Sh+A
شيخة صار الصبح اليوم عيد ميلاد عمر اني من البارحة وصيت محمد يحجزلي كيكة اليوم اني ما اروح للدوام طلع عمر للدوام واني بديت انضف بالبيت وطبخت وكملت اجة محمد جابلي الكيكة وراح حضرت العصاير والحلويات ونفخت النفاخات وحضرت الشموع وزينت الصالة صعدت فوك سبحت ولبست فستان اسود قصير اصلوخ ومن الخصر بي احزام ذهبي شسورت شعري وعفتة مفتوح لبست خلخال وحذاء كعب ذهبي حطيت مكياج اسموكي حسيت بألم بطني وظهري بس خفيف ما هتميت نزلت شفت الساعة 12:45 يعني بعد ربع ساعة يجي عمر
طفيت الكلوبات وسديت البردات وشغلت الشموع
عمر اليوم عيد ميلادي بس شيخة ابد ما عيدتني او حجت شي بس انتي متعلم محد يعايدني بعيد ميلادي بس غياث ومن خطبنا هي هم بس يلا أيجوز نست انشغلت بالشغل كملت من وكت
وطلعت وصلت للبيت فتحت الباب لكيت الصالة ضلمة واكو ضوة مال اشموع خفيف ابتسمت وبعدين ما أحس الة واحد سد اعيوني
شيخة بهمس:كل عام وانت حبيبي وأبو بيتي وجهالي ورجلي الغالي ❤
عمر وخرت أيدة واندارية علية وحظنتة :حبيبتي والله عبالي ناسيتة
شيخة:آنسة روحي وما انسى عيد ميلادك
عمر :هاي شنو خلي انشغل الضوة كلشي مجاي اشوف بس الهيكل مالتج
شيخة ضحكت :ههههههههههه ماشي هسة اروح اشغلة
شغلت الكلوب وعمر صوفر
عمر:لج والله انتي تحفة
شيخة كضة أيده وجرأة وراحوا يم الميز يلي علية الكيك والاغراض :عموري حياتي عوفك مني يلا اتمنى أمنية وكفي الشموع
عمر كض ايدهة حيل وغموض اعيونة (يارب لا تحرمني من شيخة ويارب احفظة وخلفية اتجيب ابسلامة )كملت وطفيت الشموع
شيخة:عمر تؤدي صار عمر 30
عمر ضحك :اي حبيبتي شسوي صرت شايب
شيخة:لا بالعكس اصلا الرجال ايصير حلو بالتلاثين
عمر وهو يحظنة من خصرهة :ها يعني اني راح أصير حلو
شيخة :لا حبيبي اصلن انت تخبل بس غير اني ما احجي
عمر:ههههههه خوش والله
شيخة :يلا كص الكيكة
عمر كص الكيكة وحطهة بحلكي :يلا حتاتي اكلي شيخة وهي تأكل :اي صدك اشلونة المفاجئة
عمر:فدشي والله كلش حلوة
شيخة: لعد اوكف خل اجيب الهدية
عمر:لا بعد اكو هدية
شيخة:اي اكيد
راحت شيخة جابت الهدية
شيخة :يلا عمر وافتحة
فتحة عمر ولاكة لوحة اصغيرة مكتوب علية بخط مزخرف شيخة مهندس عمر ويحاوط الإطار ورد حوري ابيض وأحمر واصغار عمر حظنة
عمر :اروح فدو لكلبج عافيتي
شيخة:وانت عشقي
عمر رفع راسه وباس من شفتة وهي هم بادلتة ووووووووو
شيخة كعدت من النوم بطني حيل توجعني وظهري هم كمت من الجرباية ودخلت للحمام سبحت وطلعت وهم اكو ألم عمر نايم نزلت جوة شفت الصالة صايرة هوسة لميت الغراض والماعين غسلتهن ونضفت والألم بعدة موجود سويت كوب حليب كعدت اشرب نزل عمر ونام على رجلي حيل اتوجعت بس ما حجيت
عمر:اشوكت كعدتي
شيخة :قبل اشوية
عمر:ها اني هذا الثول غياث دك علية راح يجي
شيخة:هلا بي بس كون امة تجي
عمر:ليش شيخة
شيخة:حيل احبة
عمر ابتسم:اي والله اني هم كلش احبة بس ما تجي هي بالزيارة رايحة هي وخواتة
شيخة بأسف:حرامات
عمر:يلا سهلة اني راح أسبح وانتي حضريلنة شي ناكلة
شيخة:ماشي
دخل عمر سبح واني سويت الجاي وطلعتلهم كيك وكرزات وحضرتة سمعت صوت الجرص نزل عمر وهو يعدل ابشعره
عمر فتحت الباب واشوف غياث شايل هدية كلش جبيرة
عمر:ههههههه لا اليوم الهدية مبينة ثكلية وغالية
غباث:اي كلش وهسة اشوف تعال خل ندخل
دخلنا للاستقبال
غياث:يلا عمر افتح الهدية
عمر كام: يلا لعد
بديت افتح بية كارتونة بطن كارتونة
عمر :ولك غياث تضحك علية لو شنو.
