بعد مادخل، مهند للغرفه شفت الكزاز بالكاع وايديها دم والموبايل مكسر.. ومتبجي بس تريد تطلع وخواتها ميخلنها
ده احجي وياها روشنك اسمعيني بس لحظه اشبيج وهي عصبيه وايدها تنزف منعرف منين الدم
متخلي احد يلزمها
صحت بالبنات اشبيجن واكفات وحده بيجن تروح تصيح ممرضه طبيب يله بسرعه
امها واكفه بالباب تبجي عليها
واني ده احجي وياها وهي، ولا يمها تلم بغراضها وعصبيه بس على لسانها كلمه وحده اريد اطلع محد يدخل. اريد اتفاهم وياها ماكو
انتبه عليها صار وجهها اصفر من العصبيه
كلت بعد مابيها مجال
روشنك اهداءي روشنك وهي متقبل الزمها
صحت بيها.. واني لازم ايديها اللي، انجرحت
كافي عاد غير نفتهم شكو هي ظلت صافنه بوجهي اوب مره اصيح عليها وماشوف غير، دموعها وتكولي ليش نطيتني الموبايل
وكعدت على الجربايه
وويه ماريد اسالها اجه الدكتور
الدكتور هاي شنو
مهند مثل متشوف
الدكتور صاح للمرضه انطيني خلي اعقم الجرح واشوف يحتاج خياط لو لا
الممرضه حاضر دكتور
بهذه الاثناء اجه الشيخ
الشيخ اجيت من بعيد ورى ماكملت الشغل اللي عندي
واشوف البنات يبجن والام منهاره
قلبي وكع اشبيها البنيه بعمري ماحبيت هيج بينه
ماعرف،ليش اتعلقت بيها واريد اعرف اشبيها شنو هالتراكمات والالم والوضع الي بي هي
الشيخ خير خاله شكو
الام يمه روشنك كسرت شكو كزاز بالغرفه وانهارت وتريد تطلع وايديها ده تنزف
الشيخ ليش شنو اللي صار
الام والله يمه من اجيت لكيتها لازمه الموبايل وحاطه هيتفون باذانها ومااعرف شنو سمعت وراسن كسري الموبايل والكزاز كله
الشيخ الموبايل الي جابه مهند الها
الام...اي يمه هو
الشيخ وهسه منو يمها
الام مهند والدكتور والممرضه
الشيخ الدكتور مازن مو
لي لي اي شيخ هو
الشيخ..اني لح اروح اشوف شنو السالفه
الام ماشي يمه
دكيت الباب
مهند اتفضل
الشيخ السلام عليكم
الدكتور ومهند وعليكم السلام
الشيخ اباوع على روشنك ساكته والدكتور ده يخيط بيدها بس مو يمنا ولا ويانا
الشيخ... مهند والحل اتظل هيج
مهند اتعجبت من سوأل الشيخ بس مابينت اله
مهند....والله ياشيخ ماادري هسه انشوف الدكتور
الدكتور...خلصنا علاج الجرح حمد لله على السلامه
انطي ابره مهدا لروشنك
الممرضه حاضر دكتور
مهند روشنك رجعي اتمددي اشويه بلكه تنامين
روشنك باعوتلي بعصبيه ودارت وجهها
الدكتور مهند عوفها
وماريد احد يدخل عليها اليوم
الشيخ يعني دكتور اشلون تاكل
الدكتور هي المفروض باجر تطلع
والحاله النفسيه تبقى يمكم اشلون واذا حابين انطيكم اسم طبيب نفسي هو يعيد بناء نفسيتها
مهند هيج حالتها صعبه
الدكتور لا بالكعس روشنك جدا قويه بس تعبانه
محتاجه اللي مرت بي تحجي كله وباي طريقه انفعال عصبيه تكسر تبجي هي الى الان ماحجت عن المها او خوفها اللي مرت بي،صح لو لا
مهند اي صح دكتور
اني اروح وانتو هم عوفوها ترتاح
الشيخ ماشي دكتور
الشيخ...مهند خابرني الضابط مناف
ويريد روشنك تتعرف على الولد اللي ضربها
حتى تتثبت افادتها
مهند وين تروح حالها دمار
الشيخ اعرف لعد ليش،كتلك
مهند شنو اقتراحك
الشيخ هسه اشوف بله خلي اتصل بمناف واشوف
الو هلو حضرة الضابط مناف
الضابط هلو شيخ
الشيخ حضرة الضابط روشنك متكدر تجي للمركز تقدم افادتها
الضابط ليش
الشيخ لان اشويه تعبت مره ثانيه
الضابط مو لازم تتعرف على اللي خطفها وضربها حتى نتبث افادتها ونحول الملف للقضاء
