بيت بيوت

العوده ٢

مرحبا من جديد
بدا يوم جديد وشغلت المكسر الخاص بالصوتيات
اني بيومها التهيت اشويه جان  عدنا شغل وتسجيل صوتي فبديت ارتب شغلي
وكلما اشتغل انتبه يباوع عليه او يحاول يحجي ويايه ...واني اتلافى الموضوع واتلافاه اصلا
لان مااعرف شنو ممكن يصير اذا حجى وياه
بدى زملائي بالشغل يجون واحد ورى واحد
اشويه اطمانيت
ومثل كل يوم نحضر جاي وريوك لازم اجامل
صح يعرفون اكو خلاف بينا بس ميعرفون انه كان يحبني
وانه الخلاف اكبر من من خلاف بين اصدقاء
رتبت اوراق شغلي وجان المفروض اسجل وارتب الصوت ورحت للاستوديو وبديت اسجل
استرسلت بالتسجيل وماحسيت بالوقت منو اجه منو راح ....
كملت شغل وطلعت اريد احفظ الماده
وويه مافتحت باب الاستوديو
مااسمع غير واحد يكول انتبهي ترى ضربتيني
ماجاوبت
لان بيني وبين نفسي حلفت اذا اشوفه مره ثانيه
او التقي بي لو يموت قهر مااسامحه حتى لو يبرر ليش تركني
المهم لميت اوراق الشغل
رجع وكال متغير صوتج عن اول صاير احلى
واصفى ومن سمعت تحجين شدني الصوت والاداء انه اسمع للاخير ...عفيه عاشت ايديج
باوعتله بطارف عين وكتله لا بله
عموما شكرا ....
طلعت وعفته داخل الاستوديو
اخذت موبايلي واخذت اتفرج بالفيس
وبالصدفه اقرأ انه توجد مسابقه للكتاب
بكل الاعمار وبيها جائزة اني ماهمتني الجائزه
بكد ماانصدمت انه حسين مسوي تاك اليه بالمنشور
عرفت شنو قصد انه ارجعي للشي اللي تحبي اهوايه
سالت واستفسرت انه المسابقه يريدون قصه
ومو مهم ان كانت بالعاميه ام بالفصيح
والشروط كانت بسيطه مو صعبه
سجلت وتحدد موعد ارسال القصه
واني راجعه للبيت وبعد ماوصلت
سلمت على الوالده ...ويه مااصعد لغرفتي كالتلي
رورو اكو مفاجاه بغرفتج اجتج اليوم
اوووف ماما مفاجاه من منو
كالت مااعرف صعدي وشوفي
صعدت واني اركض الدرج 😊😊😊 هديه حيل صار اشكد ماجايتني هديه من منو
وويه مافتحت باب غرفتي
صندوق احمر مغلف تغليف هدايا وفجأه دك التلفون
الو ....اشلونج رورو
هلو حسوني 😍😍😍 اشلونك
رورو ..
نعم حسوني
عجبتج الهديه
معقوله انت جايبها
وليش لا ...المهم ولج فتحتيها
لا ...بعد
يله روحي فتحيها ولح اظل وياج على الخط
فتحت الصندوق والكه معدات الكتابه كاااامله
اوراق نوعين
اقلام كل الالوان
دفاتر ....استاند للاوراق
ورده ...وبطاقه ...مكتوب بيها
احبج 😊😊😊
كلي رورو اني احبج
اريد تكتبين لخاطر روشنك ولخاطري
لح تفوزين اكيد بالمسابقه
وانتي تعرفين اني احبج يله باي