بيت بيوت

اللقاء

صاحني الشيخ واجيت للديوان
روشنك السلام عليكم
مهند والولد وعليكم السلام
مهند (  مامعقوله شنو صاير بيها مدمره وجانت هادئه وبس سلمت وسكتت وتباوع بالوجوه واني قلبي صار نار اتمنى احضنها اتمنى اخذها ويايه
بس اخ مابيدي شي) 
روشنك اشلونك مهند
هلو روشنك زين وصرت احسن من شفتج بخير
مهند اعرفج الضابط حيدر والضابط مناف ماقصروا
روشنك كل الهلا بيكم واتشرفت بمعرفتكم
الشيخ صادق انتبهت على روشنك ماسلمت على ولد جان واكف بالركن بعيد عن الولد
وروشنك عيونها تجدح نار مبينه سباعيه وتاخذ حقها
احمد.. اشلونج روشنك
روشنك باوعت عليه من الله زينه بس العبد ميجي منه غير الاذيه
الشيخ صادق.... اشبي هالرجال وياها
وليش هيج جاوبته بس عجبتني رغم ظرفها متنطي مجال للي ماذيها
بس تريدون الصدك غرت من مهند اشلون طفر من مكانه من شافها وحسيت بقلبه وعيونه كله دموع بس يريد ياخذها من الدنيا
من قررت تروح
التافت عليه واتشكرت مني
روشنك.... شيخ اني اشكرك على ضيافتك وتعبتك وزحمت الحجيه وخبصت البيت
الشيخ لا على بختج على راسي كل الهلا بيج وماسوينا غير الي المفروض يصير
من جانت تحجي عيونها صح سود بس، بيها حجي اهوايه وشكلها متستغربه كانما تعرفها من زمان
وويه ماطلعت....
صحت على مهند
مهند.. نعم شيخ
انتبهو للبنيه ترى ماتعرف ابوها اتوفى
مهند اي والله شيخ وخايف من رد فعلها
الشيخ اي شي تحتاجه اني يمك اتصل بيه وتلكاني
وهذا رقمي
مهند تسلم رحم الله والديك
ركبت ويه مهند بالسياره
والضابط حيدر ومناف واحمد بالسياره الثانيه رجعو للمركز الضابط حيدر ومناف لح يبقون بديالى ووياهم احمد حتى يكملون التحقيقات وروشنك كالو بعدين ناخذ،اقوالها
مهند اني اسوق وعيني عليها
صافنه بالها مو يمي
حجيت اشكد وبالاخير كالت اي
المهم اوصلها للبيت
اخ منك احمد اخ سشويت بيها دومك مغرور
ومتعرف تتصرف
روشنك بنص الطريق اباوع عليها كامت تتنفس سريع وصارت صفره
مهند....روشنك اشبيج
روشنك هااا مابيه شي
مهند روشنك لا بيج شي وجهج اصفر
وكوة تتنفسين
روشنك....اي
مهند طبكت السياره على جهه ونزلت رحت للجهه الثانيه مال السياره وفتحت الباب
روشنك اتنفسي اشبيج
روشنك مهند مااكدر اكمل الطريق ضلعي يوجعني
ومااشوف زين
مهند تمام
لح اخذج للمستشفى
روشنك يا مستشفى وصلنا نص الطريق يمعود
مهند ميخالف انشوف اقرب شي وين لبغداد لو ديالى
روشنك تمام
مهند والله اقرب شي لديالى
اخذتها ورجعت بيها لديالى
بس يا مستشفى اوديها
خلي اخابر الشيخ صادق
الو مرحبا شيخ
الشيخ ياهلا مهند
هلا بيك شيخ قرب مستشفى وين بديالى
الشيخ خير مهند خو ماكو شي
مهند والله روشنك اتخربطت من احنه بالطريق ورجعت بيها
الشيخ تمام روح للمستشفى......
واني جايك هسه
مهند رحم الله والديك
الشيخ من خابرني مهند وكال روشنك اتخرطبت من يمي قلبي كام يوجعني مااعرف ليش،وخفت عليها روحي فزت عليها
اخذت سيارتي وخابرت صديقي الدكتور مازن يشتغل بالمستشفى اللي راحو عليها
خابرت مهند....الو مهند
مهند هلا شيخ
الشيخ وصلتو
مهند اي،مابقى شي اني باب المستشفى
الشيخ اول متطب للمستشفى اسال عن دكتور مازن
وكله اني من طرف الشيخ صادق
مهند تمام
نزلت روشنك من السياره وكوة تتنفس اخذوها بالنقاله وكتلهم دكتور مازن وين
اجه الدكتور
دكتور احنه من طرف الشيخ مازن
الدكتور مازن كل الهلا بيك وبالشيخ
خابرني وكالي عن الحاله لتخاف لح نقوم بواجبنا
دك تلفون مهند.....الو
ام روشنك..يمه وين صرتوا
مهند ميخالف يمه نجي ان شاء الله
الام...روشنك بيها شي
مهند...لا يمه بس اشويه واخابرج ماشبي لان اني وصلت للسيطرة
طبعا ماكتلها منتظر الطبيب شيكول
لهناك وصل الشيخ صادق
السلام عليكم
مهند عليكم السلام شيخ
الشيخ ها بشر
مهند والله اخذوها الدكتور مازن والممرضات ومنتظر
الشيخ الله كريم ان شاء الله ماكو شي
مهند يارب
ورى ساعه
الدكتور مازن....(اسمي مازن اختصاص جراحه وصديق الشيخ صادق من زمان شكلي مقبول وامي متوفيه بس ابويه واخويه عادل)
ها دكتور بشر...طبعا الشيخ طفر قبل مهند
الدكتور...والله مااعرف شنو اكول
مهند كول الله يخليك
روشنك......