بيت بيوت

البارت الخامس

مرحبا من جديد اسفه اتاخرت عليكم لان اشويه الظروف منعنتي
بعد مافتحت هديه حسوني
اشلون اجنده من ارقى النوعيات نعلاله اشكد ذواق هالولد واحساسه حلو ....
ويه مافتحت الاجنده قرص وكع من الاجنده
هاي شنو ....اوووف
اغاني هيثم يوسف ....لا لا
اشعندك سوالف حسوني ....المهم
اتعشيت ونسيت المزعج 
شنو اكتب ..الاوراق كدامي والقلم كانما نسيت اشلون اكتب طبعا صارلي اربع سنوات ماكاتبه بعد ماعافني هالحقير
حايره .شنو القصه اللي ممكن اكتبها
المهم ويه مااحاول الكتابه
دك التلفون ...لا لا مامعقوله هذا الولد من احتاجه  راسن الكاه من غير مااحجي
الو ...
الو اشلون ولج
هههههههه هلو مهند
مرحبا اني مهند صديق روشنك  من العماره اتعرفت عليها من خلال مؤتمر بالسليمانيه وصديق اللي مشترك ويه الحقير حبيتها من خلال قصيده كاتبتها هي سمعتها عن طريقه ووصلفليها كال عيونها سود جبيره وبيضه وناعمه مو سيمنه وعدها غمازات تاخذك لغير عالم نازكه وعيونها تحجي وحبابه مو مال تعبانه المهم من كلامه عشقتها شائت الصدف اشوفها وياريت ماشفتها ...وصلو للسليمانيه الساعه ١ باليل وجانت حيل تعبانه ووجها اصفر اول ماشفتها قلبي فزع عليها عفت الناس واصدقائي واجيت يمهم اتحججت باصدقائي اللي اعرفهم وياها جاين عرفني عليها الحقير  وهي جانت حيل هادئه بس ردت السلام وكالت فرصه سعيده  جانت مدنكه راسها ابد ماشلته واني بقلبي اكلها فدوة شيلي راسج اريد اشوف عيونج اللي وصفها اليه واني انتظر واسولف ويه الحقير وهي ابد بس تتنفس اتعشوا
واباوعها مااكلت ابد من التعب
يربي قلبي تعب عليها بس شيلي راسج خلي خلي اشوفهن والله لح اموت اترخصت منا ...تريد تنام تعبانه كالت تصبحون على خير
وويه مامشت اني صحتها ونسيت نفسي اكو شباب كاعدين كتلها روشنك
التافت وياريتها ماالتفات ياوجع قلبي شنو هالعيون
شنو هالابتسامه
كالت نعم
كتلها انتظرج باجر الصبح اشوفج
كالت الله كريم واخذتني غمازاتها
وثاني يوم شفتها ونزلت مثل الكمر بسيطه واتخبل والصوت هادئ وناصي اتريكت ومشت اول يومين
وبيوم نزلنا للمول بالسليمانه وشفتها واكفه يم محل مال ورد اشترت باقه ورد حمره جان بيومها عيد ميلاد صديقنا الحقير يمكن تستغربون كررت كلمه الحقير ....اهوايه بس لا سباب هسه تعرفوها
المهم اشتريتلها ورده حمره واني جنت جرئ
نطيتها الورده بين الكروب كله وماشوف غير الوجه صار احمر وبعد متعرف تتصرف حتى شكرا كوه سمعتها
اما البنات كامت يطفرن منا ومنا
وبعدها بيوم نزلنا لدوكان واخذنا صور وجانت روشنك تخبل وده تلعب بالمي
ومنسمع غير الشباب تصيح الحكو
البنيه غركت ......
يتبع ....