بيت بيوت

البارت 26

الشيخ وويه ماردت احجي
روشنك عبالك ماشفتك شيخ
الشيخ اني انصدمت
اشلون شفتيني
روشنك... اني، صح طلعت ده ابجي بس شفتك من جاي بالسياره وسمعت صوتك
الشيخ اشبيج روشنك
روشنك كول شنو اللي مابيه
اني المغرب بدلت ومشطت وفتحت العلبه وقررت البس الكلاده مااعرف ليش، بس حبيتها المهم لبستها
الشيخ... شنو اللي بيج كولي
كعدت يمها بس اكيد اكو مسافه بيني وبينها
هي دايره وجهها وتبجي
الشيخ... روشنك هذا مو حل
البجي ميفيد مابي نتيجه
الامور كلها انحلت ان شاء الله والي فهمته من الضابط مناف وحيدر انه ملف قضيه الخطف تحول للمحكمه وان شاء الله ينطون حكم بيهم
واهلج كلهم بخير وامج وخواتج وابوج
ماشوف غير روشنك كامت من مكانها وكامت تبجي بصوت عالي
روشنك اي كمل ابويه اشبي ابويه اللي مات ومحد كالي اللي عافني بنص الدرب واني محتاجته
ابويه اللي جان النفس اللي اتنفسه
جاوبني شيخ
ابويه اللي جان اذا يوجعه شي يوجعني
واذا هو زين اني زينه
الشيخ واني احاول اتقرب الها حتى تهدا
روشنك على كيفج
روشنك لا مو على كيفي لاحضرت فاتحه ابويه
ولااعرف وين قبره
الشيخ روشنك
لتكول روشنك كافي الالم والقلق من يوم اللي اشتغلت ماريد شي اريد ارتاح حتى مااعرف شنو اريد
الشيخ وهي تبجي وتفتر بنفس المكان
مااعرف شنو اسوي
بين ماهي تحجي اسمع صوت مو بعيد
اجيت يم روشنك بعدني ماوصلت يمها ومااسوف غير سامر حط السجينه على ركبه روشنك ويكول ها شيخ
سامر طبعا شغلته حرامي هو واهله والمشكله محد يلزم عليه شي
الشيخ سامر عوف البنيه المبلغ اللي تريده انطي الك
بس لتاذيها
روشنك ويه ماافتر واحجي ماحس غير واحد جرني وحط السجينه على ركبتي
الشيخ اباوع روشنك تبجي وتشاهك
سامر عوف البنيه
سامر لا ووالله
اسمعي انطيني الكلاده اللي بركبتك
الشيخ شنو يا كلاده ركزت اباوع هاي الكلاده
روشنك ماانطيها الك لو تموتني
الشيخ ويه مده يحجي سامر وياها جريت المسدس ضربته طلقه اتصوب بيده
روشنك وويه مااحجي، ويه الحرامي مااسمع غير طلقه واني وكعت والحرامي شرد
وبين مااني، خايفه
الشيخ روشنك انتي زينه مابيج شي
اي شيخ الحمد لله
الشيخ (بيوم اللي كلت لمهند عندي شغل اخلصه واجي اني، رحت للصايغ وطلبت منه يصوغلي كلاده ذهب باسمها وبظهرها يكتب اسمي ووديتها هديه من غير، اسمي ومن شفتها لابستها كلت لازم اكللها)
روشنك من شفت خوفه عليه وارتباكه ليصير، بيه شي حسيت بقلبي ده يدك عليه وروحي تريد، تشوفه
الشيخ مو كافي يله خلي نروح للبيت اكيد امج وخواتج بالهن يمج
روشنك شيخ احس نفسي ضايعه ماريد اروح
الشيخ (ولا اني اريد ابقى العمر كله يمج) 
الله كريم
كومي يله خلي اوصلج للبيت
روشنك ماشي
واحنه ده نتمشى سالني الشيخ
روشنك هاي الكلاده من منو
روشنك والله ياشيخ ماادري بس عجبتني الاسم صياغته حلوة
الشيخ وانتي اشلون تلبسين كلاده متعرفين من جايبه الج
روشنك شيخ اللي دزها يعرفني بس ماحب يكول اسمه
الشيخ خرب والله ذكيه انتي
روشنك... ههه لعد شعبالك
الشيخ اسمعي روشنك
