بيت بيوت

الاعتراف

الشيخ صادق فتحت الباب
وصارت بوجهي تريد تطلع وماشوفها غير كعدت بالكاع وسندت ظهرها على الحايط
والتعب مبين عليها
الشيخ صادق..وين رايحه
روشنك..الله يخليك خليني اروح لاهلي
الشيخ صادق اي ماكو مشكله بس لازم يجون اهلج ياخذوج
اهلي انت منين تعرف اهلي
الشيخ...كومي يبنت الناس وصار لازم نسولف
روشنك....ماشي
الشيخ صادق.اولا شنو اسمج
اسمي روشنك
الشيخ اريد تسولفين كلشي عنج
روشنك...اني جنت مخطوفه والي خاطفتني بينه
وظليت عدها مااعرف كم يوم بس اللي ادري،بي فتره طويله
الشيخ منو هيج سوى بيج
روشنك هي....والزلم اللي وياها
الشيخ...عيوني صارن بالحق....زلم تضرب وسفه
لحظه لحظه اريد افتهم اشلون شردتي
روشنك...والله اذا اكلك متصدك
ابن عمها رتب السالفه وشردت
الشيخ اها....متعرفين اسمه وين،راح
روشنك لا والله كل اللي ردته اطلع من ذاك المكان
الشيخ
شوفي يبنت الناس عندي امانه الج
روشنك امانه شنو هي
الشيخ..هاج موبايلج
هذا موبايلي اشلون وصل الك
الشيخ لكيته واني جنت طالع بشغل ويه الزلم
روشنك اشكرك
الشيخ...لا على شنو ماسيوت شي
(بس اني اشوفها تبجي وتعبانه ورغم كل هذا هادئه
عيونها تحجي سوالف...والحلو بيها الحجاب لافته لفه حيل عحبتني)
بهذه الاثناء وصل مهند واحمد والضابط حيدر لديالى
وويه ماوصلو اتصل الضابط حيدر،بمناف
الو مناف
هلو حيدر انتو وين
احنه بديالى
مناف تعالو للمركز
حيدر يامركز
مناف مركز....
حيدر ماشي جايين
وصل مهند واحمد وحيدر وسلموا على الضابط مناف
بين ماكعدو
جابو شيماء
شيماء ماشاء الله اجيت تركض احمد راسك قبل رجليك ليش بله
مهند اسمعي لج احنه اجينه لان نريد نعرف وين روشنك
شيماء،هههه وانت شنو بيها
احمد.شيماء ردتي اجي واجيت حتى تكولين روشنك وين
شيماء...ههههههه ضحكتني تريد اكلك وين واني خسرت كلشي انت والخطه
احمد كولي وين روشنك وارجعج على ذمتي
شيماء.....قديمه صارت لا ماريد
احمد لعد شتريدين
شيماء،سكتت
مهند طلع وكام يدخن
طلع وراه حيدر
ها مهند
حضره الضابط وتاليها منكدر نعرف روشنك وين
الضابط كول يا الله
مهند اووووف يربي
احمد وشيماء،تعاركو
الضابط حيدر مهند اني،لح اروح اشوف شكو
طب حيدر ولكه احمد ضارب شيماء وشيماء،تكول
ماتت وحيدر ومناف لازمين احمد
احمد ليش شنو سوت الج وكتلتيها
ليش...مناف طلب انه ياخذون شيماء للحجز
وحيدر طلع لمهند
حيدر.....مهند
نعم حضره الضابط
حيدر اكو خبر بس لازم تتمالك اعصابك
مهند شنو مروتك كول
ترى مابقت بيه اعصاب
حيدر..روشنك
مهند اشبيها
نطتك عمرها
مهند شنووووو
كله صوجه
دخل مهند لاحمد وشبعه ضرب وكوه حيدر ومناف بعدهم عن بعض
بهذه الاثناء روشنك فتحت الموبايل ولكت اتصالات من مهند اهوايه على خطها
فقررت تتصل بي
مهند اشلون شكول لامها حضره الضابط مروتك
زين ماكالت وين ماتت واشلون
مناف...حيدر بس دقيقه من رخصتكم ياجماعه
كول مناف
مناف..اني مامقتنع روشنك ماتت
حيدر يعني اشلون
مناف ترى شيماء،رادت تحرك قلب احمد وتنتقم
لان ماقبلت تكول وين واشلون
باثناء الحديث
اتصلت روشنك بمهند
مهند..بلكه الله خبر،زين
الو شيخ صادق
روشنك..مرحبا مهند
مهند منو...
