خدك لو يصير #فنجان ☕🌹
عشر اسنين ما اهزة ❤😍
شيخة كملت مخابرة من امينة ودخلت للغرفة كعدت يمة وصف نت على وجهة اباوع علي وجهة اصفر والأجهزة مالية جسمة اعيونة هالات السود وشعرة الاسود يلي نازل على الشاش وايدة امجبسة والثانية بيه الكانونة والمغذي دمعتي نزلت بس مسحتة كبل جريت القرآن وكعدت أقره ودموعي تنزل وحدة ورى الثانية ضل يومين وهو على هاي الحالة واني ابد ما رجعت للبيت كله تتوسل بية بس اني ايد ما رجعت ام عمر ابد متحجي وياي واني هم ما هتميت اله اني كاعدة اقرة قرآن واسمع صوت عمر كلي شيخة أريد مي سديت القرآن وفكرت ادموعي كامت تنزل امة كامت تصلي على محمد وال محمد بعدين طلعوا ضلينة اني وياه حضني واني انفجرت بالبجي لأن صدك حسيت نفسي بومة وفكر علية هو حظني ايريد انسوي عرس بس اني ما رضيت والله بعد لو تنكلب السما على الأرض ما البس ابيض ولا اسوي عرس بعدين كمت غسلت دخل الدكتور واني عدلت شالي وطلعت كعدت يمة والدكتور طلع
بعدين اجة العشيرة كله وعمر كلي روحي وية اخوانج زحمة غياث موجود واصدقائي هم راح يجون اني هم ما كلت شي لأن ميتة من التعب صارلي أربع تيام ما نايمة لأن توتر العرس وبعدين صارت هاي المصيبة رجعت للبيت دخلت للغرفة الطرحة مشيولة ومحطوطة على الجرباية عفت ودخلت للحمام سبحت وطلعت حتة بدون ما امشط شعري نمت .
عمر خليت شيخة اتروح وية اهلة ام غياث كعدت يمي
ام غياث:يمة عمر هاي عين ما صلت على النبي
عمر:يمة شنو ها الحجي هذا قدر مكتوب وانتي ليش اجيتي مو رجليج توجعج.
ام غياث:عوفك مني انت ليش طلعت من البيت بهاي السرعة .
عمر:يمة صارلة سنة ونص راح انكمل سنتين وهي بعدهي على نفس الموال عوف شيخة واني أجيبه احسن وحد والله اني ما اعوف شيخة لو بنات الكون ينكلبن ذهب
ام غياث:يمة بس مو تطلع بهذا الخبال
عمر:يمة اني أمشي سريع والبريك عطل هسة اخلي امجد ايوديه للمصلح
أم غياث:ماخذيه المرور وامجد رايح موديهة للمصلح .
عمر:يلا الحمدالله عدت على خير
ام غياث: عموري يمة ما تصيح غياث خلي انروح
عمر:لا يمة بعد وكت وين رايحة
ام غياث:لا اليوم البنات يردن يجن
عمر :اي هسة اخابرة هو نزل وية الولد للكفتريا
عمر دكيت على غياث كال هسة اجي ضليت احجي وية ام غياث بعدين راحوا وضلت امي والباقي كلهم راحوا
عمر:يمة ليش ما رحتي
أم عمر :لا يمة وين اروح واعوفك انشالله انت بس اليوم وتطلع واني اصلا اليوم أول يوم ابات يمك.
عمر سكتت وغمضت اعيوني ورة اشوية نمت
شيخة كعدت لكيت الساعة 6:30الصبح يعني اني نمت من الخمسة العصر وهسة يلا كعدت كمت من الفراش وأحس جسمي متكسر فتحت شعري ومشطتة رحت فتحت الكنتور لكيت بي كم قطعة لأن امي وروان ودن الملابس كلهن للبيت مالتي أخذت بنطرون وقميص وشال لبست وطلعت لكيتهم نايمين دخلت للغرفة محمد لكيتة نايم
شيخة:محمد كوم
محمد بصوت نعسان وهو بالكوة يفتح:هااااا شيخة شكو من الصبح
شيخة:محمد كوم خلي انروح للمستشفى عمر وحدة
محمد :اي مو البارحة رحتي آلة
شيخة وهي اجرة من تشيرتة:محمد وجع شو كوم شلعت مرارتي من الصبح راح اسوي ريوك يلا ابسرعة
محمد:وجع هم نزل وهم إيدبج يلا خل اغسل وابدل واريد ريوك طيب لا وادورة امبدلة
شيخة طلعت من الغرفة ودخلت للمطبخ حطيت القوري على النار وطلعت البيض والجبن سويت الريوك واجة محمد اتريك وكعد
محمد:اكلج اشو امي وابوية ما همة
شيخة:امي نايمة بس بابا عده شغل طلع من وكت
محمد:يلا خل انروح .
