بيت بيوت

البارت 27

واسمع صوت امي ركضت للبيت واشوف خوالي كالبين الدنيا يريدوها تتنازل عن حصتها الهم وشفت خالي الجبير يريد يضرب امي مااتحملت لزمت ايديه ودفعته
بهذه الاثناء الشيخ وويه مانزلت روشنك من السياره
اشوفها طبت للبيت تركض واسمع صياح طبيت وراها ومااشوف غير خالها ده يضرب بيها والام تدفع بالخال الثاني وتصيح عليه عوفها مريضه
والخال يضرب بيها اني اتخبلت سحبت المسدس وضربت طلقه الكل جمد بمكانه اباوع على روشنك الوجه احمر والام ركضت عليها وحضنتها
ولزمت الخال من جتفه وطلعته للطرمه وبين مااصيح وارزل بيهم ماشوف غير روشنك طلعت
وويه مع ده تحجي ويه خوالها اجه عمها
روشنك وويه ماضربني خالي والثاني جان ميخلي امي تدافع عني اجه الشيخ وضرب طلقه وطلعهم بره
وويه مااحجي وياهم اجه عمي ووياه ابن عمي،
هم زين اجيتو وكلكم موجودين
اسمعو امي متتنازل عن حصتها باي، شي واللي يسمعكم يكول وكفتو بازمتي مو بله خالي ابو حسين
وانت ابو يوسف
الخوال لا غلطانه
روشنك لا مغلطانه عفتوا امي بلا فلوس، والفاتحه شالوها الناس الطيبه
ابو حسين شنو،تريدين
ماريد اشوفكم بعد ولا اسمع عنكم شي وانتو بالنسبه النا ميتين واللي اشوفه جاي يم امي لو البيت ميلوم نفسه
ابو يوسف والله وطلع لسانج
روشنك هذا اللي عندي يله بره
وبين مااحجي وياهم عمي ده يريد يطلع
روشنك هاي عمي وين
ابو عبد الله اروح
روشنك لا الحساب ماخلص
اتفضل نخلص الحساب واشوف الوارد،وين
وويه ماكعد ابو،عبد الله وابنه وروشنك
شيخ صادق اريدك ويايه
الشيخ من عيني صار
كعدنا كلنا....
ابو عبد الله اني مااحجي كدام الغريب
روشنك المن تقصد بالغريب
الشيخ مو غريب
ابو،عبد الله لا غريب ومو من اهلنا على اي،اساس احجي كدامه حسابات وفلوس
وويه الحجي مالتي
الشيخ روشنك طلبتها من امها من والام وهي موافقه
فتح الباب
وكالها مو بله خاله
الام اي يمه صار هالحجي
والشيخ عن قريب زوج بنتي
روشنك انصدمت
رجع الشيخ وكال لعمي افتح الدفاتر خلي،افتهم
وظل عمي بالساعتين يجيبها منا ويوديها منا
وطلع الوارد مال البستان كله ماخذه
الشيخ ماشي،ابو عبد الله هسه البستان خسران
وانت مالك يد بالموضوع والصوج من السوك
ابو عبد الله اي والله
الشيخ تمام رحم الله والديك وماقصرت
ابو عبد الله يله مع السلامه
روشنك ردت احجي ماشوف غير الشيخ لزم ايدي وكال اكعدي
وويه ماطلع هاي ليش،خليته يروح
الشيخ روشنك الوارد راح ولح يظل يروح الا نلكه حل ونشتري حصته
روشنك ومن وين اشتري،حصة عمي
الشيخ تنحل معليج انتي
روشنك غير،افتهم
الشيخ هاي اشلون
روشنك انتي،تعبانه ارتاحي ويصير،خير،
لهناك دك تلفون الشيخ
الو....