واني ده اباوع عليه شنو من طول وجمال وعنده غمازة ولحيه وشوارب صدقه لله
روشنك اي، كول شيخ
هاي الكلاده مني
روشنك شنو
الشيخ مني هديه
شوفي يبنت الناس اني احبج
روشنك حسيت بصدمه وقلبي ده يدك بشكل مو طبيعي ومااعرف وين اودي وجهي
ااشيخ اشبيج روشنك
اني احبج والله شاهد عليه اريدج زوجتي
روشنك... بس
الشيخ ماكو بس اخذي، وقتج وفكري، براحتج
ويله هسه وصلنا ولازم تروحين للبيت
وصلت للبيت وماراح الا وطبيت للبيت وقفلت الباب
طبيت لكيت امي واخواتي ينتظروني
الام ليش، يمه هيج تاذينا عليج
روشنك اني كتلكم ليظل بالكم ارجع
اني، لح اروح انام وانتو حضروا نفسكم باجر نرجع لبغداد هم يله نرجع لحياتنا ونشوف متعلقاتنا وشغل الوالد وين وصل
الام اي يمه هم يله بس انطي خبر، للشيخ
فشله منه
روشنك اي صح
صعدت لغرفتي واني افكر بكلامه واحضر بهدومي بس كوه لان بعدني تعبانه ماادري تعب الجسد مدري تعب الروح من الصدمات ماكو شي ماصار ويايه بهذا الشهر اوف يربي،
زين معقوله احبه
لا لا مااعتقد هو شيخ واني بنت مدينه وشغلي واحب الكتابه
بس هو مبين عليه مثقف مو منغلق ولا متعصب روشنك انتي تحبي
اوووو ولا ادري
خلي انام كملت غراضي
صار الصبح وخابرت امي الشيخ
الام مرحبا يمه
الشيخ كعدت الصبح بدلت ولبست دشداشتي وغتره لان عندي ناس ده يجون بالمضيف ودك تلفوني
الشيخ هلا يمه
الام يمه حبيت ابلغك اليوم راجعين لبغداد
الشيخ خير يمه صاير، شي احد ضوجكم
الام لا يمه بس اهناك عفنا مسؤوليات جبيره فلوس عمك وشغله مندري شنو صار، وياه
الشيخ يمه انتظروني فد نص ساعه وميصير خاطرج الا طيب،
الام الله يطيب خاطرك
روشنك نزلت ها عيني كملتو
الام والبنات اي، كملنا
روشنك خوش لعد اني لح اروح للحجيه ام الشيخ
طالبتني صارلها اهوايه حتى نروح لبغداد
الام اخذينا وياج يمه
روشنك يله
جنت لابسه فستان اسود عريض وعليه شال اسود لان البارحه يله عرفت بوفاة الوالد
ورحنا لبيت الشيخ وويه ماطبينا تلكتنا امه ورؤى
هلا ببنيتي
روشنك هلا يمه هلا بيج والله مشتاقتلج
الحجيه كل الهلا يمه
روشنك اعرفج امي وخواتي
الحجيه ام الشيخ صادق ورؤى تعرفوها
مرحبا
مرحبا يمه
كعدنا وسولفنا وضحكنا
رؤى بلي روشنك
محتاجه اغسل لان ده احس الدنيا افترت بيه
رؤى هاي شنو
اش، لتكولين لاحد
رؤى ذاك الحمام
تسلمين وبين مااغسل مااحس غير الدنيا صارت تفتر، بيه وماشوف غير الشيخ لازمني
الشيخ جنت جايه من المضيف ده اروح لامي
ومااشوف غير، روشنك كوه تتنفس واجتي تكوع لزمتها
روشنك شكرا
الشيخ الها داعي روحتج اليوم صيري، زينه وروحي،
روشنك راسن، وخرت عنه
شيخ مااعرف وين صارت فلوس ابويه ولااعرف الشغل اشلون ماشي،
الشيخ ماعدكم اقارب
روشنك هو لح ارجع واريد افتهم وينهم
الشيخ دنكت يم اذانها وكتلها انتي اليه لان احبج
روشنك شلت راسي عليه وعيوني صارت قريبه على عيونه وانفاسي سريعه
دنكت ورحت
اجه الشيخ ورايه
الشيخ السلام عليكم
الكل هلا بالشيخ
ام روشنك صار لازم نروح
الشيخ السياره جاهزه لح توصلكم لبغداد
