بيت بيوت

البارت 25

مرحبا بيكم من جديد لكل من يتابعني
وشكرا الكم لتصويتكم وتعليقاتكم الحلوة 😍😍😍😍
صار الصبح وروشنك لح تطلع من المستشفى
وويه ميحضرون غراضها اجه مهند والشيخ للمستشفى حتى ياخذوني وياخذون اهلي للبيت حتى ارتاح وبعدها نرجع لبغداد
مهند والشيخ.... السلام عليكم
الكل وعليكم السلام
روشنك جنت لابسه فستان سمائي، طويل وشال بيجي وترانشوز لان مااكدر البس، حذاء، عالي
الشيخ من شفت روشنك لابسه هالسمائي اتمنين اليه حتى احضنها واشيلها جنها طفله بهذا الفستان
اما مهند.... اوويلي تخبل لا ناويه على خبالي هذه بنت الاوادم
الام.. ها بنات كملتو غراض اختكم ماناسين، شي
البنات لا ماما
الشيخ مهند اني لح اروح اخلص اجراءات الطلعه واشوف الحساب
مهند ابد والله اني ادفعه
الشيخ وسفه انت بديرتي وتريد تدفع
اني اترخص بين ميكملون وارجع اخذهم واروح للبيت وامن باامانه الله ورسوله وامانتي،
مهند حي الله اصلك
الشيخ من رخصتكم
مهند اكلج يمه
اني لح ارجع للعماره اشوف شكو ماكو
واجيكم ماشي
الام مودع بالله ماقصرت يبعد امك واذيناك احنه
مهند لا يمه شنو هالحجي
روشنك... ها مهند لح تروح للعماره
مهند اذا تريدين ابقى.. ابقى بس، كولي
روشنك اممم لا تسلم اصلا تعبناك
وانت صارلك فتره طويله اهنا وويايه لازم تروح لاهلك وللبيت وتشوف شغلك واني اي، شي، احتاج اكلك
مهند تمام
يمه... انطيني ايديج ابوسها خلي، اخذ، رضاج واروح
الام .. مهند يمه الله يرضى عليك مودع بالله
مهند .... يا بنات تعالن
البنات يله جايين
مهند شوفن هذا الظرف بي، مبلغ صح مو، جبير
بس خلو يمكم اخاف تحتاجن شي، تشترن شي بين مترتبون وضعكم
لي لي.. بس مهند، احنه عدنا خير من الله
مهند انه شداكول اخذن الفلوس واسكتن
ميرا... اش، اسكتي ماشي عيني
مهند عينجن على روشنك
بعد ترى متعرف ابوها اتوفى وهذه المرحله صعبه
البنات ماشي عيوني
من ده يحجن البنات ويه مهند جانت
روشنك جنت اريد اطلع وسمعت مهند يكول للبنات عن موضوع ابويه كل اللي سويته وخرت ايدي عن الباب ورجعت كعدت على الجربايه
سويت،نفسي ماسمعت شي اريد اشوف اشوكت يكولولي
اجني البنات ونطن الظرف لامي
وعرفت انه مهند راح للعماره
بعدها اجه الشيخ وكال يله خلي نروح للبيت
ترتاحون اشويه
اجه الدكتور مازن هلو روشنك لح تطلعين بخير وسلامه انتبهي لاكلج ولصحتج ترى بعدج بمرحله صعبه
رشونك صار دكتور
الشيخ امن دكتور بعيني اقصد بعيونا
الدكتور وانتي لي لي ام لسان انتبهي لاختج مو بس،لسان وتاكلين العالم الك
لي لي..هاي اشلون اي ماشي
فعلا طلعنا واخذنا الغراض وويه مده نمشي اتذكرت نسيت العلبه اللي اجتني هديه مااعرف من وين
روشنك لحظه لحظه نسيت شغله
الام خير يمه هسه،اجي
النبات ظلينا واحد يباوع بوجه الثاني
اشبيها روشنك شنو،نست
روشنك رجعت لغرفتي ادور على العلبه وينها
وينها اهووو
اي هياتها يعني هذه،جنت ضامتها جوه المخده
اخذتها وطلعت وويه ماافتح الباب ماشوف غير،الشيخ صادق بوجهي
الشيخ روشنك خيرج اشبيج
روشنك ها ماعرفت اجاوبه واول مره انتبه عيونه حلوة....اتخربطت كل اوضاعي حتى انفاسي كمت احس هو يسمعها لان جان قريب كلش عليه
والعطر الي حاطه يذوب فد مره
روشنك لا شيخ بس،نسيت هالعلبه
الشيخ ها الظاهر غاليه (من شفتها هيج قريبه عليه وارتباكها متت عليها حسيت اريدها اليه)
روشنك لا والله اجتني هديه
الشيخ الله يديم العزاز عليج
روشنك الله يسلمك
الشيخ يله نروح (لان اذا اظل اكثر اخاف اسوي شي)
روشنك يله واشوفها تمشي كدامي على السريع واضحك عليها
وصلت يم اهلها ها يمه شنو نسيتي
روشنك حاجه
ميرا هاااا حاجه يعني،مو العلبه
روشنك انتي شعليج
ركبنا السياره ويه الشيخ واني بداخلي الم
ابويه متوفي صارله اكثر من عشرين يوم ومحد كالي
كوه الدمعه حابستها
الشيخ اني وده اسوق انتبهت على روشنك صااافنه صفنه بيها حسره