الو اهلا حضرة الضابط
حيدر...هلا شيخ بس،حبيت ابلغك باجر المحكمه
علمود شهاده روشنك
الشيخ خير ان شاء الله الساعه بيش باجر
الضابط حيدر بحيل الله ب9الصبح
الشيخ تمام
تحتاج محامي
الضابط لا كل الاقوال والشهاده كافي
الشيخ ان شاء الله خير،
مع السلامه
مع السلامه
روشنك خير
الشيخ باجر المحكمه
روشنك خير،ان شاء الله
الام يمه صارت ترى انتو لسه بلا اكل
الشيخ يمه اني اروح والموضوع اللي،حجيت بي وياج اجي،واحجي بي مره ثانيه
الام يمه ياموضوع
الشيخ موضوع روشنك
الام ماشي يمه
الشيخ اباوع وجه روشنك ماعاجبني
روشنك بيج شي
روشنك ها لا مابيه
الشيخ لا بيج مااكلتي والعلاج نسيتي،
الام يمه صارلها يومين هيج
الشيخ عفيه ليش تخليني اخابر،مازن واخلي يرجعج للمستشفى
روشنك لا فدوة
لعد يله تاكلين اي شي والعلاج
لي،لي بلي شيخ فد لكمه لاختج علمود العلاج
ماشي عيني
الشيخ اني رايح انتبهو لنفسكم عندي،شغله اكضيها
وامر،بيكم باليل
الكل الله وياك
روشنك اكلت واخذت العلاج
ونمت لان تعبانه حيل
اسمع صوت وهلا يمه بين نايمه وبين التعب ماركزت منو
مهند وصلت المغرب تقريبا لان الشيخ خابرني،كال المحكمه باجر وخاف نحتاجك فااجيت لبغداد
ومريت بيت ام روشنك وتلكتني واكلت يمها
ورى هيج نص ساعه
نزلت روشنك بس شنو الوجه مورم
روشنك هلو مهند
مهند هلا بيج جا اشبي وجهج ليش هيج مورم
روشنك لا مابي
مهند روشنك اشبي وجهج
روشنك وسولفت كل اللي صار
مهند خرب اذا مااحرك الدنيا عليهم وفعلا طلع واركض وراه مروتك مهند وماشوف غير،الشيخ صادق بالباب
مروتك صادق الحك مهند
الشيخ ويه ما دكيت الباب افتح بوجهي ومهند يركض للسياره وروشنك تصيح عليه
بس مااسمع غير كالت صادق ماكالت شيخ خرب
فرحت حيل المهم لزمت ايديه
كتله على كيفك مهند الامور حليتها واني جنت موجود وروشنك ماقصرت
مهند اشلون عبالهم ماعدها احد
الشيخ لعد اني وين رحت
مهند متقصر،والله
الشيخ تعال كول يا الله خلي نسولف بالبيت
اكو امور اهم
مهند..ماشي
روشنك ها
الشيخ غمزتلها لتخافين حبيبتي
روشنك حبيبتك 🤭🤭🤭
المهم كعدوا بالاستقبال
الشيخ روشنك وينج
كول شيخ
هذا البستان صار باسمج
روشنك شنو باسمي
الشيخ اشتريت حصه عمج
مهند ظليت صافن
مهند بس مو اهوايه
الشيخ لا بويه مو اهوايه على بنيه على تصير مرتي،
مهند.....اهنا احس قلبي كام يوجعني ووضعي اتخربط كوه منعت دمعتي احس المكان اللي،اني،بي مابي هوى مااكدر اتنفس
مهند..شنو شبسرعه
الشيخ يعني شنو شبسرعه
مهند اقصد اشوكت حجيتوا بالموضوع
الشيخ اني،ماحجيت بعدني
اني منتظر تخلص المحكمه باجر واجي اطلبها رسمي
بس من منو اطلبها
اذا هي مقاطعه عمامه وخوالها
طبعا اني صافنه على هالحجي وامي فرحانه والبنات ورى الباب يسمعن