وترجع
الام الله يحفظك وليدي
الشيخ ويحفظج يمه
بس قبل لترحون جاي الدكتور مازن
يريد يشوف روشنك وينطيها العلاج الثابت حتى تستمر، عليه
روشنك ماشي واني، اباوع على لي لي
الشيخ اني ادري بموضوع الدكتور و لي لي
كالي اليوم بي من عرف لح يرجعون لبغداد
كتله تعال واحجي وياها بحجه روشنك
وفعلا اجه الدكتور
وشاف روشنك ونطاها علاج
وويه ميطلع شاف لي لي بالطرمه ده احط الجنط بالسياره
الدكتور.. مرحبا لي لي
مرحبا دكتور
انطيني خليني اساعدج
لي، لي لا تسلم
الدكتور ههه معقوله اني رجال وانتي تشيلين الجنط
لي لي اممم اتفضل
وورى ماكملنا وقفلت جنطه السياره
الدكتور سمعي لي لي اني احبج من اول ماتعاركتي ويايه وخلي يكون بعلمج اني لح اجيب اهلي واجي بس، ترجعين لبغداد وتستقرين
لي، لي شنو
الدكتور شنو شنو اكو شي مو واضح
لي لي لا بس مو متسعجل
الدكتور لا ماكو اتسعجال بس، اذا انتي، متحبيني
بحثا اخر
لي، لي ها مو هيج ودنكت ووجها صار احمر
طبعا اني والشيخ ده نباوع عليهم
وضحكنا
الله يسعدهم
الشيخ ويسعدني وياج
روشنك شيخ
الشيخ ولا كلمه يصير، يخير واني متاكد انتي تحبني
والدليل وجهج يصير، احمر من احجي، وياج والدليل الثاني لسه مانزعتي الكلاده من ركبتج
روشنك ها....
الشيخ هههههه اشلون بيج وبالبراءه اللي عندج
الام يله يمه
ميرا يله عيوني كاني ده اشوف طيور الحب اهنا
روشنك ضربتها على راسها امشي واسكتي
الشيخ رحت لميرا
انتي ام لسان جايج السره
روشنك باوعت عليها ها ولج
ميرا ماكو شي، الشيخ يحب يتشاقه ويايه
ها خوش
ركبنا السياره تقريبا الظهر وصلنا بغداد المغرب
نزلنا اباوع على بيتنا
عبالك كبر حيل بين بي العمر
فتحنا الباب ودخلنا اوووو التراب
وينرادله ترتيب فتحنا الشبابيك وهوينا البيت
وبدلنا وبدينا تنظيف البيت مكان مكان الى ان صار نص اليل لا مسواك ولا عشا
روشنك تعرفين ماما ماكو لا مسواك ولاعشا
الام والله نسيت
البنات اباوعهن اتمددن من التعب خطيه لان ماخلوني اشتغل
اكلج ماما الفلوس اشلون حتى باجر نتسوك واشوف شغل بابا الله يرحمه شنو نظامه
الام يمه اكو ظرف بي فلوس،
روشنك من وين الج
الام نطاه اليه مهند مافتحته للظرف ومااعرف اشكد بي مبلغ
روشنك رحت لجنطة امي وفتحت الظرف والكه بي مبلغ 500الف
اوف منك مهند اوف
اكلج ماما ترى متت من الجوع نتصل على مطعم نطلب دلفري شتكولن بنات
البنات اي والله
روشنك تموتن على الاكل الجاهز وويه
اتصالي اشوف رقم الشيخ صادق
الو
الشيخ الو روشنك اطلعي فتحي الباب
روشنك شنو ليش، انت وين
الشيخ بالباب اطلعي فتحي الباب
روشنك ماشي جايه
الام منو يمه
روشنك الشيخ صادق
خلي افتح الباب وبعدين
فتحت الباب
هلو
هلا بيج هاج اخذي هذه العلاليك
هاي شنو شيخ
هذا العشا
روشنك العشا
اي اني، عرفت لح توصلون تلكون البيت هوسه وتلتهون وورى ماطلعت سيارتكم كملت شغل، واجيت اني والدكتور
روشنك ههههه كل الهلا
الشيخ احنه نترخص وباجر نجي انشوف شنو محتاجين
روشنك ربي يسلمك
الشيخ مع السلامه
روشنك مع السلامه
