يا يمة الأسمر 😻
لو ضحك.....🙈
جيبي#ليوكف....
اجدامي..❤
شيخة طلع محمد من الغرفة واني نزلت جوة شفت روان جاية .
شيخة:هلو.
روان ابتسمت :هلا بالعروس
شيخة ضحكت :هههههههه مو بهل السرعة صرت عروس .
ام علي:ولج استحي احنة من جنة ابعمرج وجابوا طاري الزواج وحدتنة اتصير طماطة من الخجل.
شيخة:والله وليش استحي هاي سنة الحياة وانتي كلتي أنتن مو اني اني اصلا شايلة المستحة من قاموسي .
روان ضحكت وسكتت وامي شمرت علية التكية مال التخم
الام:ادبسزز متستحي.
شيخة ضحكت :هههههههه يمة والله انتي قديمة شوفي العالم وين صارت وانتي بعدج اهنا
الام كامت :اروح اقرة قرآن احسلي.
روان :تعالي ست شيخة سولفيلي.
شيخة رحت كعدت يم روان وحجيت اله كلشي
روان شهكت :عزة ابعينج فضحتيني يم محمد .
شيخة بعدم اهتمام:شنو يعني إذا عرف انتي اتزوجتي وهو هم يحب ماكو داعي لهاي الدراما يلي ايسويها .
روان :والله انتي ما أدري شنو من مخلوق .
شيخة :هسة عوفج مني انتي شخبارج ايمن الشيفة اشلونة.
روان كرصت من ايدها :انجبي لتحجين على حبيبي .
شيخة كضت مكان الكرصة:ااااااااي عابت اشبيج.
روان :انجبي لتحجين على حبيبي وأبو جهالي .
شيخة استغربت :يا جهال (بعدين سكتت وصاحت )ررررررررراح أصير خالة واااااااااااااااو يا الله راح ايصير عدنة نونو عنوني.
روان ضحكت:اي البارحة حللت وطلعت حامل وراح ادخل بالشهر الأول .
شيخة بفرح :الففففف مبروك (وحظنتة)حبيبتي.
روان :الله يبارك بيج كبدي .
شيخة :الله والله حلو راح اتصيرين ام .
روان :اي.
شيخة:بس لا يطلع على ابوة شيفة والله اذبحة.
روان عصبت :انجبي شيخة لا تحجين عل ايمن.
شيخة:مو مهم هذا الحجي انتي شتردين ولد لو ابنية.
روان:ما أدري كلشي من الله هلة بي.
شيخة بأستغراب:لا ولا عرفتج هاي انتي لو خيالج.
روان:انجبي منو كلج عدي شاهدة مال كفر اموقعة من أبو لهب 💔😂
شيخة ضحكت: انجبي ام حلك اتحشش.
روان:اروح أكل احسلي.
شيخة صعدت الدرج:يمة عزة راح اتصير دبة .
روان عاطت من المطبخ:انجبي ولج شيخة راح ااجي اطيح حضج
شيخة صعدت للغرفة واني أضحك دخلت للغرفة واشوف موبايلي ايدك شفتة امينة.
امينة :كلللللللللللللللللللللللللوش .
شيخة ضحكت :هههههههه اخبال اي والله.
امينة:شيوخ بس كولي بلي بيج خير وادللي
شيوخة ياجكليتة حامض حلو اباكيتة
عروستنا ماكو مثلها عريسنة حبة واخذهة
هاي الرادهة وهاي التمناهة حبي وروحي عمري يسميه كككككككككللللللللوش هههههه وإدراج تعبت عزة بعينج .
شيخة :ههههههههه والله العظيم مو صاحية اخبال حتة اخبال.
امينة:واووو شيوخ وأخيرا راح تتزوجي واخلص منج .
شيخة :انجبي ام حلك اني يمج لو مالكة من جدرج شو كاعدة يم اهلي وساكتة
امينة:لا مو انتي راح اتخففين من نسبة العنوسة يلي بالبلد .
شيخة :اي عيني راح أصير من مدامات المجتمع هههههههه.
امينة:اي اشوكت تتزوجون.
شيخة:بعد حصبة وجدري .
امينة :يعني شنو .
شيخة:يعني أيجوز الخطوبة وعقد السيد بعطلة نص السنة بس الزواج من أخلص سادس .
