بيت بيوت

الانتظار

الدكتور.. روشنك...
اشبيها دكتور
الدكتور انتو تعرفون بوضعها لو لا
مهند غير هذه الكدمات والضرب، منعرف
الشيخ واني جبت دكتور للبيت وكال مابيها شي غير كسر، بسيط بجتفها والضلع يعني كسر، مو مضاعف
الدكتور، مازن
لا هذا الدكتور مافهم وضعها
روشنك عدها نزف داخلي بسبب الكسر،
والضغط هابط عدها وفقر، دم حاد
الشيخ عيوني جدحت نار وهسه دكتور
مهند شنو الحل
الدكتور، مازن حاليا نطيناها علاج ومغذي
ولازم تبقى اهنا كم يوم
مهند هاي اشلون
الشيخ.. ليش خير
مهند لازم اخابر امها وخواتها وضع البنيه تحتاج خواتها وامها
الشيخ اي صح خلي، يجون والبيوت يامكثرهن
مهند ماتقصرون
مهند... الو يمه اشلونج
الام هلا يمه
مهند يمه لح اجي اخذج لروشنك
الام مهند يمه اشبيها روشنك
مهند اشويه تعبانه والطريق، طويل وتعرفين ظرفها صعب
الام ماشي يمه
مهند يمه عود جيبي الها ملابسها وشنو اللي تحتاجه
الام صار يمه
الام.. ميرا.. لي لي
خير يوم كولي
حضروا نفسكم بعد اشويه نروح لديالى لاختكم
ميرا ولي لي... شنو ليش اشبيها روشنك
الام والله يكول مهند تعبانه مابيها تجي لازم ترتاح
لي لي ماشي يوم
يله ميرا خلي نحضر اهدوم النا ولروشنك
يمه اني، رايحه لابن جيرانا كرار سايق حتى ياخذنا
ميكول الولد
وبين مااجي رتبن كلشي اخذن الفلوس يمه والذهب
والمستمسكات
صار يوم
لي لي وصلنا تقريبا باليل
الام... الو مهند يمه انت وين
مهند شنو يمه وصلتي
الام اي يمه
مهند خليج بمكانج اني جاي
شيخ
الشيخ نعم
الاهل وصلو رايح اجيبهم واجي
الشيخ ماشي براحتك
مهند رحت جبتهم واجيت
الشيخ طلع منا روحي رفت عليها منا
بس، مااكدر ادخل اشوفها فشله ابقى غريب
المهم  ظليت كاعد كبال الباب اخاف تحتاج شي ووصيت الممرضات كل اشويه جايه وحده يمها
بين ميجون اهلها
خابرت على عبوسي ابن اختي كتله كول لامك امل ورؤى يحضرون البيت اللي بصفنا ويرتبوا جاينا خطار
حاضر شيخ
يله وليدي بسرعه
مهند رحت جبت اهلها واجيت
الام.. يمه ليش للمستشفى
اشبيها روشنك
مهند مابيها شي يمه تعبانه اشويه
يمه لتكذب عليه
مهند والله يمه مابيها كولي يا الله
المهم وصلنا يم غرفتها عرفتهم على الشيخ صادق
لهناك اجنه الدكتور مازن
مهند ها دكتور بشر
الدكتور والله مااعرف شنو اكول بس اشويه وضعها مرتبك
لي، لي يعني شنو مرتبك دكتور 😠😠😠😠
انت مو دكتور لو شنو
الدكتور مازن اني سمعتها هيج تحجي شنو من بنيه
بس عليها شكل فدوة شنو هالنزاكه
مهند خلص لي لي
الدكتور ماقصر
لي لي اي مبين
مهند وميرا