الشيخ ماكو طريقه غير جيتها للمركز
الضابط لا اكو لح اجيب مجموعه الصور واسالها واءا عرفته مثل ماكتلك نقيد افادتها
الشيخ تمام شكرا الك حضرة الضابط
الضابط لا على راسي هذا واجبنا
مهند ها شيخ
الشيخ لح يجون هم والصور وتتعرف على اللي خطفها وضربها
مهند بس هي باجر طالعه
الشيخ على بختك مهند لو ماانت ابن عشاير لعد وين راحت بيوتنا كلها الكم مفتوحه
مهند ربي يسلمك ودياركم عامره بيكم
الشيخ باجر ان شاء الله تطلع روشنك ناخذها للبيت اللي احنه مجهزي الهم ويصير،خير،
مهند رحم الله والديك متقصر
روشنك...بين هذا كله والكلام وانهياري ماكان في بالي انه احمد لح يدز الموبايل وبي هالرساله
طيب ليش،بالهوقت وين جان عني كل هالفتره
ليش خلاني ادافع عن شي ماكو والسبب مشاعره
اووووف
وبين مافكر بالرساله الصوتيه
دخل الدكتور مرحبا روشنك
باوعت للدكتور ورجعت درت وجهي وسكتت
روشنك ده اسلم عليج ردي
روشنك اهلا دكتور
طبعا بره الغرفه الكل تريد تسمع شكو
الدكتور اكدر،احجي وياج وبصراحه
روشنك اتفضل دكتور،كول
الدكتور..اني،اعرف انتي قويه مبين عليج
روشنك هه مابقى بيه حيل
الدكتور لا غلطانه حيل والدليل قاومتي الكسور والنزف وشردتي وتضحيكن اول مااجيتي
حتى ان استغربت كلت شنو هالبنيه اللي مضروبه ومكسره وعدها فقر دم وتضحك
روشنك ماحب اكون مكسورة وضعيفه
الدكتور تمام حلو هالشي بس احيانا نحتاج ان نحجي اللي بدالنا من غير قيود
روشنك يعني شنو،دكتور انت تعرف خواتي يشوفني الانسانه القويه
الدكتور روشنك لح اسالج مو بصفتي دكتور
بصفتي صديق،ومحتمل اكون منكم وبيكم
روشنك شنووو
الدكتور ليش اشبيه محلو
روشنك هه لا دكتور بس،متفاجاه
الدكتور لتتفاجين مو زين عليج ههههه
روشنك ههه
الدكتور،اي نرجع للسؤال
روشنك كول دكتور
الدكتور..الموبايل اشبي
روشنك مابي شي دكتور
الدكتور اسمي مازن
وده احجي وياج بصفتي صديق
فكولي،مازن
روشنك مابي شي،والله
الدكتور لا بي واللي بي،كان كفيل بان يخليج تنهارين بصمت وبقوه مو بضعف
روشنك...دكتو....اقصد مازن
روشنك في يوم جان عندي مدرستي كالت جمله ماعرفت معناها الا اليوم
الدكتور شنو هي
روشنك...كالت اكو مواقف يحتاجها الانسان تجي بوقتها اذا اجتي ورى مافات وراح الوقت مالها طعم
واذا اجتي هالمواقف قبل الوقت هم محلو طعمها
الدكتور افهم اكو شي اجه بعد فوات الاوان
روشنك اي مازن نعم اجه بعد مافات الاوان
الدكتور وضحيلي اكثر
(مهند والشيخ والاهل بره واحد يسال الثاني شكو
شنو،ده يحجي وياها)
روشنك وصلني موبايل من شخص اذاني،قبل كم سنه واجه هذا الجهاظ بعد وفاته
وكان بي رساله ماحبيت اسمعها
الدكتور انتي،حبيتي هالشخص
روشنك مااعرف بس اتعلقت بي وجنت اشوفه الحلم اللي مامكن يتحقق ومن راح
ماكو شي ماحجاه وبكل الطرق اذاني ومشاعري
اتحطمت اتمرضت
وظليت ادافع عن نفسي وعن شي،سخيف بين هالناس الوحوش الي عافني بينهم
وهو ولايمه الموضوع ولا سال
الدكتور اوك والرساله اشبيها
روشنك...جان مسجل صوته بمسجل،الموبايل
وحجى ليش،عافني وشنو السبب
واعتذر
الدكتور بس هذا الشي حلو
روشنك ياريت لو باقي على اعتذاره جانت سامحته والله
الدكتور لعد
روشنك كل اللي مريت بي بجهه واعترافه اليه بشي متوقعته سابقا بس كلت ميسويها لان يحاف من الله
بس مع الاسف توقعي كان في مكانه
الدكتور اللي هو...
