بيت بيوت

البارت 28 والاخير

ومرت الايام واشترينا النشيان بس الفستان ماخليت صادق يشوفه واتفقت ويه ام الصالون على الموعد يوم الخميس واشترت لي لي فستان وردي
وميرا اتفاقات ويه حيدر ويومه عركه لان عنده واجبات واني اضحك عليهم
وقبل كم يوم اجتي اختي ام رهف مثل ماكتلكم متزوجه وبالخارج واجتي من سمعت لح اعقد واختي لح تنخطب وضاجت لان ماكلناها على موضوع اختطافي ووفاة الوالد اخذتها امي وراحت زارت قبر ابويه وقرت الفاتحه واجتي
رحت للدوام واتشكرت من الكل الي سالو عني وتلكوني وعزمت زميلاتي على الحفله
ومن ده اطلع من الدوام دك التلفون
يي صادق
روشنك الو صادق
الشيخ بيها مجال احبج لو
روشنك هههه اشلون بيك عاد انتظر ليوم العقد
الشيخ.... ياقلب اللي يتحمل
تريدين الصدك شنو عاجبني
روشنك شنو عاجبك
الشيخ اشوف شعرج
روشنك ماخليك تشوفه
الشيخ ليش بله
روشنك بعدين تعرف
الشيخ ها هيج الحجي
روشنك هههههه
الشيخ بعدين انتي اليوم شنو هالجمال
روشنك شنو
الشيخ والله حلوة طالعه
بس بعد هذا اللون متلبسي
روشنك اني، جنت لابسه وردي قميص وتنورة
صادق انت وين
ويه مااحجي وياه وصلت لباب الدائرة لان المسافه بعيده بين القسم والباب
ومااشوف غير صادق هو ونظاراته وشعره الاسود ولابس بنطلون نيلي وقميص رصاصي
واباوع البنات يباوعن عليه
انوب هو شافني سلم عليه بيده
الكل ظلت تباوع
سديت الخط وعبرتله
مرحبا...
الشيخ مرحبتين
يله حبي امشي نروح
روشنك وين
اليوم شنو من الايام
روشنك اليوم اربعاء، اعتقد
الشيخ خوش العصر جاين اهل حيدر حتى يخطبون ميرا
روشنك اليوم شنو لح الحك احضر
الشيخ كلشي متحضرين
خابرت خاله وكتلها كلشي لح يجي جاهز
روشنك... اشكرك
الشيخ... لا بله
روشنك حبيبتي فتحي الصندوك هذا
روشنك هذا
الشيخ اي هذا
روشنك فتحته وشفت سوار 😍😍😍
روشنك يخبل الله يخليك اليه
بس اشلون عرفت اني احب البس السوارات
الشيخ هههههه ولج اشلون بيج
غير من تعرفت عليج والصور اللي بالموبايل كلها بيدج سوارات
روشنك انتبه عليه الشيخ كمت ابجي
الشيخ اشبيج روشنك
تعرف اتمنيت ابويه موجود
الشيخ الله يرحمه
وثقي لح اكون الج سند ومااخليج تتندمين اتزوجتيني
روشنك الله يخليك اليه
وصلنا للبيت لكيت الغدا جاهز والحلويات
وميرا مشتريه الفتسان
وصار العصر واجو الاهل وخطبو ميرا
والاتفاق صار انه تكعد بالبيت اللي اجره الشيخ
بذيج الفتره علمود يبقى بي ودفع ايجاره مال 4اشهر
وبقى براحتهم
والشيخ ودع الناس هو ومهند
وفرحتنا جانت جبيره
ومر اليوم عادي بالبيت ضحك وسوالف
وتحضيرات وثاني يوم الصبح
كعدت  وكعدت لي لي وميرا وامي وام رهف واتريكنا سوى
ورتبنا البيت وبين ماحضرت نفسي ولميت غراضي
صارت الظهريه
اجتي ويايه ام رهف للصالون واكيد وصلنا الشيخ
بس اني جنت ساكته الطريق ماحجيت
هو يحجي ويايه واني بس ان شاء الله والله كريم
الشيخ اشبيج روشنك
