بيت بيوت

الخوف

ماشوف غير، بنيه مدمايه
وكالت داخله على الله وعليك ووكعت طفرت من مكاني واخذتها للبيت وكلت لامي وخواتي ينتبهون الها
ماعرفت شكلها منو هي لان تقريبا متشوه من الضرب امي سالتني منو هاي يمه
يمه والله مااعرف منو
بس خلي تصحى ونسالها
يمه ماريدلك مشاكل
كولي ياالله حجيه
اني شيخ احل مشاكل العالم والناس تعرفني
يمه القدر مامنه هروب
الشيخ خليها على الله
خلي اشوف الطبيب شنو كال وارجعلج
حجيه لتعوفيها خطيه هاي
نمير خابرت النجده بديالى وكتلهم
وبهذه الاثناء اني عفتها ونطيت للنجده عنوان البيت والبستان
الضابط حيدر  اني اريد اطلع ويه الولد تقريبا ب ٢باليل كلنا هم يله نوصل ونرتب الي اتفقنا عليه
اتصل بيه ضابط من شرطه ديالى اسمه مناف
هو صديق قديم واني طلبت منه معلومات عن شيماء وساعدني بجمعها منا ومنا يعني عنده معارف اهوايه
هلو  مناف
هلو حيدر
مناف خبر حلو ومحلو
حيدر خير كول الحلو
مناف القينا القبض على شيماء
حيدر بشرك الله بالخير
والخبر اللي مو حلو
مناف البنيه ماكو
حيدر شنووووو
لا على بختك
مناف اي والله ومتقبل تحجي
تكول الا يجي واحد اسمه احمد
حيدر لحظه لحظه هي هيج كالت
مناف اي والله واني عجزت وياها وحابسيها اهنا
حيدر جاين
مناف وين
الك ويايه احمد اللي تريده لازم اعرف البنيه وين
ماشي
سديت الخط واباوع مهند واحمد صافنين بوجهي
وكتلهم القوا القبض على شيماء
بس
مهند بس شنو ترى مابقت بيه اعصاب
الضابط روشنك ماكو
مهند شنو تقصد
ماتت
الضابط محد يعرف
مهند اباوع اني والضابط على احمد يبجي
كتله ابجي ابجي لان اذيتها اهوايه
بس يصير،خير
الضابط يله خلي نروح لمناف بديالى ونشوف لان هي متقبل تحجي الا احمد
مهند تمام..يله يا الله
بهذه الاثناء.....روشنك فتحت عيني اني وين بس مااشوف شي بس غواشه والدنيا تفتر،بيه
ومااركز زين بس اسمع صوت مره جبيره
حمد لله على السلامه بنيتي
روشنك وصوتي تعبان الله يسلمج يومه
الحجيه...يمه اشكد حلوة منج
اني وين
الحجيه انتي بيت شيخ صادق
روشنك يومه الله يخليج خليني اروح فدوة
ترى هسه تجي تاخذني هي واللي وياها
الحجيه يمه وين تروحين
ومنو اللي يتجرا ويوصل الج وانتي،بيت شيخ صادق
روشنك فدوة يمه خليني اكوم
وويه مانهضت وكعت
الشيخ صادق
اسمع صوت عطيه فوك صعدت لكيت امي والبنات يحاولن يمنعن البنيه من انه تكوم من الفراش وهي معنده وواكعه بالكاع
اني دخلت للغرفه الكل سكت وامي والبنات كعدوها على الجربايه
كتلها لامي وللبنات اطلعو اريد احجي وياها
وانتي روئ (روئ اختي الصغيره ورده ودمها ينحب وده تدرس بكليه التربيه) روحي سوي اكل لضيفتنا،
رؤى صار خويه....امشي واباوع عليها
صحت بيها رؤى روحي عاد
رؤى..ها اي اي صار ونزلت اركض اسوي الاكل
الشيخ انتي منو
روشنك اني ماجاوبت بس ابجي
الشيخ اي كانت المشكله اني احلها
روشنك بس،ساكته
الشيخ تمام هسه يجي الاكل اكلي وكملي ونسولف بعدين مابيها مجال
روشنك..حركت راسي معناها اي
رؤى جابت الاكل واني طلعت
وظلت رؤى يمها
رؤى اباوع عليها وهي،تاكل خطيه تعبانه
روشنك تسلمين
رؤى العفو حبي
رؤى ممكن اسالج سؤال
روشنك اي كولي
شنو اسمج
اسمي روشنك
يي شنو هالاسم الحلو والغريب
اي والله بابا حاب هيج اسم
حلو حبي لايك الج
هسه اني اروح وانتي ارتاحي
نزلت رؤى للمطبخ والحجيه والشيخ كاعدين ده يسولفون عن روشنك
ويه ماحجت الحجيه
اكلك يمه هسه هاي البنيه حتى اسمها متعرفه
لا جنسيه لا شي اشلون ابني اخاف وراها بلوه
الشيخ.....هسه اشوف بس،يمه وضعها ميسمح اضغط عليها
الحجيه لو بس اسمها
رؤى يمه عن منو ده تحجون
الححيه على البنيه اللي فوك
رؤى قصدج روشنك
الشيخ فتحت عيني وطفرت من الكرسي ورحت لرؤى شنو شكلتي
رؤى روشنك اسمها روشنك
الشيخ وانتي شمدريج
رؤى هي كالتلي
عفت ايديها وصعدت للغرفه
وامي يمه شجاك
واني بيني وبين نفسي معقوله هي نفسها اللي بالتلفون هيج مدمره لا لا
وويه مافتحت الباب اجتي،بوجهي