اني كمت من مكاني وويه مافتحت الباب
مااسمع غير مهند كال للشيخ تطلبها مني
اني اهنا انصدمت هذا شديسوي معقوله هيج يحبني
مهند (جان لازم احجي هيج لازم
لان هي مو اليه لا باجر ولاعكبه)
الشيخ والنعم منك
مهند انه اترخص حتى باجر نجي،ونروح للمحكمه
الشيخ يله خلي،نروح
مع السلامه
الكل مع السلامه
الشيخ...ليش تبات بفندق اكو بيت صغير،اجرته قريب على بيت روشنك تعال،بات يمي
ونطلع سوى
مهند ماشي بس من رخصتك انه حاب اتمشى اشويه
الشيخ براحتك
بعده مامشى مهند
صاحه الشيخ
مهند على فكره اني،اعرف انت تحب روشنك،
مهند انت غلطان هي روحي،كلها
الشيخ العيون تحجي
مهند انتبه الها
ووعد بس،تصير،بذمتك انه بعد متشوفوني
ماترهم بعد ياشيخ صادق
وجان ارجع للشيخ
احفظ شكلي شيخ زين يوم اللي تاذي روشنك لو احس دمعتها نزلت
لو مو،تصير شيخ اجيبك واخليك تركع كدام رجلها وتطلب منها السماح
من،رخصتك رايح اتمشى
الشيخ ورى ماراح ظليت صافن لعد ليش،ماخطبها
لمن هيج يحبها
وصلت البيت وويه ماريد انام
دك التلفون
دكتور مازن خير
الدكتور لا والله مابيه شي
بس،حاب اسولف وياك بموضوع
الشيخ اي،كول بيك شي صاير وياك شي
الدكتور انت اخويه وصديقي
اني حاب اتقدم لاخت روشنك
الشيخ اوكف هذا الموضوع لازم اكعد
اي وبعد
الدكتور انت تعرف شيخ اني يتيم الام والاب وماعي غير عمامي وخوالي بعيدين
الشيخ هاي سهله اني اهلك
بس شنو المطلوب
الدكتور اريد اخطبها لبين مااكمل ترتيبات النقل
الشيخ الله كريم
خلي باجر تخلص شغله روشنك ويصير خير،
الدكتور ماشي
نمت واني افكر اشلون حبها واشوكت
ههههه يله الله يسعدهم
روشنك ردت انام ماكدرت احاول افهم تسارع الاحداث مهند الي اختنك
والشيخ الي حبيته الوضع كله مااعرف اشلون اتعامل وياه لهناك رساله
اشلونج رورو
افتح الرساله على الواتساب حسوني
اي بعد وكت
رورو والله انشغلت
روشنك اي،صح انشغلت
عموما ماريد بعد تحجي ويايه ولاتتصل لان  اللي ماوكف بمحنتي ماريده بعد بسعادتي
ونطيته حظر
مهند مشيت وماادري وين اخذتني رجلي وادخن
لاول مره اغص بالجكاره ها حتى انتي ضايجه
يله مابيدنا شي انسوي غير انتي،تحتركين على مودي واني اتنفسج قهر وحب
ويه مااتمشى مريت من يم بيتهم واباوع على شباجها واتذكر ايام ماجنت اجي وهي متدري اوكف جوه الشباج واحجي وياها واروح
يروحيتي الله يسعدج
المهم رجعت للبيت ونمت
صار الصبح ورحنا اني والشيخ وسياراتنا لبيت روشنك
صباح الخير يمه
صباح الخير يمه
الام هلا يمه
تفضلو  طبينا واشلون ريوك مسويات البنات
وتلكونا  فد ملكه
لي لي انتبهت هي وميرا مهند مبين تعبان
ميرا...ها لي لي
باعي مهند شكله تعبان
ميرا..حقه الموضوع صعب وانتي تعرفين هو يحب رورو من زمان
