بيت بيوت

امر واقع

رجعت للبيت واني مرتبكه وويه ماتفحت باب البيت سالتني امي
اشبيج ماما شو مو على بعضج
باوعت لامي وحاولت اضم عنها الالم اللي رجع بعد غياب سبع سنوات بس فشلت كل اللي سويته
رحت لغرفتي وكلتلها امي حبيبي اني تعبانه
اريد انام
قفلت على نفسي غرفتي وبين مابدلت وارتاحيت اشويه 
هسه شسوي اشلون لح اواجه الوضع الجديد
لانه قرر يرجع يشتغل بنفس المكان اللي جمعنا اول مره واللي اني ظليت بي وهو تركه
اشلون يربي ماحذتني الخنكه والعبره
بعد تفكير  واني مااعرف شنو اسوي
مااجه بالي غير اتصل بأقرب شخص اليه
احب اسمعه باستمرار بس اخاف اتصل بي لان اعرف مشاعره تجاهي مو صداقه مو بيدي لازم اتصل بي
لان مااكدر انتظر يجي للدوام واسولف وياه
رحت للموبايل واتصل ب....حسين
(حسين اقرب صديق اليه ويشتغل ويايه بنفس الدائرة صح مشاعره تجاهي مو صداقه بس محتاجتله بهيج موقف )
اتصلت بي وحجيتله الموقف كله
بس ماكدرت اضم دموعي ولا كدرت امنع نفسي انه ابجي حيل
هو ضاج ...
كالي يعني اشلون اريد افتهم  شنو هو بالنسبه الج
معقوله كل هاي السنين ماكدرتي تنسي
ماكدرتي تعدين هاي المرحله
وهسه تكولين رجع ....شنو متوقعه
تظلين تتهزمين منه
كتله لعد اشلون اشوفه كدامي ولازم اتعامل وياه كانما ماكو شي مااكدر مااعرف
حسين صار عصبي ...كالي لعد خليج هيج
حتى مرض اتمرضتي صحتج خسرتيها
وذكرني بأكثر شي احبه وفقدته بسبب احمد
الكتابه
كال حسين حتى الشي اللي تحبي حد الجنون تركتي الكتابه شجاج روشنك انتي القويه
واذا رجع واذا راد يدوام ويانا شنو الي لح يصير
الا اذا بعدج تحبي
سكتت وماجاوبت
وظل حسين ينتظر جواب
تكدرون تكولون انفجرت بوجهه وكتله انت شدتحجي اني ادمرت بسببه
كال الحل كدامج وانتي تعرفين اشلون تتخلصين من اللقاء بي
اتذكري الاشياء اللي تحبيها
وبطلتي تسويها
حسين رجع ذاكرتي لسنين
حيل ....ياحسين خربطت عقلي ..شنو الشي اللي احبه وتركته صارلي سنين
معقوله ...يقصد 😔😔😔😔