المهم وصلنا للبيت جان البيت بسيط بس،حلو كلشي بي متوفر
حديقه وصوت عصافير ومن وين اباوع الكه بساتين
شنو من جمال وهدوء
اجو الولد اقارب الشيخ نزلو الجنط والغراض
وللبيت
ونبه عليهم الشيخ ميعوفون الباب
الشيخ كل الهلا بيكم ونورتو البيت والبستان
الام يمه ماقصرتو
الشيخ لا حجيه شنو،هالحجي على راسي
روشنك اني،اترخص اروح ارتاح
طبيت اني والبنات فد بيت يخبل ومرتب
ورى نص ساعه مااسمع غير،الباب اندكت راحت ميرا فتحتها اسمع صوت مو غريب عليه
جنت كاعده بالهول ده اتفرج ومااشوف غير رؤى
روشنك رؤى حبي
رؤى يا روشنك اشلونج والله مشتاقين حمد لله على السلامه
روشنك فدوة لقلبج الله يسلمج
رؤى تعالي اشلون جايبتلج غدا يخبل
روشنك ليش،زحمتو نفسكم
رؤى لا والله هذه اوامر الحجيه والشيخ
روشنك الله يخليهم الج ويحفظهم
تعالي كعدي خلي اشوفج
رؤى اجي ولج غير،مره لان عدنا خطار
روشنك براحتج حبي
رؤى ها صدك روشنك اشوكت ميصير،عندح مجال تعالي الحجيه تريد تشوفج
روشنك من عيني
كعدنا اتغدينا وكملنا وجان الاكل يخبل
والنبات نظفوا البيت وغسلو المواعين
العصريه كاعدين اندكت الباب
راحت امي فتحتها واني عيني وراها
الام هلا بالشيخ
الشيخ هلا بيج يمه
الام اتفضل يمه
الشيخ لا يمه عندي شغل بس،جبت هاي
الام شنو هاي العلاكه
الشيخ هاي علاج روشنك نطانياه الطبيب
روشنك منو امي
الام الشيخ صادق
الشيخ وجان اشوفها لابسه دشداشه مطرزه تخبل حمره وذابه الشال مال،وحده مستعجله وطالع اشويه من شعرها شنو من سواد
من شفت انخبصت مااعرف شنو اسوي
سلمت على السريع وظليت حايره
وبين حيرتي
اتصل مهند اي،هم زين خلي اشرد
من رخصتكم
الشيخ منو اتصل عليها ترى دمرتني اوف يصبري،وقلبي اشلون اتحمل روحتها لبغداد،
مهند الو،روشنك
هلو مهند اشلونك
مهند الحمد لله انه وصلت ردت اكلج
روشنك حمد لله على السلامه
سلملي على الاهل
مهند يوصل
روشنك نعم مهند
انتبهي لنفسك ترى غاليه عليه اهوايه فهمتي
روشنك هههه صار من عيني
باي
باي،
وبعد ماراح الشيخ صعدت ده انام
بس،مختنكه ابويه سوده عليه مات وماحضرت الفاتحه مالته
زين،ليش،ماابجي حتى ارتاح
كمت بدلت لبست بنطلون وقميص،طويل وحذاء،رياضي ولفيت شالي كلت اطلع اتمشى
ومن ده انزل من الدراج جانت امي،بالمطبخ ده تطبخ دولمه وجان اسمع ميرا تكولها لامي هاي ابويه يحبها
راسن قاطعت ميرا
كتلها الله يرحمه
الكل صفن وصار هدوء
روشنك ها شو سكتو شنو عبالكم مااعرف والدي اتوفى اني عرفت من زمان من اتصل وجهازه مغلق
لان اعرف ابويه ميعوف وحده بهيج محنه
ميرا...رورو اسمعي بس،
روشنك كلشي،ماريد اسمع
الام يمه وين رايحه
روشنك لهنا ومعليكم اني طالعه
يمه...روشنك
روشنك لتخافين ارجع
صارت لي لي بوجهي من ده اطلع
روشنك روشنك اوكفي
وامي تركض ويايه وتصيح على لي لي تكوللها
يمه من يمج صيحي عليها خلي توكف وين،رايحه بهاليل
طلعت ومافكرت باامي ولا بخواتي لان حجم الالم اللي،بداخلي جبير،حيل جبير
واني ده امشي اكول وينك مهند محتاجتلك
الشيخ..جنت جاي،من شركه الصيرفه واريد ادخل السياره للكراج
ومااشوف غير روشنك تمشي ودموعها بعينها
الشيخ ياستار اشبيها
عبوسي نعم شيخ
الشيخ تعال اخذ السياره للكراج
عبوسي،صار شيخ
الشيخ واللي يسالك كوله راح بشغله
عبوسي صار
الشيخ ظليت امشي وراها اريد اشوف وين ده تروح
بس،اسمعها تشاهك وتحجي حجي اهوايه بس مسافه عني
هم زين بيومها جنت لابس بنطلون وقميص،وخذاء،رياضي حتى اكدر الحك بيها
والاهم انه ده تمشي بكاعنا مو بكاع الغريب لان اغلبهم يريدون زله علينا
ظليت امشي وراها
الى ان انتبه عليها تعبت وظلت تتلفت وين،تكعد
الشيخ اكعدي،اهنا اكثر،لتعبرين اهناك الكاع مخطره
ويه مااحجي اختفت عن عيني
ظليت امشي على نفس الطريق الي،مشت،بي،
ومااشوفها غير كاعده جوه شجره يم المي وتباوع عليه وتبجي
وويه ماردت احجي وياها
مااسمع غير روشنك تكولي،
عبالك ماشفتك شيخ
اني انصدمت.....