لي لي بس بعد هو شاف حياته
ميرا صح بس خطيه وضعه تعبان
لي لي والله مااعرف شكول
مهند طبيت وكعدت وبالي مو يمهم
الى ان نزلت روشنك
صباح الخير وجانت تخبل
لابسه ثوب طويل وبسيط لونه رصاصي ومستور لان رايحه للمحكمه بس جانت تخبل
الشيخ هلا بيج
اويلي هذه بالرصاصي هيج
اذا لبست الوان اشلون بيها
تريكنا وكملنا
روشنك امي تعالي ويايه
الام اي يمه اكيد
البنات لتخلون بالنا
الكل لا يابه على شنو
روشنك اباوع على مهند وضعه مو تمام
مهند اشبيك
مهند مابيه شي بس مانايم
روشنك ليش مانايم
الشيخ جان سهران
روشنك سهران اشعجب
مهند معليج بالشيخ يتشاقى
يله امشونا هم يله
الشيخ هم يله لان اتصل بيه الضابط حيدر وكتله احنه جاين
ووصلنا للمحكمه واصدر القاضي الحكم
وكان عادل بالنسبه اليه
خليت وطلعت وشيماء،تباوع عليه
ونمير هم كانما يتحلفون اليه
طلعنا من المحكمه رجعنا للبيت
ومهند مارجع ويانا
وصلونا للبيت واحنه بالطريق خابر الشيخ
حجيه كولي لعمي يجيبج انتي وخالاتي لبيت روشنك
الحجيه خير،يمه
الشيخ نويت اخطبها
الحجيه يمه خير وبركه بس مااندل البيت
الشيخ اني لح اخابر عمي ادلي ويجيبكم بس اليوم
الحجيه يوم المبارك
مع السلامه يمه
مع السلامه
روشنك ليش متسعجل
الشيخ مامستعجل بس اريد شي رسمي وكافي لان احبج واريدج يمي
ها صدك يمه الدكتور لح يجيب عمامه راسن يخطب لي لي
نهايه الاسبوع
يا يمه كولو يا الله
الشيخ والله صارت هن البنات ينحبن
مشكلتج هههههه
الام هلا باللي يجي
وصلتهم للبيت
وصلنا الشيخ للبيت
بديت اني والبنات انحضر حلويات،واشترينا عصاير ونظفنا البيت
صار العصر سبحت وبدلت ولبست فستان وردي ومشطت شعري لان طويل جوه ركبي فميصير،اي شي بس خليت لشعري ماشات ومكياج خفيف
وبين مانزلت اندكت الباب
امي عزمت النسوان جيرانا ام كرار وام زهراء
واستقبلو اهل الشيخ
وكعدوا وسولفوا
طبيت للاستقبال اشكد صلت على محمد الحجيه وخواته للشيخ
ورتبوا الامور كلها
ومااعترضت الحجيه على اي شي
وكالت لامي بيتها وحدها اللي بصف بيتنا
والمهر اللي تطلبو فكانت 10ملاين ب10ملاين
الحجيه هاي هيه اللي تامرون بي
واليوم خلص وجان حلو
جان يوم الاثنين العصر ويه ماطلعوا اهله
ماقبلو يبقون على العشا رجعوا لديالى
اجه الشيخ
مرحبا روشنك
روشنك هلا بيك شيخ
الشيخ الخميس لح نعقد
روشنك شنو شيخ
الشيخ ليش بعد اكو شي
روشنك اي
امي ولي لي وميرا شنو نظامهن
مااكدر،اعوفهم
الشيخ اسمعي،مني،اني ماردت اكلك بس
انتي فتحتي الموضوع
الخميس ويه العقد مالتنا
مشيه الزلم مال لي لي
روشنك شنو وهي تدري
الشيخ كتلها وموافقه
ها صدك نهايه الشهر الضابط حيدر يريد يخطب ميرا
روشنك بس ميرا تريد ماجستير،
الشيخ اي ادري وحجيت هم وياها
