بيت بيوت

التحقيق بارت 23

راح كرار وعاف الموبايل 😁😁😁😁
هسه رجعت اكمل
بعد ماانتهى الاتصال بين مهند والضباط واحمد
وصلو الكل واجتمعوا بالديوان يم الشيخ صادق
مهند.... السلام عليكم
الشيخ صادق...هلا بيكم
الضباط حياكم الله
احمد....السلام عليكم
الكل اجتمعت وكعدوا
والضابط حيدر ومناف واحمد
الشيخ مهند عنده معلومات عن قضيه روشنك
اتفضل مهند كول
مهند الله يسلمك شيخ
حضره الضابط اليوم روشنك سولفتلي عن الولد اللي خطفها ويه شيماء
ونطتني اسمه وروشنك سمعته يحجي على عنوان لح يروحله وهذا العنوان
احمد صدك تحجي
مهند..اي صدك الظاهر متعرف اقارب زوجتك السابقين لو تعرف ماضيهم وعفت زوجتك
احمد لتتطاول بالكلام
مهند ماحجيت انه غير الصدك
الضباط والشيخ كولو يا الله
مهند حضره الضابط هذا اللي كلته هو الي كالته روشنك
الضابط حيدر
اسمعني مناف بما انه انت اهنا ده تحقق بالقضيه لازم ناخذ افادة روشنك حتى من نروح للعنوان عنده قرار رسمي
الضابط مناف....صار
الشيخ بس،اكو شغله وهي اللي لازم تعرفوها هذوله الناس نعرفهم يشترون المشاكل مشتره وماعدهم غير،السلاح والقتل
وعندي ثار وياهم وحساب قديم
الضابط حيدر خير ان شاء الله
لعد اشعجب ماخذت بثارك
الشيخ حضرة الضابط مو كلشي ثارات واني عندي اهلي بالدنيا كلها...ويوم اللي اريد اخذ بحق ابويه اخذه بالدليل والقانون
الضابط ان شاء الله لح ناخذ حقك وحق روشنك
الشيخ وهسه خلي،نتغدا
الضابط حيدر...بيتك عامر ان شاء الله بس،عدنا شغل هم يله للمستشفى حتى تطلع قوة تروح تلقي القبض عليه
الشيخ اتغدوا ونروح
وبعد مااتغدو خابرت لي لي مهند
لي لي الو مهند مرحبا
مهند هلو لي لي خو ماكو مابيها شي روشنك
لي لي ههههه لا مابيها شي
بس امي تريد تجي تشوفها هي وميرا
مهند اي صار هسه انمر بيهم ونجييهم ونجي
لي لي اي والله ياريت
مهند صار
صدك لي لي اشلون صارت
لي،لي بخير والحمد لله اتغدت والعلاج اخذته
مهند الحمد لله ديري،بالج عليها
شيخ اني،اترخص
خير مهند وين
مهند والله شيخ اروح اخذ ام روشنك واختها يريدون يرحون يشوفوها هم يله بين مطلعون السيارات
الشيخ ماشي لتتاخر احنه رايحين كدامك
الشيخ.....(لازم اشوفها واسلم عليها قبل ميجي،مهند واهلها هالبنيه هاي صدك بيها شي يجذبني الها من يوم اللي،شفتها بالصورة اشكد شكلها بي براءه)
الشيخ وصلنا للمستشفى ورحنا للدكتور،مازن
الشيخ السلام عليكم دكتور
الدكتور هلا بالشيخ
الدكتور اتفضلو اتفضلوا
الشيخ دكتور اعرفك حضرة الضابط مناف وحيدر
الدكتور اهلا وسهلا
الضباط كل الهلا بيك
الضابط مناف....دكتور احنه نريد ناخذ،افادة روشنك
صحتها تسمح تحجي ويانا
الدكتور اليوم احسن من البارحه
هسه نشوف تكدر تحجي اتفضلو ويايه
الضابط يله
الشيخ لح اشوفها واخيرا واطمان عليها
الدكتور روشنك اكدر ادخل للغرفه
روشنك اتفضل دكتور
الدكتور اختها ابدا ماشالت راسها ولا باوعت عليه
الدكتور روشنك اشلونج اليوم
روشنك الحمد لله بخير
الدكتور...الضباط اجو حتى ياخذون افادتج تكدرين تحجين لو لا
روشنك اي دكتور خلي يتفضلون
الدكتور اتفضلو اتفضلو
دخل الضابط مناف وحيدر ووراهم الشيخ
الشيخ شنو من هدوء شايله بس مبين التعب
السلام عليكم
روشنك وعليكم السلام
الشيخ.....اشلونج روشنك
روشنك الله يسلمك شيخ وربي يحفظك
الشيخ يا الله تجاوب على كد السؤال
موتتني اشكد ثكيله ورزنه
الشيخ اعرفج الضابط مناف وحيدر
روشنك...على راسي
الضباط هلا بيج خيتي
الشيخ جاين ياخذون افادتج
روشنك تمام
الضابط مناف...اني،لح اخذ افادتج
روشنك اي شي احجي لان تهمنا بالقضيه
روشنك وسولفت للضابط كلشي من الالف للياء
الضابط مناف عاشت ايديك افادتج كامله
وان شاء الله يجي حقج
روشنك اشكرك حضره الضابط
الضابط احنه نترخص مع السلامه
مع السلامه
الشيخ وويه ماطلعو الضباط
وده اريد اطلع.....انتبه على روشنك اختنكت
روشنك بيج شي
روشنك ها لا لا تسلم بس صارت صفره
رجعت..على السريع الها
روشنك اشبيج
شيخ مروتك ده اختنك بس الدكتور
هسه دقيقه..ياربي اشبيها فدوة لا هالبينه لا
ويه ماطلعت اروح للطبيب اجه مهند واهلها
شافوني بعدني ماحجيت
مااسمع غير اختها طلعت للباب تصيح لحكو روشنك متحجي
امها وخواتها طبو عليها
واني ومهند ركضنا للطبيب
اجه الطبيب والممرضه
الدكتور دخلت لروشنك اباوعها صفره
ومتخربطه عدها اغماء....