ام رهف مابيها شي شيخ بس،تعرف البنيه بعد تصير خجلانه
الشيخ باوعت عليها عيونها كلها دموع
جريت جكاره وبديت ادخن
وصلت للصالون ومن نزلت كلت لام رهف من تكملون خابروني اجي ارجعكم
ام رهف ميصير،تشوفها
الشيخ ههههه شلج بهاي السالفه لعد منو يرجعكم
ام رهف تكسي
الشيخ يعني اني لو ابو التكسي
ام رهف ههههه اي،والله يله ماخليك تشوف وجها
وصلنا للصالون وبدت بالتسريحه والمكياج
اختاريته بسيط وطلبت من ام الصالون
تسوي شعر ام رهف  والمكياج خطيه هي ماقبلت كتلها هاي مو اني الشيخ كال منو من خواتج تجي عليه الفلوس
بديالى وبيت الشيخ صادق
الحجيه يمه رؤى ولج امل يله اتاخرنا
اي،يمه اجينا
جانت السيارات اهوايه وذبايح محضريها للشيخ
الحجيه وحده بيجن تخابر اخوها
رؤى اني،يمه
رؤى هلو صادق
صادق هلو رؤى
امي،تكول وين نجي لبيت العروسه وبعدين للقاعه
لو راسن للقاعه
الشيخ لا راسن للقاعه لان لح نعقد بالبيت واجيبها للقاعه واجي
رؤى صار هسه اكول لامي
الشيخ بس تعالي انتي وامل وامي لبيت العروس
وخالاتي وعماتي والباقين من البنات للقاعه
ترى بيت البنيه صغير
رؤى ماشي
يمه...الشيخ يكول وكتلها اللي كاله
الحجيه خوش يمه رؤى
نعم يمه فتحي الكنتور اكو صندوك صغير جيبي
رؤى هذا يمه
الحجيه اي،يمه
رؤى اشبي هذا
الحجيه بعدين تعرفين
رؤى ماشي
وفعلا وصل الكل للقاعه الاهل والاصدقاء
كملت التسريحه والمكياج وخابرت ام رهف الشيخ واجه وطلعت مغطيه وجهي كله
ركبتي اختي ورى
وهي بالصدر كعدت
الشيخ صعدت ولا حجايه حجت
واختها خوش مغطية وجها كلشي ماشفت اشكد حاولت اعدل المرايه بس مااعرف اشبيها
روشنك وصلت للبيت
شفت لي لي مبدله ومحضره روحها لمشيه الزلم
والشيخ هم والضابط حيدر ومهند
لبست فستاني جان لونه وردي بينصل وشيفون
عقد السيد النا والكل باركنا
الحجيه وخواته صلن على محمد
ورى العقد مالتي اجو الزلم وصارت مشيه لي،لي وهم عقدوا اتفاجت بالقرار
المهم مشت السالفه
ورى ماخلصت الهوسه بالبيت لبست عبايه اسلاميه
وركبت بالسياره والكل ورانا بسياراتهم
وصعدت للقاعه ورتبت نفسي والفستان
بعدها اجه الشيخ واني عيوني مليانه دموع
الشيخ صعدت واباوع عليها لعابه هي اصلا مو سيمنه
يعني وزنها ب 55 والفستان يخبل عليها
اما شعرها ياريت ماشفته طويل واسود جوه خصرها
وانطوني النيشان ده البسه الها
لبستها الحلقه والمحبس والسوار وشفتها لابسه سواري الهديه والكلاده الهديه
وويه ملابسته التراجي وكملت لبستها الكلاده شاورتها شعرج اياج تكصي
بس روشنك ساكته مااعرف ليش
بس ضحكت ضحكه خفيفه
روشنك لبسني النيشان والناس فرحانه
بس اني جنت تعبانه احس مصخنه ومابيه حيل امشي مااعرف اشبيه
ومر اليوم حلو والشيخ ماشال عينه مني
الحجيه نطنتي معاضد تخبل ورؤى وامل لبسوني ذهب وامي وخواتي
والخالات والعمات نطوه للشيخ كلاده فلوس
كمل اليوم ورجعنا للبيت ومهند رجع للعماره ونطى هديه للشيخ وودعه وكاله الامانه يمك بعد