واتفقنا بين ميرتب وضعه هي تكمل دراسه
وامي صادق
هاي انسولف بيها نهايه الاسبوع
روشنك ماشي
مهند عفتهم ورحت اخذتني بغداد بشوارعها الى ان صار اليل
اووووف وكفت على جسر الجادريه اباوع على دجله
ولمعته تشبه لمعة عيونج السود اوف روشنك
المهم ركبت السياره ورجعت للبيت اللي ابات بي ويه الشيخ مالكيته نمت راسن
الشيخ عزمتي ام روشنك على العشا
كملنا عشا وراحت روشنك تغسل مواعين وتسوي جاي والام ترخصت مني، تريد تصلي
وظلينا نسولف اني وميرا ولي لي نرتب الوضع
الشيخ..اشبي مهند
ميرا ولي لي وحده تباوع بعين الثانيه
الشيخ اني اعرف كلشي
البنات هاااا
عاد ميرا سولفت كلشي،للشيخ انه احمد فرق بين مهند وروشنك وانه روشنك ماكان بالها بنسبه جبيره بس كرجل وشخصيه فرصه
الشيخ تمام
ميرا ولي لي ويه مااجيت طفرن
روشنك ها طفرتن
اي اي وحده تدفع الثانيه
روشنك يا اشبيهن ذني
الشيخ عوفيهن بعدهن صغار
روشنك اي
شنو اتفقت ويه مازن
وين لح تسكن لي لي
الشيخ والله من سولفت ويه لي لي كالت نبقى يم امي لان امج تحتاج علاج ومره تعبانه
والولد يتيم الام والاب
روشنك ماشي،بس،شيخ
الشيخ كولي صادق
روشنك،تمام
صادق عيونه ونظرها
روشنك حباب مازن
الشيخ على بختج هذا صاحبي،واخويه
روشنك يارب ترتاح لان هي هن تعبت
الشيخ ههههه
روشنك ليش،تضحك
والله اضحك ميرا ولح تنخطب الا تخبله لحيدر،
روشنك اي والله
الشيخ الله كريم
روشنك من باجر ننزل اني وياج وخاله او شوفي منو تحبين حتى نشتري،النشيان لان امي و رؤى لح يجن
وشوفي شنو محتاجه للعقد
روشنك ماشي
الشيخ اني،اترخص
تصبحين على خير
روشنك وانت بخير،
روشنك،ظليت بالحديقه ورى ماقفلت،الباب مال البيت
افكر شنو لح يصير،لح اكون سعيده
لو اختاريت خطا
وبين ماافكر وسارحه باحلامي
اجتي رساله
روشنك منو بهذا اليل
افتح الرساله واشوف،....
لا لا مامعقوله
عيوني مده تصدك
ارجع واقراها
من جديد
صحت امي وخواتي تعالو اقروا
ميرا ولي لي ياساتر،اشبيها روشنك
ولج اشبيج
روشنك تتذكرون القصه اللي شاركت بيها
اي اشبيها
فازت بالمركز الثالث
البنات ييي على الخير،حبي
الام على الخير يمه بس مو هيج تخوفينا عبالنا بيج شي
روشنك لا مابيه
من فرحتي بيومها مانمت
صح مو المركز الاول بس فرحت
قدمتها بيوم مااختطفوني
بس فرحت بيها مبلغ حلو وشهاده قريت التفاصيل يوم السبت
اي هم زين العقد خلصان ومشيه لي لي
وخطوبه ميرا
.......
كل الي يقرا لتتعجبون لان الفرح يجي بعد صبر
ومن ربك يريد يفاجى عبده يفرحه باشياء حلم يمتلكها.رب العالمين من يبعد عنا اشياء مو لان ميحبنا او ميريد ينطيها النا بس لان يريد ينطينا الافضل والاحسن
احبكم واشكر كل شخص يتابعني ويعلقلي وده ينتظر البارت 😍😍😍