الدكتور شنو القصه قبل اشويه مابيها شي
وجانت طبيعيه
لحظه شنو علاج نطتيها للمرضه
الممرضه ابره مال الام
شنو نوعها بسرعه
الممرضه فولتارين
الام شنو يمه مروتك الحك عليها ترى عدها حساسيه من الفولتارين
الدكتور ليش ماكلتو
روحي بسرعه جيبي المضادات للحساسيه
راحت المممرضه وجابت المضادات ونطوني العلاج ورى ساعه صرت احسن
طبعا بره الغرفه قلق الكل يدخن
بشر دكتور
الدكتور لا الحمد لله مجرد تحسس من العلاج
مهند تحسس،
الشيخ الحمد لله عدت على خير
الحمد لله
الدكتور وهسه لازم ترتاح بس كان المفروض اهلها يكولون حتى ننتبه
الشيخ اترخص اني اخابر الضباط افتهم وين وصلو
مهند تمام
الشيخ الو حضرة الضابط مناف شنو الاخبار
الضابط مناف الافاده ثبتناها
وحاليا ده نحقق ويه شيماء،
الشيخ اي
الضابط ومانكرت اي شي
الشيخ اها واحمد
الضابط مناف..احمد موجود ويريد يبقى منا الى ان نلقي القبض على منير
الشيخ هاااا
واشوكت لح تروحون
الضابط مناف تعرف الموافقات تاخذ،وقت محتمل على باجر باليل
الشيخ...الله كريم
الضابط ان شاء الله خير،
وصار هدوء وراحت اختي لي لي وامي وبقت ميرا يمي اخذهم مهند
روشنك....اووووف صافنه على السكف وافكر بشغلات اهوايه الالم اللي عشته
واشلون الله فرجها عليه
بس بابا خابرته مغلق...ماحبيت اسال ماما ردت اسويها مفاجاة اله واذا بي شي اعرفه من صوته
لعد وينه
🤔🤔🤔🤔
الساعه ابيش هسه
امممم بعد وكت خلي اخابر،مهند هو ميكذب عليه
ميرا ميرا....ها رورو
انطيني موبايلي
ميرا...ليش
روشنك شنو او تالي تسالين
انطيني الموبايل وخلص
ميرا ...اووووي صار صار هاج عيني
بين متخابرين رايحه للكافتريا
روشنك ماشي
مهند...منهد....ها اي هياته (كلمه بغداديه معناها هذا 🤭🤭🤭)
مهند جنت اتعشا وده اسولف ويه الشيخ
دك التلفون
روشنك خير يارب
الو....