والكل رجع كل واحد لمكانه
وويه مانزلت باب البيت وكعت
الشيخ بين ماسلمت على الكل وده اسولف ويه ام روشنك نزلت روشنك بس كوه تمشي ووضعها ماعجبني
كتله خاله من رخصتك ومااشوف غير روشنك وكعت بحضني روشنك اشبيج
ركضن البنات اللي جابت مي والي جابت عطر
ام روشنك شو يمه..يا يمه هاي مصخنه
يمكن ضغطها هبط
الشيخ شلتها للمستشفى خابرت مازن كال موجود
وصلت
فحوصات ومغذي
مازن شيخ لتخاف افلاونزا الظاهر والضغط هابط اشويه مابيها شي
الشيخ يعني تكدر تطلع
مازن اكيد بس يخلص المغذي
الشيخ..هلو روشنك
روشنك هلو صادق
الشيخ اشبيج اليوم
روشنك والله مابيه بس من الصبح اني تعبانه بس ماحبيت اكلك لان تقلق بلا داعي
الشيخ ليش هيج لو كايله جان رحنا قسنا الضغط قبل ماوديج للصالون
روشنك ماصار شي
الشيخ لا صار شي قلبي وكع عليج
الو خاله ليظل بالج مابيها شي هسه لح اجيبها واجي
الام تسلم وليدي
من طلعنا من المستشفى
روشنك..صادق اريد اكلك شي
الشيخ كولي حبيبي
روشنك قبل متصير القصه والهوسه اني مقدمه حنت على مسابقه بالكتابه
الشيخ اي
روشنك وقصتي فازت
الشيخ حلو مبروك
روشنك بس لازم استلم بنفسي الشهاده والمبلغ
الشيخ يعني اكو كامرات
روشنك مو هنا الموضوع انه هي بالخارج
الشيخ وين
روشنك بالخارج بالاردن
الشيخ الله كريم
نشوف اشلون نرتبها
روشنك ماكو مجال لازم السبت
الشيخ يعني عكب باجر
روشنك ويه مااحجي اجاني اتصال
الو حضرتج ست روشنك
روشنك نعم منو
احنه المنظمه اللي قدمتي القصه الها
روشنك اهلا وسهلا
خير هو ماكو مشكله
لا ست بس حبينا انكلج اتواصلي ويه الرقم اللي لح نبعثه الج حتى تستلمين المبلغ
روشنك ماشي شكرا جزيلا
الشيخ خير
اجتي عدله هذا الرقم دزوا اتواصل انت وياهم حتى يحولون المبلغ اللي فزت بي
الشيخ ماشي
وصلت للبيت
وسلم عليه وراح
ومرت الايام وميرا عقدت بعد اسبوعين من عقدي وعقد لي لي
واني حايره بالتجهيز للعرس مالتي
بعد شهرين صار عرس لي لي
واستقرت وميرا بدت اتاثث بيتها ويه حيدر ومخبلته 
كل مقلب اخو الثاني واني والشيخ نضحك عليهم
ومرت 3اشهر على زواج لي لي وسافرت ام رهف
وميرا ده تمتحن للماجستير وترتب البيت
وعنوديه
وبيوم عزمنا الشيخ للبستان وهم نشوف البيت اللي لح اعيش بي
رحنا وجانت الاجواء حلوة والاكل والشوي وكاعدين بالستان والنخل والحديقه والكل تضحك وتسولف
لهناك صاحني صادق
روشنك تعالي اريدج
ماشي عاد نطاني ايده وكمت والكل
ها ها شتريد منها
وميرا يريد ينفرد بيها بلكه منا منا
وماشوف غير حيدر عضها
والكل هههههه
عاد الشيخ مرتي وبكيفي وهو لازم ايدي حيل
وشاورني جان يكلي تعالي لح اراويج فد شي
روشنك شنو
الشيخ ده امشي
ووصلنا للبيت اللي لح اسكن بي
روشنك صادق اشعدنا اهنا
الشيخ شعدنا يعني وبعدين ليش خايفه مني
روشنك ها لاماخايفه
الشيخ اكيد شوفي عيوني لو اريد اسوي شي وياج جان سويته من كم شهر مو هسه
تعالي...
