سأحارب القدر 😤#
ثم المجتمع 🎆
لكي ........ احصل عليك ❤🐾🐾🐾
شيخة بدموع :مو من حقك تحرمني من مستقبلي
محمد :من يجي بابا اتكولين أريد البطل افتهمتي
شيخة ادموعه نزل وبعصبية:على جثتي افتمهت ما أبطل الموبايل اتريدة آخذة بس مستقبلي خط احمر
الام بعصبية:شيخة أمشي اصعدي للغرفة ابسرعة وانت محمد هذا الشئ آذا وصل لابوك ملتزم الا نفسك
شيخة صعدت للغرفة ودموعي تنزل دخلت للغرفة قفلت الباب وذبيت نفسي على الجرباية وكمت ابجي بعدين كمت طلعت مو بايلي من الجرار فتحتة لكيتة مقفول ما بي شحن رحت شحاتة فتحتة لكيت مكالمتين من عمر رحت دكيت علي اجاني صوتة تعبان
عمر:الو
شيخة من سمعت صوتة كامت تبجي :عمر
عمر بخوف وفزع :شيوخ حبيبتي اشبيج .
شيخة كامت تشهك :مممممم محمد عرف بعلاقتنا
عمر كض راسة حيل :حبيبتي انتي أهدي واني احل كلشي
شيخة:عمر يردون ابطلوني من المدرسة
عمر :حبيبتي محد ايسويلج شي ماشي
شيخة :عمر انت زين بيك.شي
عمر حاول يطمنهة:ايروحلج فدوة عمر واهلة لا حياتي مابية شي .
شيخة درت اتجذب بس ماحجت شي
عمر حس علية:يلا حبي اني راح اروح وانتي هم ارتاحي باي احبج❤
شيخة نزلت ادموعه : اني هم احبك💜
سديت الخط من عمر اندكت الباب مال غرفتي كما فتحتة شفت امي واكفة وعيوني اطلع نار
الام:وين موبايلج
شيخة بدن اي صوت انطيتة الموبايل
الام:انتي اتعرفين ام عمر متحبج.شيخة ظليت ساكتة وماحجيت
امي عاطت بي:احجي .
شيخة بعصبية؛واني شعلية بيو حبتي ولى لاء مو مهم اهم شياني احب عمر
امي عصبت:تحجين وياة بالتلفون.
شيخة بدون وعي:اي احجي وياة واصلا هو المهندس يلي يشتغل بالمدرسة وإذا عبالكم اعوفة والله ما اعوفة لو تنكلب الدنيا مستحيل اعوفة .
امي ضربتني راشدي:هسة اتخابري واتكولين اني ما أريدك ولا أحبك لا اروح واحجي لا اخوج علي وانتي اتعرفين علي يذبحج بدون مايرفلة جفن
شيخة من امي ضربتني ادموعي كامت تنزل عشرة عشرة :والله ما اخابرة شسوين سوي.
طلعت امي ورجعت قفلت الباب واني ابجي واناشغ دمعت بالكاع واني ابجي بعدين غفيت
كعدت على دك بالباب شفت الساعة 5العصر دخلت للحمام شفت اعيوني حمر وحشني هم احمر شعري ممرتب غسلت وجهي والميت شعري بعدين سمعت دك على الباب رحت فتحت الباب شفت امي وبيدهة التلفون
امي:هاج هاي امينة
شيخة أخذت التلفون وتذكرت كلشي صار وياية
امينة:الو شيوخ
شيخة ادموعي بدت تنزل :أمون يردون ايفرقونة اني وعمر
امينة:حبيبتي غير اعرف شنو صار .
شيخة بصوت مخنوك:ماما ومحمد عرفوا بكلشي.
امينة:أكيد هاي الكلبة طيبة .
شيخة :ما أدري تدرين حتة عمر أحس بي شي
امينة :ليش
شيخة:والله ما أدري أحس صوتة تعبان وبي خنكة
امينة :باجر اداومين
شيخة :لا راح اكعد أسبوع.
امينة :ماشي اني أكل للمديرة عدهن حالة وفاة اني اروح حتة امج لا تشك
شيخة :ماشي هلو
امينة :كلبي انتي صبري قوية
شيخة ابتسمت :أن شالله
سديت الموبايل من امينة أنطيت للموبايل لا امي .
❌❌❌❌❌
عمر رحت كعدت يم غياث وحجينة كلشي
غياث:لا عمر يلي سويتة خطأ
عمر:ولك غياث امي ما تهتم لكل بي المحترك كل همة تاخذ وحدة من المستوى يلي ايليق بية لك دمرتنة من جنة اصغار وهي فترة علينة كلشي هذاك امجد مو متزوج من البنية يلي هي اختارته بس ما مرتاحين اني اعرف امي أتريد الكل على مزاجة وإذا تزعل يوم يومين وترضى يمعود كافي راسي راح يطك وعلي هسة من أحرم روحي هم واحد ايكلي ليش
غياث :راح اروح اخلي الولادة اتسوي جاي واجيبلك حب اية وجع رأس .
راح غياث واني ظليت صافن وادخن طلعت موبايلي أريد ادم ادك على شيخة بس هي دمت حجيت وإياهم ادورة اتعقدت أكثر لأن محمد وأمة عارفين سديت الخط منة وأحس كلبي التمرد من عرفت بية اشوية ودخلت ام غياث كمت بست راسهة كعدت ابصفي
ام غياث؛اشبيك يمة احجي ترى اني مثل أمك
عمر دمت عيني من ذكرت اسم ام واني اشكد صار لي طالع ولا دكت ولا دزت رساله :خالة كلبي يوجعني
ام غياث :يمة اسم الله على كلبك تعال يمة تعال
عمر رحت نمت على رجلية وهي بدت تمسح على رأسي وتقرة قرآن على رأسي اشوية هدأت دخل غياث كعد ابصف أمة وعجائب واياة حب اية وجع رأس ومي .
ام غياث :يلا يوم احجي اشبيك
عمر حجيت كلشي لا ام غياث
ام غياث :لا يمة يصير هيج لازم هسة انت اتروح وتوبي ايدهة وتطلب رضاهة
عمر :بس.....
قاطعتة ام غياث:لا بس ولا بطيخ هسة اتروح البوس ايدهة وسالفت البنية لا تجيبه اليوم خلي تهدأ وانت قنعهة ماشي .
عمر كما وكفت على حيلي وبست راسهة وأيدهة ودعت غياث وطلعت واني الطريق كله أفكر اني متأكد حتى إذا اتكول اني راضية عليك قلبة ايكول غير حجي اففف دخيلك يا موسى ابن كاظم انت حلهة.
وصلت للبيت لكيت امجد رايح وأختي نور ما اهية بس هي كاعدة بالهول رحت بست ايدهة و رأسه
عمر:يمة اني أعتذر منج لحظة شيطان ودخل بينة .
ام أمجد تحجي من ورة خشمه:اي اني ربيتك حتة ترفع صوتك علية .
عمر: يمة والله أعتذر
ام أمجد:الله يسامحك يمة
عمر عفت امي وصعدت للغرفة مالتي واني أحس كلبي متفطر شفت نور طلعت من الغرفة مالتة بس سويت نفسي ما شفتة دخلت للغرفة وقفلت الباب رحت اباوع على المراية
الكاتبة :شهد مثنى الغرباوي 💜