الو هلو مهند
مهند هلو روشنك
مابيج شي ولج
روشنك اشلون بيك تسال عليه ده ترزلني
هههههه
مهند لا عيوني،بس عبالي صاير شي
روشنك لا لا
بس سؤال ابويه وين ليش جهازه مغلق
مهند....ابوج
روشنك اي،لعد منو
مهند راسن باوعت على الشيخ واشرتله
الشيخ فهم عليه
مهند نسينه نكلج ابوج سافر ضروري
روشنك اها بابا عمره ماسواها اذا وحده بينا مريضه يعوف شغله ويجي
مهند والله صارت غصبا عنه
روشنك بس مو عبالك سفرته طويله وغريبه حتى ماخابرني
مهند..هو لح يتاخر،حيل بس انتي لازم اتصيرين قويه
روشنك شنو تقصد
مهند بويه اشبيج غير تصيرين زينه لو عجبتج السالفه كلها مهتمه بيج عندج شغل وحياتج والناس،اللي تحبج
روشنك ماشي عيني كلامك صح مع السلامه
مهند مع السلامه
روشنك...قلبي مامرتاح
يله كلشي يبين بعدين المهم مابي شي
مهند اكلك شيخ اشلون لح نكللها
الشيخ خلي تخلص هاي السالفه
ولكل حادثه حديث
مهند الله كريم
ثاني يوم مشى عادي
الاشغله وحده
خابر الضابط مناف الشيخ صادق
مناف الو شيخ
الشيخ هلا حضره الضابط
مناف اجه التصريح بانه قوة تطلع تلقي القبض على منير وابوه واخوه
الشيخ....ليش حضره الضابط
الضابط..بعد اعتراف شيماء اهوايه امور صارت
وعرفنا منها انه يتجارون بالحبوب والسلاح غير،المرخص
الشيخ..كتلك حضرة الضابط ذوله اهل مشاكل
عموما اليوم تخلص الشغله
الشيخ انطيني خبر رحم لوالديك
الضابط ان شاء الله لان لازم تجي روشنك تتعرف على الشخص
الشيخ اها الله كريم.....طبعا هو كال هيج الضابط صار بقلبي اشلون يعني تدخل مركز وبين الضباط والهوسه هاي
اووووف
الشيخ راح سولف لمهند كلشي
مهند هم تخلص هالسالفه وارتاح
الشيخ الله كريم تخلص
الضابط مناف تقريبا الساعه ١٢باليل طلعت قوة للمكان اللي،بي منير،واهله
وجنا متوقعين كلشي
والغريب انه احمد اصر،يجي ويانا اشكد حاولنا
بس ماقبل كال بنتي اهناك اريدها موجوده يم ابو زوجتي السابقه
مناف اني اهنا انصدمت
لعد ليش مكالت النا هسه تكول من رتبنا كلشي
الضابط حيدر ليس هيج احمد
احمد شيماء كالت اليه بعد مارتبتوا كلشي
فعلا وصلنا للمكان طوقنا المكان
وويه ماطلع منير يريد يسلم نفسه
بدا اطلاق نار منعرف منين
الشيخ جنت كاعد بالديوان انه ومهند ونسمع الدنيا احتركت ومااسمع غير،صوت عبوسي شيخ
ها وليدي
الحجيه تريدك
هسه،جاي من خرصتك خويه لتطلع الوضع شكله مايطمن
مهند صار
الشيخ كولي حجيه امر
الحجيه يمه شكو
اسمعيني حجيه الظاهر الحق رجع لاصاحبه وحق ابويه ودمه ماراح هدر
الحجيه بشرك الله بالخير
يمه تبقين انتي والبنات اهنا
ومطلعون بره ابد ماشي
طلعت..وكلت لولد عمامي،يظلون يم باب البيت كلشب يصير
نرجع للكمين..وبين عملية اطلاق النار،
الضابط مناف اشوف طفله صغيره طلعت تركض واني نطيت امر انه يوقفون اطلاق النار،....وماشوف غير احمد عافنا وراح الها مثل المخبل وويه ماراح جابها واجه ومنسمع غير رمي صار وصياح
وهدوء رحت اركض لاحمد جان قريب، علينا يم سيارات الشرطه والرمي مستمر وخرته عن بنته واشوفه غركان بدمه وكوه يحجي، ويجر، النفس،
حضرة الضابط بنتي، امانه توديها لامي تربيها وهي، تعرف العنوان بابا حبيبتي تندلين ويه بين جدو
مو
البنيه اي، بابا بس، لتعوفني
احمد بابا اني، ماعوفج لح ابقى، وياج العمر كله حتى لو متشوفني
الضباط مناف بين مااحجي وياه
كال اطلب منك طلب هذا الموبايل تنطي، لروشنك
مناف كول يا الله
احمد سكت
مناف احمد..احمد شو جاوبني
وبين الرمي واطلاق النار
القينا القبض على نمير،وابوه واخوه وابوها لشيماء،
واحمد توفى
جانت ليله طويله وويه الفجر كاعدين ده نتريك دك التلفون
خابرت مهند..الو،مهند
اهلا حضرة الضابط
الضابط عدنا خبر حلو والثاني لا