امينة شهكت:عزة بعينج راح اتخلين الولد ينتضرج سنتين .
شيخة:أول شي سنة ونص وثاني شي يلي اي حب ايضحي مو صح .
امينة:انجبي ترى اهواي متأثرة بحجي المسلسلات
شيخة:اصلا ماما مترضى.
امينة:يلا اهم شي راحتج.
شيخة:راح اموت.
امينة:ليش
شيخة :أريد اكض طيبة ولج بس الله يدري شنو اسوي بيه.
امينة:اي والله هاي الحيوانة الواحد إذا كضهة ينتحر بيه.
شيخة:تدرين شتكول لمحمد.
امينة:لا اشمدريني
شيخة :اتكول انت بايع ثكل علية واختك امسوية روحة شريفة وهي يومية أم صاحبة واحد ولج محمد اجاني مثل الثور الهايج وعلي اعيونة حمر من العصبية ولج والله ردت اموت من الخوف.
امينة ضحكت:ههههههه معقولة انتي اتخافين .
شيخة:ولج والله انتي لو اتش وفي ولا اتكولين هذا محمد .
امينة:يلا يمعودة صارت السوالف.
شيخة:يلا أمون اني راح اروح .
امينة:هلا بيج كلب باي .
..... ....... ....... .....♡
عمر كاعد على الشط والجو حلو دك علية غياث
غياث :ها س####
عمر ضحك : ههههههه ها اشبيك
غياث وهو امعصب:اني مو كتلك خابرني أريد أعرف اشصار ما صار.
عمر:ها لا الحمدالله كلشي تمام.
غياث:يعني عن قريب نسمع هلهولة.
عمر ضحك:اي انشالله .
غياث:اي وأخيرا اكو واحد من عدنة راح يفك الجبسة.
عمر:غياث عليك الله تعال اني كاعد على الشط والجو ايخبل .
غياث:لا يا عار غير اتكلي .
عمر:من هول الوالدين مو كتلك يلا تعال.
غياث:عشر دقايق واني اكبالك.
عمر:يلا ابسرعة .
سديت الخط من غياث وكعدت العب بالتلفون وجان تجيني رسالة .
💭اموت على الأسمر .
عمر اني انصدمت هاي منو ولا اتحاجيني لا الواتساب .
رديت علية
💭نعم اختي شنو رايدة.
💭أريدك.
💭اختي احترمي نفسج شنو هالحجي
💭والله أحبك انت اشبيك .
💭زين انتي اتعرفيني.
💭ليش اكو واحد مي عرف المهندس عمر
عمر كشيت أيجوز طالبة من المدرسة يلي اشتغل بية .
💭اي بس اني مرتبط وياريت ترحين
💭ههههههههه طلعت خوش نسيب
عمر عرفتة محمد
رحت دكيت علية
عمر:ولك انت فد واحد كو## و س####
محمد:هههههههههه وعلي طلعت خوش آدمي.
عمر:كبر يضحك .
محمد:أنجب ابو حلك لعد أتريد اطي اختي لواحد ما اعرف علية شي .
عمر:ليش شكايليلك علية يومية بالملهة وبيدي البطل
محمد :أيجوز كلشي ايصير .
عمر:أمشي ولي حيوان.
محمد :ترى ما انطيك اختي
عمر:عادي اشرد بيه.
محمد :اختة اذبحة انت وياهة
عمر:لا يا حضرت المحامي اشرد بيه 36 ساعة والقانون ايزوجنة حسب مادة 33وقانون 42
محمد ضحك:والله طلعت تعرف بالمواد والقوانين.
عمر:اي أعجبك كلشي اعرف.
محمد :ولك هو هذا الكتاب جان عدنة بالكلية وعلي طلعت بي دور ثالث ما نجحت بي رفعوني قرار .
عمر :اي لعد شسويلك انت كسولي ادورة صاير محامي أبو حلك غير فسد القانون.
محمد :دولي جلبت اروح أحاجي الكلب مالتي احسلي.
عمر:دولي ابو حلك ذاك اليوم صار خير ابراسي
محمد :أنجب لعد اشلون غير عرضي
عمر:عرضك لا بس عرض الناس عادي.
محمد :لا والله مو هيج بس اني أحبه
عمر:ديلا روح باي .
محمد:باي
الكاتبة :شهد مثنى الغرباوي 😀
