلب والغرفة باردة وهدوء بس الصوت مال الأجهزة كعدت يمة على الكرسي
شيخة بصوت مخنوك ويرجف :عمر حبيبي شوف عرسنة انكلب من فرحة لحزن وقهر عمر انت تدري اني صرت أكره الون الأبيض لأن انكلب اسود
بعد ماتحملت كضيت أيده وكمت ابجي بحركة دخل محمد
محمد :كومي يمعودة راح اتموتين كومي غسلي وبدلي شوفي شكلج مال وحدة عمرهة خمسين سنة
أخذت الملابس من محمد ودخلت للحمام اباوع على روحي بالحمام اباوع على شكلي اعيوني حمر ومنفوخات وخشمي احمر والهالات أخذت مكانهن عدل وجهي اصفر ما بي روح غسلت وجهي ولبست الملابس يلي دازتهن روان شمرت شالي على رأسي بأهمال وطلعت لكيت ااهلة جايين امة كاعدة يمة وتمسح على شعرة
وأبو كاعد واساكت وامجد يحجي وية محمد رجعت كعدت على الكرسي وأخذت القرآن وبديت أقرأ ودوعي نزلن امسح وحدة تنزل الثانية وعلى نفس هذا الموال دك موبايلي امينة طلعت برهة اخابرهة
شيخة بصوت مبحوح من البجي :هلا
امينة:سودة علية ليش هيج تسوين بروحج
شيخة كامت تشهك وتبجي:ولج امينة والله لوتشوفين شكلة جان انتي هم تبجين
امينة:كلبي انتي قوية ما اعرفج هيج ضعيفة صيري قوية وادعي هو محتاج الدعاء
الكاتبة :شهد مثنى الغرباوي ❤
