*ي بنية لو يحجن ترة ...💛
*يغارن شلع من طولج...😻
*يل تسوة نسوان السلف...💎
*كل رنةه من حجولج...♡💟
🌿🌿🌿🌿🌿🌿
عمر كعدت الصبح كضيت موبايلي ودزيتلهة رسالة
💬صباح الحب❤
سديت الموبايل وكمت سبحت وبدلت جاي امشط بشتري دك موبايلي مكتوب علية نغم الزكة عمر يبو هاي اشلون بلوة
عمر رديت :نعم خير
نغم:عمر ليش مترد على رسائلي ولامكالماتي ليش .
عمر بضجر:مشغول وعندي شغل .
نغم بدلع:حبيبي والله أحبك.
عمر بضوجة :نغم اني من البداية كتلج اني ما ازوجج افتمتي .
نغم كامت تبجي:أكيد لكيت وحدة ابدالي ها شو سكتت ترى خاف الله باجر الله يعاقبك بناتك
عمر عصب:نغم احترمي نفسج ترى اني اليوم مرتاح ويلا روحي وانسي هذا الرقم.
نغم بحزن وخنكة:روح عمر الله يوفقك .
عمر سديت التلفون منها دخلت على الماسنجر شفتها شايفة الرسالة ابتسمت لأن اني انطيتهة مهلة أتفكر.
🌿🌿🌿🌿🌿🌿🌿
شيخة طلعت من الحمام والوجع ينخر بطني متت ردت ابجي بس لازم اقوي روحي لو بس اليوم مشطت شعري ولبست قميص وبنطرون ولفيت شالي وأخذت ملابس العرس وياي دخلت للمطبخ شربت كوب حليب حار حتة بلكت اتصير زينة بس هيهات .
امي:شيوخ ماما وجهج ليش اصفر.
شيخة بوجع بس اتحاول تخفي:يمكن لأن مماكلة شي .
امي:ها لعد اكلي اني هاي الايام مامرتاحة .
شيخة:لا لتخافين مابية شي.
إجت روان :ها شيوخ كملتي راح تجي نبأ مرت عمار وخالتي كومي ابسرعة .
شيخة كمت وأحس روحي أتريد تطلع بس دست على الوجع وطلعت سلمت على نبأ وخالتي ورحنا للصالون طبعا نبأكلش قليل الحجي مالتهة انعزالية حيل بس اني ماهتميت ابد إلها دخلنا للصالون بدن يشتغلن اني ماسويت شي بس خليت مكياج بناتي لأن البارحة جانت حفلة مال بنات لذا لك الوالدة وافقت اني اليوم البس فستان مال محجبات لونة نيلي ولبست شال وردي وكعب وردي اني خلصت وكعدت وجع يلي ابطني كام مينحمل بحيث كمت أمشي اعوج بس ولا واحد منتبة كلها ملتهية كملت روان ولبست البدلة وطلعنا اجة محمد وأخذنا وصلنا للقاعة اني كبل رحت كعدت ولا كنت يمكن بس اكوم يغمى علية ضليت كاعدة شربت مي وكعدت يم التبريد اشوية ارتاحيت ورى نص ساعة بدت تجي الناس ورى ربع ساعة أنملة القاعة اني كعدت يمي نور ونبا و سهى أخت عمر الجبيرة ومرت أخوة امجد بت خالي طبعا اني كاعدة وساكتة ونور وبت خالي ومرت امجد اويلي سولفت منا لمن الله كللهن بس .
نور:شيخة ليش ساكتة اشبيج.
شيخة:ما بي شي بس كاعدة من الصبح وراسي طبل.
نور:اي والله حقج.
شيخة كاعدة العب بالكلام وجان أرفع راسي واشوف عمر صافن علية ويبتسم من شافني غمزلي اني كبل دنكت لأن استحي ومنا رايحة عافيتي من ورى الوجع بعدين كانوا الولد يركصون والله الحفلة كلش حلوة بس اني وين والحفلة وين كلش تعبت من الوجع بعدين كاموا يوزعون كيك طبعا اني كلشي مادخل بحكلي غير كوب الحليب وبس ولا اكدر أكل .
🌿🌿🌿🌿🌿🌿
عمر رحنة العرس وناس طابة وناس طالعة اباوع على شيخة مأدري اشبيه كاعدة وساكتة وجهة اصفر وهواي تعرك خفت عليهة حيل رفعة راسهة وشافتني اباوع عليهة كبل نزلت راسهة اني ابتسمتلهة الولد كاموا ايركصون اني ما احب اركص فضليت كاعدة اجة يمي محمد كعد
محمد:ها ابو الشباب.
عمر :هلو.
محمد:ليش ما تركص.
عمر:ياخي البارحة شبعت ركص حتة جسمي كام يوجعني لأن صار لي اهواي ممتحرك هيج واني مأخذ اجازة من الدوام يعني نهاركلة أكل ونوم.
محمد بدون قصد:جنج شيخة بس أكل ونوم.
عمر ابتسم وسوة نفسة ما سمعة لأن خاف أيحرجة :ها ما سمعت .
محمد انحرج؛ماكو شي اني راح اروح يم الشباب تجي .
عمر:لا اهنا الكعدة حلوة .
محمد:ابكيفك.
🌿🌿🌿🌿🌿🌿
راسي كام يطلع حرارة وبطني يمكن اشتغل بيه بركان كمت وكفت
نور:ها شيوخ وين رايحة.
شيخة بتعب وجع:راح اروح للحمام
نور:ها بكيفج.
رنين بت خالي:اجي وياج.
شيخة:لا حبي ضلي اهنا اني اشوية وارجع .
شيخة رحت أمشي اعوج دخلت للحمام فتحت الشال غسلت وجهي وركبتي رفعت شعري حيل لأن مات من الوجع فتحت جنطتي دورت على مسكن مالكيت يمكن نسيت بالصالون لأن اهناك شربت وحدة سندت نفسي على المغسلة واني اتئلم اندكت الباب اني استغربت لأن البنات عادي يدخلن فكلت أكيد وحدة منهن .
شيخة:فوت
دخل واني ردت او مع من الصدمة.
شيخة:لك عمر انت شسوي اهنا
عمر ابخوف :شيخة بيج شي كولي الله عليج ليش هيج وجهج اصفر ها .
شيخة حطت الشال على راسهة :مابية شي
عمر :شيخة باوعي على اعيوني .
شيخة رفعت رأسي واني أحس هارت قواي من الألم ردت اوكع بس عمر كضني.
عمر ابخوف:شيخة كلبي انتي بيج شي الله عليج كولي.
شيخة بألم وتعب :عمر بطني حيل توجعني راح اموت.
عمر :اي هسة انروح للمستشفى بس اجيب المحفظة والموبايل مالتي
عمر طلعني من الحمام وكعدني على كرسي وهو راح ورى لعشر دقايق اجة هو ومحمد
محمد اجة يركض:شيخة كلبي بيج شي .
شيخة ماتحملت وبجيت وحضنت محمد:محمد بطني توجعني.
محمد بخوف:هسة يا عمري انروح للمستشفى.
عمر:خوش اني راح اروح اجيب السيارة من الكراج وأنت طلعها ماشي.
محمد وهو يعد بشالهة :اي يلا
راح عمر أيجيب السيارة ومحمد سندني وطلعنا.
شيخة ابتعب :محمد شكلت لماما .
محمد"ما تدري هسة اخايرة احنة من اجيناج زفوة ايمن وروان.
