بيت بيوت

المفاجات بارت ١٢

مهند
اجه الضابط للبيت... وكتله ترى امها وضعها صعب
الضابط.... كال يااخي احنه نقدر ظروفها بس البنيه المخطوفه ظرفها اصعب ولازم نتعاون
اني الضابط حيدر.... القضيه وصلت لزميلي بالعمل قبل عشره ايام واني اخذني الفضول
زميلي كال هذه البنيه المخطوفه اهلها عدهم عداوات ومااعتقد ترجع لذلك اني مااحقق بيها
حجي صديقي الضابط ضوجني احنه ضباط وهذا عملنا كتله جيبها اني استلم القضيه ومن قريت وتابعت اقوال الشهود اللي مابي اي دليل انه اكدر، اعرف هي وين بس اكو حلقه مفقوده
قررت مره ثانيه احقق وابدي من الام اكيد تعرف شي لان الام احساسها ميخيب
وفعلا رحت للبيت وشفت الجيران واصدقاء العائله كلهم مجموعين بالبيت واستقبلني ولد خوش شاب والتعب والقلق مبين عليه
ونبهني انه امها حالتها الصحيه مو تمام خصوصا بعد وفاة الاب
دخلت وظليت انتظر بالاستقبال
اجتي امها ووياها بنيه ساندتها اشكد نازكه واشكد هادئه بس جان حالهم يبجي الصخر
الضابط... مرحبا امي اني اسمي الضابط حيدر
وحاليا ان اللي ده احقق بقضيه روشنك
الام... هلا امي هلا بيك اعذرني وليدي اني تعبانه اشويه
الضابط لا خاله اني مقدر الظرف
الام... يمه ميرا.... روحي سوي جاي لحضرة الضابط
الضابط.. اسمها عجبني
ميرا حاضر امي
طلعت ميرا....
وبديت اسال الام
خاله.. احجي عن وضعها من الالف للياء ولو اتعبج
الام مثل شنو ابني بنتي ماعدها عدواه ويه احد
جانت تروح بحالها وترجع بحالها
الضابط خاله اللي فهمتهةانه هي معروفه على مستوى المحافظه بعملها الانساني والمهني
واكو اشخاص اهوايه ده يعملون وياها
وتعرفهم بحكم عملها
الام...شوف وليدي بنتي بدا عملها قبل اكثر من ٣سنوات وحياتها كلش عاديه
الى ورى كم سنه بدت بنتي تتغير معالم وجهها
انتبهت في يوم انه صار عدهم مدير اول مابدت المؤسسه الكل تضوج منه
الا هي وهو ماجان يكرها ويساعدها ويساندها
الضابط.. لحظه خاله... ماسالتيها ليش
الام.. سالتها وجانت تجاوبني تكول ماما عندي طموح ماعنده شي ويايه وجانت دائما تكولي حرامي لتصير من السلطان لتخاف
الضابط وبعد خاله
الام... بدت تصير مشاكل ويه اغلب الكادر وجانت تجي تبجي ومرات تنام بلا اكل
وجان مديرها يخابرنا يطمان عليها
واجتي فتره نامت مستشفى ومغذيات من قله الاكل
مهند.. اني كاعد بالاستقبال اسمع ومتفاجى هاي كلها صارت وياج روشنك وماكان عندي علم
ولو اني ماجنت اعرفها بذيج الفتره
الضابط.. اي خاله وبعد...
الام .. وظلت هالشكل مشاكل بمشاكل وتبعت حيل صحتها
مديرها طلع من المؤسسه
واختفى ورجع بعد فتره بس مو كمدير كموظف عادي...
وبنتي جانت فرحانه لان جانت متعلقه بي حيل
ويعزمونا للبيت ونعزمهم وزوجته صديقتها
والثانيه جانت اداوم وياهم فتره
الضابط لحظه خاله....ليش مدريها متزوج اثنين
الام...اي ابني
الضابط والثانيه جانت اداوم وياها
الام اي يمه
الضابط عند منو جان يعزمكم المدير
الام لبيته
الضابط اي يمه اعرف بس اي بيت بيهم هو مو متزوج اثنين
الام..حسب ماكالت بنتي احنه جنا نروح لبيت زوجته الاولى
الضابط والثانيه
الام....والله ياابني اللي فهمته انه جانت تغار
وتسوي مشاكل بالدوام الى ان تركت العمل وراحت
الضابط اكلج امي
طبت ميرا..جايبه الجاي
اتفضل
الضابط.شكرا الج
ميرا..العفو
خلت وطلعت بس مااعرف عيوني ظلت وراها
مهند.... اني ساكت وماحجيت لسه شي
وبديت خيوط تتجمع عندي
بس معقوله.... كلتها بصوت عالي
الضابط سمعت مهند يكول معقوله
التفت.. خير استاذ مهند شنو اللي معقوله
مهند.. ها ولا شي هيج سالفه
الضابط ظلت حجايه مهند بالي لازم اكو شي خلاه يكول هالشكل....
الضابط اي خاله نرجع لموضوعنا
ورى ماتركت الدوام المره الثانيه شنو صار بعدها
الام والله يا ابني عادي ظل وضعها لا مشاكل عدا الامور البسيطه
ماشي خاله.... اني اترخص
مهند تعال ويايه اشويه
مع السلامه خاله
مع السلامه وليدي
الام.. حضرة الضابط
الضابط نعم خاله...
الام.. اريد بنتي سالمه غانمه فقدت ابوها
ماريد افقدها لان مااتحمل فراك عيوني الاثنين
الضابط.. هي كالت هيج حسيت جبل وعلى راسي
صار خاله
مهند تفصل حضره الضابط
الضابط شكرا
الضابط.. مهند اني عندي شكوك بس لو عندي دليل
مديرها السابق وينه
مهند... قصدك منو احمد
الضابط هو اسمه احمد
مهند اي
الضابط وينه
مهند رجع يتشغل وياها
الضابط يشتغل وياها
وزوجته الثانيه
مهند اللي اعرفه انفصل عنها
الضابط انفصل عنها 🤔🤔🤔🤔🤔
مهند بشنو ده تفكر
الضابط.. خلي تلفونك جاهز
واني اردك خبر
.... ماشي حضره الضابط
الضابط مشى منا
اني كلت للولد امشونا باجر لديالى
وخابرت الشيخ صادق
وكال هلا ميه هلا
وفعلا حضرنا السيارهةوبقيت كم ولد من اقاربي يم اهلها وطلعنا لديالى
بهذه الاثناء اجاني اتصال
لا عبال وعلى على الخاطر