روشنك.ههههه بعد ماسافرت وعفتك ونسيتني
مهند روشنك 😱😱😱
اشبيك مهند اي روشنك اني
مهند الحمد لله
شكو مهند شنو صاير
مهند ماصاير شي بس انتي وين
طبعا اني اعرف وين لان الجهاز جان عند شيخ صادق فاكيد عنده بس،حبيت اتاكد
روشنك...اني يم الشيخ صادق هيج فهمت منه
مهند هاهيه اعرفه
جايج
روشنك اوك
مع السلامه
مهند مع السلامه
طلع مهند حضره الضابط حيدر
خابرتني روشنك ولازم اروح
حيدر....وين تروح اشبيك مهند
مهند اني،رايح لروشنك خابرتني وهي،يم الشيخ صادق
حيدر ومنو هذا
مهند حضره الضابط تجي ويايه واسولفلك بالطريق
احمد اجي،وياكم
لازم اشوفها
مهند...مااعتقد روشنك تحب تشوفك
حيدر...خلي يجي
وبعدين الله كريم
الضابط مناف يله امشو محد يعرف شنو او شكو
يله
ركبنا السيارات
مهند طاير طير بالسياره بس،يريد يوصل
هسه وضعها اشلونه مريضه اكو شي،بيها مضروبه
تكدر تحجي تكدر تمشي
اوف دماغي الف حسبه وحسبه
مو مهم هذا كله المهم هي بخير وعايشه
الحمد لله
روشنك ويه مانهيت المكالمه ويه مهند.فتحت باب الغرفه وشفت رؤى ده تنزل من الدراج
هلو روشنك
هلو رؤى
تعالي ليش،واكفه خلي اساعدج تنزلين
روشنك تسلمين حبي
رؤى....والله حلوة الدشداشه عليج
روشنك يروحي من ذوقج
نزلت وكعدنا بالمطبخ والحجيه هم بالمطبخ
وويه متصب جاي دخل الشيخ صادق
ياللله السلام عليكم
وعليكم السلام
روشنك اشلونج
الحمد لله بخير والفضل لله والكم
الحجيه لا يمه قابل شنو سوينا
شيخ ممكن احجي وياك بشغله
الشيخ اي ليش لا
روشنك خابرت على اهلي وجاين ياخذوني
الشيخ..الحمد لله بيها الخير
وبين ماحجينا وده نسولف
اجه واحد من الجهال شيخ شيخ
الشيخ كول عبوسي.....اجو زلم ويريدوك
الشيخ خليهم يتفضلون بالديوان واني،جاي،
الشيخ....اني اترخص
روشنك براحتك ربي،يسلمك
الشيخ..يا الله..السلام عليكم حياكم الله
مهند وحيدر ومناف واحمد
وعليكم السلام حياك الله شيخ
اتفضلو استريحو
تسلم شيخ
مهند شيخ احنه اول شي حاب اشكرك
تعبناك
الشيخ لا بالعكس ماسويت غير الواجب
مهند....نريد ناخذ روشنك ونروح
الشيخ اي البنت بتكم بس لازم اكلكم شي
مهند كول شيخ بيها شي روشنك
الشيخ.....ترى البنيه مضروبه ضرب اهوايه
وعدها ضلع مكسور وجتفها بي خلع
ووجها مدمر بس حبيت اكلكم حتى لتتفاجؤن
مهند رحم الله والديك
الشيخ خلي اصيح عليها
بس قبلها تتغدون وواجبكم يله
مهند وحيدر ومناف والله هم يله
وتعرف الاهل على نار ولسه كلشي ميعرفون
الشيخ ابد والله تتغدون يله
مهند وحيدر ومناف واحد باوع بوجه الثاني
صار منكسر كلمتك
مهند من رخصتكم اروح اخابر
اتفضل براحتك
مهند اتصل بامها
مرحبا يمه
الام هلا يبعد امك
بشر والله وليدي تعبت
مهند ابشري لكينا روشنك وهي بخير
الام يا الله وبجت بجي وسكتت
مهند يمه يمه
مااسمع غير لي لي
الو ها مهند
ها  لي لي  اشبيها امج
مابيها بس اتخربطت من فرحتها
مهند انتبهو عليها بين مااجيب روشنك واجي
لي لي....ماشي مهند دير بالك على رو رو
مهند بعيوني.....
مع السلامه
مع السلامه
الام سمعتو يمه اختكم عايشه
لي لي اي يمه اي
ميرا يارب،رحمتك الف الحمد لله
كومي امي للغرفه ارتاحي
اي يمه اخذوني
لي لي اكلج ميرا...خلي انظف البيت
وانسوي غدا ونرتب غرفتها
ماشي
ميرا...ماشي
ميرا..اكلج لي لي
ها ميرا......روشنك متعرف بابا اتوفى
لي لي.......لا مااعتقد
ميرا لعد اشلون
ماادري....
انطيني التلفون
الو مهند
هلو لي لي خير خاله بيها شي
لي لي......لا بس اريد اكلك شغله
مهند كولي
روشنك لتكوللها بابا اتوفى على الاقل بالوقت الحاضر
مهند..اني اصلا مقرر ماكوللها الا اتصير زينه
وكوللها اذا سالت عليه انه مسافر شغل ماشي
لي لي ماشي مع السلامه
بعد الغدا.....اخذت غراضي جنطي والاجنده
والموبايل....ونزلت سلمت على الحجيه ورؤى
بس كوة امشي
ودخلت للديوان...وياريت ماشفت اللي شفته
الشيخ صادق اشبيج روشنك
مهند اشبيج روشنك.....