شيخة طلعنا صعدنا بالسيارة وصلنا للمستشفى أخذت ورد دخلت للغرفة لكيت امة ماهية بس هو نايم محمد دكت علي رند ضل يحجي وياهة برة اتقربت من عدة وبست راسة وهو كض إيدي حيل اني فزيت
شيخة برعب:كمزتني اشبيك
عمر ضحك :ههههههههه اسم الله عليج .
شيخة اتنفست حيل:صباح الورد
عمر وهو يأخذ الورد من إيدهة :صباح العشق والهيام .
شيخة:عجبك الورد
عمر :اي اصلا اتعرفين اني احب ورد النرجس
شيخة :المهم انت اشلون صرت
عمر:لا الحمدالله بس أيدي عايقتني بالحركة
شيخة:سهلة حبيبي كلة كم شهر واذبهة
عمر:لا الدكتور كال شهر اندبهة لأن الكسر مو قوي
شيخة:لعد وين أمك.
عمر:ما أدري لان من كعدت لكته ماكو يمكن جوة بالكفتريا اي صدك انتي منو جابج.
شيخة:محمد بس يخابر برة .
عمر:ها خوش
شيخة كضيت أيده وهو قرب راسي وباسة دخل محمد
محمد ضحك :كطعت عليكم شي ترى عادي ارجع اطلع
عمر:هههههه لا كلشي ماكو تعال اسندني خل اكعد شيخة متكدر علية
محمد وهو يتقرب منة :اي تعال
سندة محمد وكعدة
شيخة:جوعان
عمر:لا اصلا تلعب نفسي
محمد :بس لا حامل
شيخة ضحكت بصوت عالي ودخل الدكتور الدكتور جان شاب
الدكتور بأبتسامة وهو يباوع على شيخة:صباح الورد
عمر عصب وهو يشوف هذا اشلون ايباوع
وهاي الفطيرة تضحك كضيت ايدهة حتة يعرف انو هي ملكي .
عمر بنفسية :صباح الخير
الدكتور بده يفحص كمل وكال وهو يباوع على شيخة:لا اليوم اخوج سحتة عالية
عمر أحس الدخان كام يطلع من رأسي واعيوني :عفوا دكتور هاي مرتي هو زوجتي
الدكتور بخجل: ها اني آسف .
طلع الدكتور ومحمد مع راح لدوامة عمر دائر وجهة مني وميحجي وياي
عمر طلع الدكتور واني سويت نفسي زعلان حتى بعد متصفحك بصوت عالي وأحنة بمكان عام
شيخة كمت كعدت على الجرباية جريت ايدة واقتربت من وجهة :عموري ليش زعلان .
عمر يحجي بثكل :اسئلي نفسج ليش زعلان
شيخة وأول مرة هيج تتجرأ باست شفتة وبعدين خدة
عمر حسيت جسمي كام يطلع نار بعدين أندم الباب وهي وخرت ابسرعة وكعدت على الجرباية
دخلت امي اتفاجئت :صباح الخير
الكل:صباح النور
ام عمر:شيخة اشوكت اجيتي
شيخة :يمكن صارلي نص ساعة
أم عمر:ها خوش
عمر:يمة وين جنتي
ام عمر اتقربت منة وباست راسه:جنت كاعدة بالحديقة .