مهند كولي الحلو
القينا القبض على اقارب شيماء
مهند احلى خبر
مهند الخبر السيء،شنو
الضباط احمد
مهند اشبي
الضابط انطاك عمره
مهند شنو لا اله الا الله
الشيخ شكو خير،
مهند احمد توفى
الضابط ياريت تبلغون اهله
مهند تمام
مع السلامه مع السلامه
فعلا اتصل مهند باهله واجو بنفس اليوم اخذوا الجثه
والبنيه الصغيره
ومهند والشيخ راحو للضابط مناف وحيدر للمركز
لان جان رايدهم بشغله
مهند والشيخ السلام عليكم
الضابط مناف وعليكم السلام
والضباط حيدر وعليكم السلام
اتفضلو
مهند والشيخ رحم الله والديك
الضابط مناف..عندي امانه لازم تنطوها لروشنك
مهند امانه شنو هي
الشيخ خير يارب
مناف..فتح الجرار مال المكتب وطلع موبايل
وكال هذه الامانه
مهند باوع الشيخ موبايل
مناف اي
الشيخ من منو
مناف من احمد الله يرحمه قبل ميموت كال انطوها لروشنك
الشيخ اباوع على مهند صارعصبي
مهند ماانطي الها
كافي النكسات اللي،هي،بيها
مناف ميصير،اخي هذه امانه وقبل كل شي وصية ميت
الشيخ..كول يا الله قابل شنو بي الموبايل ودي الها
مهند الله كريم
اخذ مهند الموبايل من الضابط
والضابط حيدر كال اني اترخص
مهند اسفين اخاف شغلناك عن شغلك
حيدر لا والله بس القضيه تقريبا خلصت ولازم ارجع لبغداد
مهند والشيخ تعبناك ويانا وتوصل بالسلامه
حيدر واجبي
مع السلامه
مع السلامه
مهند والشيخ رجعو
مهند اني اشكرك شيخ
الشيخ على شنو
مهند على مساعدتك النا
الشيخ لو انت بمكاني لح تسوي،الاكثر،
مهند حياك الله
انه اروح اخذ اهلها للمستشفى
الشيخ محتاج شي
اني عندي كم شغله اخلصها واجي للمستشفى
مهند الله يسهل امرك
مع السلامه
مع السلامه
مهند اخذت اهلها ورحت للمستشفى
ومن وصل كلها خاله انتظريني اهنا بس عندي شغله ويه روشنك
صار يمه خو ماكو شي
مهند لا يمه امني
دكيت الباب
روشنك اتفضل
مهند هلو رورو
روشنك ييي مهند 😄😄😄
هلا بيك
اشلونج يارب بخير
اني،بخير انن اشلونك شنو الاخبار
ميرا حسيت اكو فد موضوع يريد يحجي بي،مهند
عيني اني،اترخص،لان مهند من شاف رورو حتى سلام ماسلم علينا
مهند ولج اطلعي يله بكيفي اللي يشوف هالوجه الحلو يسلم عليج 😍😍
ميرا ماشي ماشي
وطلعت وسدت الباب
مهند هههههه
اباوع على روشنك جانت صافنه وبالها مو يمنا
مهند احمممم احممم نحن هنا
روشنك ها..اي،مهند كول عيني
مهند اشبيج
روشنك مابيه ليش
مهند لعد ليش،صافنه
روشنك ابويه وين
مهند هي كالت هيج مااعرف وين انطي وجهي وشنو اكول الها
مهند اسمعي مني القوا القبض،على الي اختطفوج
روشنك ييي الحمد لله
مهند بس اكو شغله
روشنك خير يارب
مهند..احمد
روشنك ماريد اسمع اسمه ولا اي،شي،عنه
وبين مااحجي قاطعني مهند
احمد مات
روشنك شنو
مهند بس،كالت هيج واتغطت وكالت اريد انام
مهند بيج شي
روشنك لا ماريد احجي وتعبانه اريد انام ميصير
مهند ماشي،ماشي بلا عصبيه
اكو موبايل يمج لح اخلي على الميز من تقررين فتحي وشوفي اشبي
روشنك من منو هالموبايل
مهند احمد دزه
روشنك اخذه ماريده
مهند لا مااخذه لح ياخذج الفضول،وتفتحي اني،متاكد
روشنك لا لتتاكد
مهند عموما اني طالع
وبقت يمج اني براي شوفي شنو بي
روشنك حد ماطلعت ماحجت شي
الام والبنات ها يمه شكو
مهند ماكو شي يمه خلوها ترتاح
واني،رايح للدكتور
رحت للدكتور وسولفتله عن وضعها من نطيتها الموبايل
الدكتور مهند لتخاف هذه حاله طبيعيه ورد فعل طبيعي للي،مرت بي روشنك
بس شغله وحده انتبهو الها
مهند وشنو هي
الدكتور.....الانهيار ترى وضعها النفسي كلش،ماعاجبني خصوصا بعد ماحجيت هسه رد فعلها
تمام دكتور شكرا الك
وبين مارجعت لاهلها ماشوف غير امها طلعت من الباب تبجي وتصيح يمه الدكتور الحك علينا
مهند من غير وعي ركضت للغرفه واشوفها وياريت ماشفتها