بيت بيوت

البارت ١١ الرحيل

اخذنا ابو، روشنك للمستشفى بالاسعاف
واني، اخذت البنات وامهم بالسياره مالتي
وصلنا للمستشفى والاطباء ماقصروا ودخل للانعاش اباوع البنات منهارات والام جانت متماسكه نوعا ما
واني ماخذني القلق مدري على روشنك مدري على ابوها اللي اذا صار بي شي تموت روشنك ورى ابوها لان هي تحبه حيل ومتعلقه بي
في مكان اخر..... حسين صديق روشنك
جنت اتابع الموضوع من بعيد صح احبها بس حان مستقبلي اهم سافرت وظليت اتابع موضوعها عن طريق زملاءنا بالعمل.... ماجنت اعرف تضارب الاحساس احبها وتاحذني ايام مااسال عليها
التحقت بالعمل الجديد اليه بتركيا.. وتركت العمل بالعراق.... وانتهى موضوع رجعتي حاليا
وكل الي عرفته لسه محد عرف عن روشنك شي وصارلها عشرة ايام
احمد ومهيمن...
احمد وبعدين مهيمن شنسوي روشنك صارلها لايوم ولا ثنين مختفيه
مهيمن.. والله ياااحمد الشرطه ده تبحث عن الادله ولسه ماكو اثر.. واللي فهمته مهند من يوم الاختطاف لسه هو يمهم
احمد.. مهند اوف منه لسه يحبها معقوله ومتمسك بيها اني شسويت بمستقبلها
بس مهيمن منو يكرها لهذه الدرجه لروشنك حتى يختطفها.... واشكد ذكي اللي ماكو اثر يوصلنه الها
مهيمن والله ماادري..؟.
احمد....الو مهند اشلونك
مهند هلو احمد
اكلك مهند ماعرفت شي عن روشنك
مهند لا لسه ماكو شي (ماقبلت اكله لان جان عندي شك انه هو ورى اختفاءها او هو احد الاسباب فماكتله عن الاتصال) 
احمد تمام... اذا تعرف شي بلغني
مهند الله كريم
باي
باي
مهند... هذا اليوم العاشر... بالضبط وينج روشنك قلبي مثل النار عليج شنو صاير وياج مريضه ميته عدله
يارب.... لاترحمها من ابوها والوضع كلش بدى يسوء
صادق... جنت منتظر اتصال هالولد مره ثانيه حتى اعرف شنو يريد بس مااتصل
روشنك....
بديت انهار ياربي حتى ماكو ضوى مااعرف ليل لو نهار... جسمي كله مكسر والم كليتي دمرني
وجتفي اللي مورم...
اما الاكل فجان يجي بايت لو تلفان بس اكل شسوي اريد اظل عايشه حتى اشوف اهلي... لازم اقاوم
باوعت يمنه يسره افتر بالغرفه ماادري سرداب بلكه الكه مكان اشرد منه لازم اكو فد باب طريق شباك بس، يجوز اني مامركزه
وويه مابديت احاول اركز انفتحت الباب..... واذا بشيماء
ها ولج بعد بيح حيل وتمشين وتتحركين
لو تريدين اكسر رجلج حتى متمشين بعد
روشنك.. شنو تريدين مني بالضبط
يمكن اللي اريده مو منج ولا انتي السبب بي
انتي اداه او وسيط حتى يجي الشخص المعني واخذ حقي منه
روشنك.. لو بيج جان اخذتي حقج منه اني وانتي نعرف كلش زين متكدرين تاخذين حقج منه
شيماء.. لا على بختج مو اني اللي تنسى ثارها
بس لح اخذه منج وكدام عينه بس، سهله
هاج اكلي.... ولكل حادثه حديث
روشنك..... لا لهنا ولازم اطلع منا الوضع ميطمن والظاهر محد لكه اثر اليه.....
بهذه الاثناء... صار اللي جان مهند يخاف منه
اجانا الدكتور بعد ماادهورت حاله ابو روشنك الصحيه....وهنا الصدمه للكل البقيه بحياتكم
اهنا الكل انهارت..لا على بختك دكتور شكول لروشنك
اباوع البنات انهارهن الام وضعها مو تمام ارتفع الضغط وخللوها مغذي...
اتصلت بخوال البنات وعمامهم بس مع الاسف محد اجه ولا وصل ولا كانما منهم هالبنات والسبب جان جدا سخيف عدها مشاكل وياهم
بعد ماتم نشر الخبر وعلكنا لافته عن خبر الوفاة اجو اصدقاء ابو روشنك ويايه وقمنا بالواجب والدفنه
والفاتحه....وكل زملاء روشنك بالعمل هم
والجيران وكفوا ويه البنات ماقصروا
وخلص الثالث لابو روشنك
والبيت تحول الى هدوء بس العيون
اني اخابر اهلي اطمان عليهم كل ذيج الفتره
الى ان تذكرت انه لازم اتصل بالولد اللي خابر من رقم روشنك وفعلا اتصلت بي
مهند السلام عليكم خويه
صادق وعليكم السلام
مهند اعتذر خويه طولت يله خابرت
صادق لا يخويه...بس انت صاحب حاجه ولازم نوكف وياك....
رحم الله والديك
بس اريد منك شغله
كول تامر امر