غياث:وداعت امي اكو هدية
عمر فتحت الكارتونة الأخيرة طلع بية حذاء مال اطفال للبنات
عمر:من احطة بحلكك هم واحد يكلي ليش
غياث :هههههه انت مو تريد ابنية وهذا خوش فال الك
عمر :بس مو تجيبلي ياهة بعيد ميلادي بس مشكور ما كصرت
شيخة لجة غياث وعمر أخذ الجاي والكيك ودخل اني صعدت فوك اتمددت دكيت على امينة ونطتني المحاظرات
امينة:ولج شيخة صوتج مال وحدة مريضة
شيخة:اي يمكن عدي بداية نشلة
امينة ضحكت:سودة علية من السبح
شيخة خجلت:انجبي حيوانة متستحين ترى اكول لامج عليج
امينة :هههههههههه ام حلك تخجل يلا ولي اروح اشوف امي اتصيح علية
شيخة:يلا باي
امينة:باي
شيخة سديت الخط منها وحسيت شي حار نزل عل رجلية طفرت للحمام شفت دم نازل خفت حيل ادموعي نزلن غسلت وطلعت لكيت عمر صاعد لأن غياث راح
شيخة تبجي:عمر اكو دم ينزل
وكعدت على الدرج
عمر بخوف :حبيبتي اشبيج ليش الدم ينزل
شيخة :ما أدري عمر الله يخليك ما أريد أفقد ابني
عمر كعد ابصفة:لا حبيبتي انشالله كلشي ميصير كام عمر حاب العباية لبسهة اله وش ال وطار للمستشفى
دخلو شيخة للدكتورة وهو ضل رايح جاي بعدين صاحو دخل شاف شيخة نايمة وبيدهة مغذي
الدكتور:حضرتك زوجها
عمر بخوف:اي اني بس هي بيه شي
الدكتورة:لا ما بية شي يعني بسبب تعب وصاعدة اهواي درج وهي اصغيرة لذالك صار وياهة شي انشالله من يخلص المغذي تكدر اطلعه بس ياريت درج ما كو وراحة يرادلة وبعد أفضل إذا ما تتقرب اله بهذا الأسبوع
طلعت الدكتورة راح عمر كعد ابصفة هي فتحت اعيونه
شيخة:عمر ابني بي شي
عمر :لا حبيبتي ما بي شي انشالله بس يخلص المغذي انروح للبيت
شبخة:عمر اني خايفة علي ابني .
عمر وهو يكض إيدهة حيل:حبيبتي لا تخافين انشالله كلشي ميصير ولازم ترتاحين بهاي الفترة
شيخة:لعد راح اترك هاي السنة بالجامعة
عمر:أي احسن
طلعنا من المستشفى ورجعنا للبيت ولكيت امي موجودة بالبيت عمر امخابرهة
ام علي:يا يمة غير ترتاحين ليش اتعبين نفسج وانتي حامل وهذا الحمل بكرج
شيخة :ماما كلشي ما صار الحمدالله خلصت
ام علي:أي هذا اهمالج هو راح يطيح حظج
شيخة هويت راسي وسكتت اتمددت بالهول وليل راحت
للكاتبة:شهد مثنى الغرباوي🎀
