بيت بيوت

الاتصال المفاجى

مهند.. اني شفت رقم روشنك
قلبي طار من الفرحه
الو.... منو ويايه
مهند انت منو.. روشنك وين
اخي على كيفك
روشنك منو
مهند لتلعب ويايه هاي اللعبه صاحبه الرقم اللي ده تتصل منه
اخويه على كيفك واني افهمك
مهند.... كول وينها روشنك
اخي اني لكيت هذا الجهاز يمنا...
مهند يمك وين....
الولد... بالبستان
مهند بستان
نعم... وكلت اتصل مالكيت كل الارقام مغلقه اللي اتصلت عليها فجربت حظي واتصلت عليك وجاوبت
مهند... انت منو
اني صادق...
اعرفكم بنفسي اسمي صادق ابن شيخ وعدنا بساتين
وحلال خير، من الله...
فد يوم طالع اني واخواني ده نريد نحل مشكله ولكيت هالجهاز وجان مغلق خلصان الشحن
رجعت للبيت وخليته بغرفتي.. وطول ذيج اليومين مافكرت اشوف شنو بي الجهاز الى ان صار عندي فضول اريد اعرف صاحب هالجهاز منو يجوز بنيه وخطيه صاير وياها مشكله شحنت الجهاز
واول مااشتغل شفت صورة بالشاشه لبنيه سبحان اللي خلقها... جمالها طبيعي بس، بيها فد شي جذاب مااعرف شنو هو
المهم اتصلت واتفاجى بصوت ولد مفرفح عليها
وحجيت وياه وانهد بيه
والله مبين ابن عشاير هداته للولد وسالني عن الجهاز وسولفتله وين لكيته...
مهند زين خويه ماسمعت شي يمكم منا منا
صادق لا والله خويه... شنو صاير.... وهو ده يسولف
صارت صوت صياح وانكلب البيت كلاب.... وجان يكول اني اخابرك خويه بس فدوة لتغلق الجهاز
ارجع اخابرك
صادق صار خويه.... اني صار عندي فضول اعرف اشبيها هالبنيه وشنو صار عدهم بالبيت
مهند سديت التلفون منا رحت واشوف ام روشنك
وخواتها يم الاب
لاايد ولا رجل....لا يربي دخيلك كله ولا يموت هالرجال