Rinig tagaktak ng tubig sa katawan
Dumadaloy mula ulo hanggang paa
Tumitingin sa kalawakan
Hanggang dito nalang ba ating pagmamahalan?
Mga yapak na marka ng kahapon
Saya na di matapos maghapon
Maging ang araw na di lumulubog sa hapon
Hanggang dito nalang ba ang ating pagsasama?
Kasama ka ligaya laging nadarama
Lungkot napapawi sa gabay mo sinta
Problemang animo'y lason na nakakamatay iyong napapawala
Hanggang dito nalang ba na kaagapay ka sa lahat ng pagsubok?
Nasan kana?
Babalik ka pa ba?
Sapagkat ako? Naghihintay lang
Na baka sakaling bumalik ka
At maipagtuloy ang nasimulang alala nating dalawa
Hanggang dito nalang ba?