روشنك جان متراهن عليه ويه مهيمن
انه اني اكدر اكسر مشاعرها واكدر احطمها
الدكتور وشنو الاسباب
روشنك لان اني جنت ماانطي مجال واستصغرته من اجه اول بدايه كمدير
فكان الانتقام حد النخاع
الدكتور بس،تعرفين انتي سباعيه
روشنك اشلون بله
الدكتور لان خليتي يعترف وظليتي بمكانج وحققتي ذاتج
روشنك صح مازن
الدكتور اني لح اعوفج ترتاحين وتاكلين
باجر لح تعوفين المستشفى ونخلص منج
بس وعد ماريد اشوفج اهنا مره ثانيه
روشنك هههه صار دكتور
الدكتور طبعا اني معجب باختج اللي باتت يمج
روشنك شنو
طبعا لي لي من حجى هالحجايه الدكتور
جانت تريد تطب لروشنك لان اتاخر يمها الدكتور وسمعته
فراسن بطلت
الدكتور اشبيج اني معجب بيها اللي،باتت يمج شنو اسمها
روشنك..اسمها لي لي
الدكتور هي،اسمها لي لي
روشنك..ههه لا دكتور اسمها ليلياس
الدكتور والله عدكم اسماء انتي روشنك وليلياس بعد
روشنك والصغيره اسمها ميرانار،
الدكتور دوختني والله
اجه الضابط مناف السلام عليكم
الكل وعليكم السلام
ممكن اشوف روشنك
الشيخ يمها الدكتور
الضابط ماشي انتظر
طلع الدكتور مبتسم
الكل خير دكتور
الدكتور شكو اشبيكم روشنك مابيها غير العافيه وسولفنا عن اكلها وعلاجها وخلص
مهند والشيخ واحد يباوع بوجه الثاني
الضابط ممكن اخذ افادتها
الدكتور اكيد
دخل الضابط
مرحبا روشنك
روشنك اهلا بيك حضرة الضابط
الضابط ماحاب،اتعبج بس شوفي هذه الصور واريد،تتعرفين على اللي خطفج وضربج
روشنك ماشي
باوعت بالصور واتعرفت عليه
وراح الضابط بعد ثبت افادتي
اجتي امي كعدنا وسولفنا واكلت
باليل ده نسولف اني والبنات
واندكت الباب
فتحت الباب ميرا
وجان انشوف ولد شايل علبه
كال منو روشنك
اتفضل،اني
العفو هذه الج
روشنك شنو هذه
الولد مامسموح احجي
روشنك طيب شكرا
بهذه الاثناء الشيخ ومهند راحو يتعشون ويجيون عشا النا
فتحت العلبه بعد اصرار،ميرا اللي،متكعد راحه يله فدوة وجان اشوف بيها كلاده تخبل ومحفور اسمي
وكارت مكتوب بي،اروح فدوة لعيونج 😍😍😍
الكل صفن بوجهي،واني ماامتلك الاجابه
أنت تقرأ
بيت بيوت
Lãng mạnقصه من الواقع بيها الحب والقوة والكره والاندفاع والامل والاصرار بيها هدف حابه تحققه بطله القصه