عمر :هااااا
عمر طلعت من المستشفى رادو أيودوني للبيت مال اهلي بس اني كلت أريد انروح للبيت مالتي امي مالت تعالوا يمي بس اني ما رضيت ليتنى أحس أخذ راحتي بية و شيخة هم ماتتقيد وصلنا للبيت لكيت خواتي وروان وأيمن مها مرت امجد سلمت عليهم وكعدت يمهم شيخة كاعدة ابصفي وساكتة وهمة يحجون ويسولفون ويضحكون بعدين كانوا يسون غده
عمر:لا وين اني هسة انخابر المطعم يجوبولنة عدهة عليمن امتعبين نفسكم اني راح أبدل واجي تعالي شيخة
شيخة طلع عمر من المستشفى ورحنا للبيت جان الكل موجود واني كاعدة وساكتة لان أحس نفسي كلش تعبانة مالي واهس احجي لأن اجتني الشهرية عمر راد ايروح للغرفة وصاحني واني هم رحت وراة صعدنا للغرفة
عمر كض خدي بأيدة المابيه شي:حياتي بيج شي
شيخة ابتسمت:لا عمري مابية بس مالي واهس احجي يمكن تعبانة
عمر:هسة خل يدغدون ونطردهم
شيخة :ههههه لا حبيبي عيب شنو السالفة
عمر:لا مو عيب
شيخة:انت ادخل غسل خل اطلعك ملابس
عمر:اي والله أحس روحي خست من المستشفى
شيخة ضحكت:ههههههه يلا حبيبي ادخل
دخل عمر للحمام واني طلعت ملابس اله وحطيتهم على الجرباية طلع عمر من الحمام بظل واني ساعدته ونزلنة هم السوالف بحيث راسي صار طبل وصل الاكل أكلنا وكملنا وسوينا جاي نظفت المطبخ اني ونور وروان
روان بهمس:شيخة اشبيج شو ضايجة .
شيخة نفس الهمس :ولج اجتني الشهرية وظهرت كصني كص وراسي صار طبل
روان :بعد روحي اكعدي واشربي حتة ترتاحين
شيخة:ميحتاج راح انخلص كملنا شغلنا
نور :شيخة اشوكت تطلع النتائج
شيخة بخوف :عفية نور ليش ذكرتيني
نور:ههههه لا يمعودة عليمن هذا الخوف
شيخة:اففف والله ما أدري اشوكت
محمد مد راسة من المطبخ
محمد :روان يلا راح انروح لأن ايمن عنده شغل تعالي ويانة
شيخة اباوع على نور رادت تاكلة بعيونة واني هستوني تذكرت السالفة مالتهم راحت روان ودعت اهلي وضلوا بس أهل عمر
رحت كعدت ابصف نور
شيخة ابهمس:نور تعالي انروح بالمطبخ
نور:اي يلا أمشي
شيخة دخلنا للمطبخ
شيخة:نور انتي اتحبين محمد اخوية
اباوع علية اتربكت وتوترت.
نور بهمس :اي يمكن او إعجاب
شيخة:اشكد صارلج
نور:قبل الخطوبة مالتج انتي وعمر
شيخة:شوفي انتي اتحبي بس محمد
نور:احجي ليش سكتي
شيخة:نور عوفي محمد ميفيدج ما أريد أكسر جناحج.
نور:ليش اعوفة
شيخة بتوتر:لأن محمد اي حب وحدة وكل لأمي يخطبه بيس صار عرسي سالفة عمر وتأجلت امي بالبداية ماقنعت بس هو حيل لح علية .
نور ادموعة اجمعن بعيونة
شيخة وهي اتواسي بيه :والله تستاهلين واحد احسن منة صح هو اخوية بس انتي هم اختي
نور سوت نفسة قوية:لا عادي كلشي قسمة ونصيب اصلا الولد ما وعدني بشئ
كامت نور وراحت كعدت يم امة بعدين همة هم راحو
عمر راحوا اهلي :وأخيرا
شيخة:هههه
عمر:تدرين بية هسة شريد
شيخة:اي تنام اي والله اني هم ميتة من التعب
عمر:ههههههه والله حيالة
شيخة:حبيبي انت مريض واني هم عدي عذر شرعي
عمر حاوط ركبتة :لعد أمشي اليوم ما كو أمل ابد .
شيخةضحكت: اي هههههههه
صعدنا للغرفة هو تمدد على الجرباية واني أخذت دشداشه ورحت للحمام بدلت وطلعت
عمر طلعت شيخة من الحمام لابسة دشداشه سودة قصيرة وبية وردة حمرة من الخصر اني صوفرت:الله حيوة .
شيخة شو من طلعت هذا كام ايصوفر اني ضحكت :ههههههه
رحت على المراية فتحت شعري بعدين يرحت نمت على الجرباية عمر مد إيدة وسحبني نمت على صدرة ونمنا
الكاتبة :شهد مثنى الغرباوي 🍺