كافي لي لي
سكتنا
ظلت عين مازن على لي لي
الام يمه اكدر اشوفها
الدكتور اي يمه
الام طبيت شفتها
لبنتي... يايمه شصاير بيج يقلب امج وروحها
ليش هيج وجهج مروم ينظر عيني وعيونج الحلوة مورمه وذبلانه 😭😭😭
اكعدي روشنك ماما
لتكسرين قلبي عليج
حبيبه.... وظلت تمسح على راسها
اجه الدكتور مازن خاله صار لازم تطلعين حتى ترتاح روشنك
يمه ليش متجاوب
الدكتور خاله منطيها مهدا حتى ترتاح
الشيخ يله خاله امشينا للبيت ترتاحين
وتبقى وحده من البنات اهنا،
منو تبقى اهنا
لي لي اني ابقى
لعد يله امشينا
الشيخ اخذتهم وديتهم للبيت وديتلهم العشا
الام.. رحم الله والديك ابني تعبناك
الشيخ لا يمه شنو القصه
ارتاحو هسه
وباجر الله كريم
رحت للبيت رؤى سوي عشا وحطي سفري اريد اخذه للمستشفى ماشي
رؤى ماشي سوت العشا واخذته لمهند ولي لي
الشيخ.. السلام عليكم
مهند وعليكم السلام
ها شنو ليش معذب نفسك
الشيخ شنو هالحجي
لعد لي لي وين
مهند جوة يم روشنك
وديلها الاكل
مهند فتحت باب الغرفه واشوف لي لي تبجي
مهند ها لي لي جيتوا تساعدوها لو تاذوها
لي لي والله مااكدر اشوفها مدمرة باوع شكلها
سوده عليه اشلون صاير
مهند ميخالف هسه تصير زينه وترجع مثل اول واحسن
وويه ميحجون طب الدكتور مازن
وجان اشوف العصبيه تبجي بس عليها شكل الصراحه عجبتني
لي لي شفت الدكتور دخل مسحت دموعي
وكتله دكتور لح تظل هيج روشنك
كال لا اكيد بس تكعد وتاكل تتحسن
دكتور
الدكتور نعم...
لي لي اسفه عصبت عليك اليوم بس والله من خوفي على اختي
الدكتور ماصار شي
وهسه نريد ننطيها العلاج
وممنوع الاكل اهنا وغمزتلها
هي من خجلها اطلعي من الغرفه مهند والشيخ
ها لي لي شو طلعتي
اي مو الدكتور كال اطلعي ووياه الممرضه يريدون يفحصون روشنك
تمام
طلع الدكتور....
وينه مهند
لي لي.. مهند
نعم الدكتور ده يحجي وياك
كول دكتور
المريضه سالت عنك
ماشي دكتور يعني كعدت مابيها شي
الدكتور لا مابيها شي بس لازم تاكل
ورى ماراح الدكتور للغرفه طب عليه الشيخ
مرحبا دكتور
الدكتور شتحب اكلك الشيخ صادق لو المهندس صادق
الشيخ ههههههه بعدك على سوالفك
كول شيخ
الشيخ دكتور بالضبط وضعها شنو روشنك
الدكتور الحقيقه مااخفي عليك
النزف ده يقل اللي بالضلع
بس عدها عينها تحتاج فتره يله الورم والنزف اللي، بيها بس مو خطير
لكن احنه نخاف من فقر الدم اللي عدها
بس سؤال شيخ
كول دكتور...
ليش مهتم بيها هالكد
الشيخ لا بس من باب السؤال والواجب
الدكتور ها اي اقنع نفسي هههه
والله جنك حبيت
الشيخ لا دكتور ياحب احنه كبرنا
الدكتور اذكرك عود
ههههه
مع السلامه
الله وياك
مهند.... هلو رورو
هلو مهند اشلونك
مهند دامج بخير انه بخير
روشنك ياخير شوف وجهي صاير خريطه
مهند... بس بعده حلو
روشنك ههه القرد بعين امه....
مهند ابدا مااقبل هيج تحجين على نفسج
روشنك اني تعبانه مهند
مهند هانت مابقى شي شده وتعدي
روشنك يارب
مهند جيب ذاك الكرسي وتعال اكعد اريد احجي وياك
مهند اي.... صار امر
روشنك... اريد اكلك على سر...
مهند .... سر