Sh&A
شيخة وصلنا للدكتورة وفحصتني وصارلي أسبوعين حامل وكلتلي يصير حركة هواي وعلى كيفي من أصعد درج ووووو وكومة اسوالف طلعنا وصعدنا بالسيارة
عمر:شيخة ليش ما تركين السنة وسنة التجي اترجعين
شيخة:لا حبيبي إني حاليا زينة إذا شفت نفسي تعبانة وما اكدر اترك تدلل
عمر :حياتي ما يدلل عليج عدو
شيخة:يلا خل نشتري أكل
عمر:زين خل نتعشى برة
شيخة:ههههههههههه لا اليوم ماكو خليه باجر
عمر:اني اعلمج اله اخليج أسبوع اتغسلين كومة اماعين ما يطلع اسمي عمر
شيخة كضت بطنة:اي حتة ابنك يموت
عمر:حرامات نسيت بس خوش من اجيبين
شيخة:اروح يم اهلي منا لمن يطلع الاربعين
عمر:ليش ترحين لبيت اهلج
شيخة:اي اكيد اروح إذا أضل بالبيت منو يهتم بية وبالبيبي ومنو يسهر ويانة عاد اهناك ماما او مرة علاوي و روان .
عمر:اي عادي اني اهتم بيج
شيخة:لا حبيبي أدري بيك ابسرعة تعصب وما تتحمل والطفل يرالدة مدارات واهتمام وسهر وتعب
عمر:زين ليش ما امج تجي يمنة
شيخة:عمر بعد تسع أشهر يعني بعد كومة الله كريم حبيبي
عمر طبك السيارة ونزل هو و شيخة يم السوبر ماركت
عمر:شيخة
شيخة وهي تاخذ غراض :هممم
عمر:كلشي ماكو
شيخة شافت كورن فليكس :عموري حياتي حبيبي أريد منة
عمر شافة وضحك: ههههههه اني من اكول طفلة تزعل يلا تعالي ناخذة
شيخة كضت أيده حيل ومشو اشتروا وكملوا ورجعو للبيت دخل عمر الغراض للمطبخ وهي صعدت للغرفة اتبدل نزلت شافت عمر كاعد يشتغل بالهول والأوراق منثورة وكاعد يقرة بيهن
شيخة :عندك شغل هواي
عمر:لا مو هواي بس اشوفهن واراجعهن حتة باجر اقدمهن
شيخة:ماشي اني أروح للمطبخ اسوي عشة
دخلت للمطبخ اسوي العشة ودخل عمر
عمر:محتاجة شي
شيخة:لا حبيبي انت عليك الماعين معليك بالعشة عمر :ماشي لعد اني بالهول
شيخة سويت عشة وكملت وتعشينا وكملنة
عمر دخل للمطبخ ولبس الصدرية مال المطبخ وكف على السنك
شيخة ضحكت: ههههههههه عموري شكلك ايخبل والله
عمر:انجبي ثولة
بده عمر يغسل و شيخة صورتة بدون مايدري وهي اتغني
شيخة:وانت يا معشوكي وحق ربي الفوكي منتهي بحبك ترى وغركان حيل بشوكي انا وياك مثل روح بجسد هيج احنة صرنة ترى انت عفت بيت أهلك وبكلبي كاعد ❤
عمر وهو يغسل اماعين:شنو هل الرومانسية اليوم
شيخة سدت التصوير وكامت وكفت يمة وكثرت خدة "ها عمر شو اليوم صاير وكح
عمر خلص و سد المي ومسح أيدة بوجهة:احسن حتة بعد ما تخلين اغسل الماعين
شيخة وهي تمسح وجهة من المي بزعل:روح بعد ما احجي وياك
عمر حب يلعب بأعصابهة:اي عادي اني راح أطلع واروح لشقة.........
شيخة سدت حلكة ودمعتة بطرف عينة:عمر لا تحجي هيج ترى أخذ غراضي واروح لأهلي وبعد ما ارجع
عمر انقهر علية لا هيج سوى وياهة حظنة:جذب والله اشبيج يلا تعالي نكعد بالهول
شيخة بعدهي زعلانة منة وخرت :اني راح أصعد فوك لأن تعبانة وراح انام
عمر اتنهد عرف بفترت الحمل المرية اتصير حساسة نزع الصدرية مال المطبخ وطلع قفل الباب وصعد فوك لكاهة نايمة ومتغطية
هو هم اتغطة ونام لأن ميت من التعب صار الصبح فتح اعيونة لكى شيخة ماكو بعدين سمع صوت بالحمام طلع من الغرفة نزل جوة شاف القوري مال الجاي على النار والبيض جاهز كعد على الميز وهو المزاج صاير بنفسجي وحيل ضايج من الحلم يلي شافة