رجعت اتعشينا
ولهناك اشوف رساله من مهند
هلو رورو هلو مهند
انتو وين
روشنك احنه بغداد
ها رجعتوا اي،
خوش لعد امر، بيكم
روشنك كل الهلا بيك
تصبح على خير
تصبحين على خير
ثاني يوم نزلت مبدله ولابسه ومتحضره اريد اروح اشوف شغل والدي وين وصل والدي شغله حر بين بستان وبين محل للاجهزة الكهربائيه يعني
نزلت صباح الخير، امي
الام صباح الخير حبيبي
شو مبدله
روشنك اريد اروح للمحل افتهم شنو الوارد الفلوس وين
الام يمه بس البستان معليج بي
روشنك ليش بله
لان عمج اله النص بي وهو لازمه وجان ينطي، لابوج النص
روشنك حلو بس صدك جان ينطي لابويه النص اريد اشوف الحسابات
يمه منريد مشاكل
ميرا نزلت مناك.. ليش، متريدين مشاكل
ليش انتي متعرفين شنو سوو كرايبنا
الام اسكتي،ميرا
روشنك ليش، تسكتيها
شكو ميرا
ميرا من يوم اختطافج ووفاه بابا كلها اختفت ومحد اجه للفاتحه واللي قام بيها الشيخ ومهند
اني انصدمت
شنو
عموما صار معلوم انس، طالعه مع السلامه
طلعت اخذت تكسي عدنا سياره بس، مااعرف اسوق
رحت للمحل شفت الولد اللي جان لازم الحسابات مال المحل خوش، ولد وحباب ونطاني بالتفاصيل شنو الي النا واللي علينا
ووراها رحت للبستان واشوف عمي انصدم بشوفتي
هلا عمي حمد لله على السلامه
روشنك الله يسلمك عمي
اي عمي كولي
روشنك اكول جايه اخذ، نص، الوارد مال هذا الشهر،
واله ياعمي ماادري شنو اكلج
روشنك كول عمي
البستان مابي زرع
روشنك والله ياعمي اللي ده اشوفه غير، الحجي،
يعني اني، جذاب،
لا عمي محشوم بس من الاخير اريد اشوف الحسابات والوارد
ماعندي شي، يمي، هالشهر
ومااشوف غير، ابن عمي يريد، يضربي وويه مارفع ايديه يريد يضربي اسمع واحد صاح بي ولزم ايده
اباوع الشيخ صادق
هاي الايد اللي تنمد على مره هو مره واكسرها الك والله
روشنك ظليت صافنه
الشيخ العصر تجي الدفاتر وتجي انت وتكعد تتحاسب ويه روشنك
العم الله كريم
الشيخ اعرف الله كريم
بس مااعتقد تحب تصير، بيها شيوخ
العم لا لا جاي بحيل الله
الشيخ يله روشنك امشي
روشنك امشي واباوع عليه بصفي اشلون يمشي ويايه ويخاف عليه
شيخ....
نعم روشنك
اشلون عرفت اني، اهنا
الشيخ اني، من الصبح باب البيت
وصلت مازن للمستشفى ده يريد ينقل لبغداد
وشفتج طلعتي ظليت وراج عرفت لح تحتاجين رجال
روشنك.. شكرا الك
الشيخ ممكن تبطلين شكرا الك
يله اصعدي خلي اوصلج للبيت لو اكو مكان تريدين تروحين اله
روشنك لا للبيت اريد اخابر، اقاربي عندي شغل وياهم
الشيخ.. صدك الضابط حيدر عنده موضوع وياج
روشنك الله كريم خلي اكمل ويه اقاربي ويصير، خير،
ووصلت لباب البيت ومن نزلت من السياره بمكان ماكول مع السلامه
كتله شيخ صادق..... احبك
الشيخ من نزلت من السياره كلتىلح تكول مع السلامه
بس، من سمعتها كالت شيخ صادق
واسمي طلع مثل اللحن بصوتها اتمنى اخذها لبيتي
كدام عيني
جان تكول احبك
ظليت صافن
واباوعها ركضت وسدت الباب ماخلتني ارد عليها
روشنك اني شسويت
شلون كلتها بس اني احبه
اي احبه.... اووووف
وويه ماسديت الباب اسمع امي تصيح