بيت بيوت

الكذب والخيانه ٢

ورجعنا وياكم نكمل البارت
بعد الاتصال ويه مهند ظليت افكر شنو اكتب واخذتني الايام عاديه بين الدوام وبين البيت على فكره عندي خوات ٣ وحده متزوجه واثنين ويايه بالبيت
والدي كان يشجعني اكتب من جنت بالاعدايه ووالدتي تفرح من تشوف استلم شهاده تقدريه او ردع او وسام ....ورى كم يوم واني ده اكتب ومندجمه بالدوام مااسمع غير صوت باذاني
شنو ده تكتبين احس قلبي فز من مكانه هذا شديسوي تخبل 
وانفاسي تسارعت شلت راسي وماشوف غير عيونه العسليه بعد غياب اكثر من سنه ماشايفتهم ووجه كان قريب على وجهي وشفايفه بس النفس بينا رجفت ايدي وذبيت القلم
وكتله انت شعليك
احمد: روشنك شنو ده تكتبين
اذا ماكلتي شنو ده تكتبين اسوي هسه كارثه وابوسج بالدوام
اني فزيت من مكاني وكتله اتخبلت وعيني على المكان اسمع اصوات الزملاء ليدخل احد علينا شجاه هذا
كتله واني ده الم اوراقي مشتركه بمسابقه بالاردن وده اكتب قصه
احمد ..اها
روشنك ..اخاف عندك اعتراض ودفعته وطلعت شافتني بينه ويانا بالدوام ماحبها اموت منها
وهي اكيد نفس الشي لان هي سبب المشكله بيني وبين احمد ومع الاسف هو صدكها 😔😔
طبعا اسمها فرقان جان تكول ها اشبيج طالعه وجهج اصفر باوعت عليها كتلها عادي
مثل وجهج الاصفر ....
ومرت الايام مثل ماهي
وحسوني يسال عني بين فتره وفتره
ويوصلني ويرجع عليه خطيه لان بيتنا بعيد
بس خلال هاي الايام انتبهت اكو سيارة تمشي ورانا
وكتله لحسوني
كال لا انتي تخبلتي رسمي
المهم اخذت حجايته
وبيوم نايمه ومااسمع غير  ماما اجتي تكعدني من النوم
ماما روشنك اكعدي
خير ماما
ماما بنتي مهند اهنا
مهند !!! شعنده
والله يابنتي ماادري
كومي يله اخاف الولد بي شي محتاج شي
لان هو ساعدنا اهوايه ميصير
طبعا مهند يعرف العائله كلها وصديق للكل
بابا وماما واخواتي ...
نزلت ماما يمه وسولفوا واسمعه جان صح يسولف بس متوتر ....
طبعا احنه بيتنا بغداد ....الكراده داخل
بدلت ولبست حجابي
ونزلت ودخلت للاستقبال
مرحبا مهند( اوووويلي شنو هالجمال شنو هالنزاكه
نزلت لابسه فستان ماروني بي كسرات وحزام ذهبي وشحاطه يربي شنو اسوي حتى افهمها لسه احبها
وفوكها حاطه مكياج مسكاره وكحله طالعه تخبل
بس الحمره ..لو تبطل منها ارتاح )
هلو روشنك 
اريد احجي وياج بشغله
ماما :اني اروح اكمل شغل ولتروح ابني ترى الوالد جاي وكال لازم تبقى على الغدا
مهند ..صار يمه تامرين امر
روشنك نعم مهند
عندي سؤال وجاوبني بس بصراحه
روشنك (قلبي وكع عفيه لتكول اريد اخطبج يعني معناها  تروح بعد مترجع )
كول مهند
ليش رفضتيني من اتقدمتلج
شنووووو مهند هذا الحجي صارله سنين من ٢٠١٠
مهند:تجاوبني لو اروح بعد ماارجع
مهند الله يخليك ماكو سبب هي قسمه وماصارت
روشنك لتخبليني (من كامت تبجي روحي راحت ويه دموعها  انوب احبها اكثر من تبجي تصير كانما طفله عمرها ٦ سنين )
روشنك: مهند شجاك ...ليش هسه اتذكرت بعد كم سنه
مهند:لان اني من العماره
لو انتي ردتي تبقين قريبه يم اهلج
لو اكو واحد حجى عليه
روشنك :هاااا لا لا ماكو هيج شي
مهند : شوفي روشنك بس اريد اعرف السبب وكافي لتبجين
اني اجيت اسالج لان عرفت ليش رفضتيني
بس حاب اسمع منج
روشنك بس حباب لتسويلي مشاكل
مهند(من تكول حباب شكو عصبيه بيه تهدا اطفى من حجاياتها )
احمد هو نطى بيك من تقدمتلي
مهند:شنو احمد اللي اني خطبتج منه صديقي واقرب الناس اليه
شنو كال عني
روشنك : كال انت مو خوش انسان وابوك ميريدك بالبيت وادور بنات وسوالف مكسره
مهند: لا لا مامعقوله زين انتي ليش ماكلتي اليه
مافكرتي انه ده يكذب مافكرتي انه ميريد مصلحج
روشنك دموع مابطلت
الله يخليك مهند اني شمدريني اني بذيج الفتره جنت صغيره وماعندي تجارب ومااعرف اميز  الزين من الموزين
تمام ...انتي لتبجين
وانه (اني ) رايح للعماره
امي ...وين يمه رايح عمك لح يجي
ميخالف يمه خابروني الاهل لازم ارجع
وباس ايد امي وكاللها هاي هيه يمه اتغديت
وطلع ...وعيونه حمره
وراح وراح قلبي وياه وبالي يمه
امي ....سالتني اشبي يمه
سولفت لامي طبعا هي تعرف لان اني كتلها من اول ماعرفت
واني حاليا متندمه
وبين مااسولف مااسمع غير ركض بالشارع
وناس
طلعنا نركض اني وامي وابويه جان يركض ويه الناس
ونشوف حادث ...وواحد كاعد على الرصيف وجهه كله دم ...باوعت ...
لا لا مامعقوله كله ولا هو
وصحت مهند .....