روشنك طبيت للبيت اباوع الاثاث يخبل ونازك مو هوسه اشكد،حلو
الشيخ واذا ماعاجبج اغيره
روشنك لا لا حلو
تعالي
وين
الشيخ لح اراويج مفاجاه
روشنك فتح باب غرفه كبال غرفتنا
ودخلت...مااشوف غير،مكتبه بيها كتب وميز
ومسجل
ظليت،صافنه معلك الشهادات التقديريه مالتي والدروع مرتبها والقلائد
من صدمتي
رحت حضنته راسن
الشيخ من اجتي،حضنتني متت عليها
كتلها لح اسوي الج كل يوم مفاجاه حتى هيج تحضنيني
روشنك راسن وخرت شكرا الك
الشيخ شوفي روشنك...انتي ابدا ماسالتي،اني خريج شنو لو عندي شهاده لو لا
روشنك مايهمني
الشيخ..باعي اني مهندس مدني
روشنك صدك
الشيخ والله...
روشنك ميهمني ماطول تحبني
وتخاف عليه هاي هيه
الشيخ اباوع عليها وعلى شكلها
روشنك خلي نتعوذ،من الشيطان ونرجع يم الاهل مو احسن
لان اذا بقيتي يمي مااعرف شنو اسوي
روشنك هههههه يله
رجعنا يمهم وبدت الاسئله والضحك والسوالف
ومرت الايام واجه شهر السادس واتزوجنا
واتفاجات لي لي حامل احلى خبر،
وميرا كملت التجهيز مال بيتها
وام رهف اجتي،هي،وبتها
ولبست البدله البيضه
ويه كل دقيقه ده،تمر،واني،ابدي حياة جديده ويه انسان احبه ويحبني تذكرت طفولتي،وابويه
وكل اللي مريت،بي
نزلت وخواتي،وامي يصلن على النبي
اجه صادق واخذني رحنا صورنا ورحنا لبيتنا وتلكته الناس وعمامه بالذبايح والهوسات
واجتي امي،وخواتي،ويايه اخذوني لبيت الحجيه وسلمت عليها وجان الكل فرحان بيه
ولهناك كالو اجه الشيخ
اني،بعد مااعرف وين اودي،وجهي،
طبيت للبيت حتى اخذها واروح لبيتنا
شفتها جنها كمر والبدله البيضه عبالك اميره
كعدت يمها
اليوم انتي،مرتي وحبيبتي وروحي اللي اموت بيها
روشنك اشبيك صادق مناك العالم
واني شعليه بالناس
جان لابس اللبس العربي فدوة طالع صاك ☺️☺️☺️
زفونا
وصرت مرته وام بيته وحبيبته
ورى فتره رحت لقبر والدي وماحسيت شنو حجيت وشنو كلت كل اللي حسيت عليه حضنت قبره والم اللي مريت بي كله طلع بشهكه وبجي الى ان حضني صادق ورجعنا....بس ظلت عيني على الروح اللي عفتها بالتراب
ومرت الايام والسنين ميرا ناقشت الماجستير واتزوجت وحيدر وميرا المناكر ميخلص،بس ناس،تحب،ناس وعرفنا هي حامل بس،منعرف ولد لو،بنيه لان ماصار،لحملها اقل الشهر
ولي،لي صار عدها ازل وعلي
واني  صار عندي يونس
وحاليا حامل بأدريس
مهند من يوم العقد مالتي ماشفنا ولا سمعنه عنه شي غير انه سافر،هو وعائلته
...وظليت اكتب بس ممنوع انشر،احاول اقنع الشيخ على الجايات 🤭🤭وانقلت لدائرة بديالى بس اخذت اجازة طويله علمود يونس
بيت بيوت كل بيت بي،اسرار وبي،مشاكل وتنحل
مااكلكم حياتي عسل بعسل نتعارك ونتزاعل
ونرجع نتراضى بس ماافكر اعوفه ولا لح اعوفه
لان احبه
هذا الواقع نحب وننحب ونكره ونريد ننتقم ونسامح
وناس تروح وناس تجي وتبقى حياتنا
مثل لعبه بيت بيوت
ويبقى مهند الشخص اللي اله اثر مامكن انساه
شكرا لكل من تابع قصتي
وشكرا لكل من صوت الها
وشكرا لكل من علق
انتظروني وقصه جديده من واقعنا
احبكم 😍😍♥♥♥