بنات للزمن (قيد الكتابة)

مقدمة

الكاتبة : سارة الشمري ✍🏻

مشاهد //

كعدني يمة وصار يمسح على راسي بحنيتة المعتادة .. : لا تيأسين من رحمة ربج .. الله اذا اخذ منج شي .. اعرفي ان ضاملج الاحسن .. شوفي اخذ منج الرجل بس عافلج ولد مثل الوردة .. ديري بالج علي ولا تخلين الدنيا تنسد بوجهج وانتي عندج هالمسؤولية ..

تنهدت بحسرة : اااه يا جدو .. لا تحجيلي على رحمة الله لان اني الي اعرفهة .. الله حرمني من ام .. واكيد من حرمني منها جان هالشي بصالحي .. لان لو جانت ام عطوفة ما جان عافت بتها وما سألت عليهة وحتى ما عرفت اخبارهة شنو طول هالسنين ..

£££££££££££££££

طبگت حواجبي : وراسم شعلي بوفاة ضياء ..
جبران : جدي كام يخاف على راسم اكثر .. لا سامح الله يخاف يصير بي نفس الي صار بضياء .. وخاصاً وهوة بعيد عنة وبغير دولة .. سمعتة قبل جم يوم يكول لأبوج لازم اخلي يرجع ويصير كدام عيوني لان هوة ورضوان امانة ابني المرحوم حافظ ..

££££££££££££££££££££

نعمة لطمت على خدهة : هااااي تاليهة تريد تضربني علمود زمن وبتهة .. هو شمحصلة منك غير الصياح والرزايل .. تهجم علية لأن گلت الصدك .. على ام الزلم الذبت بتهة منا وراحت تزوجت منا وولا باوعتلك بعد .. هي هاي المحروگ گلبك عليهة ..

££££££££££££££££££££££

حارث : راسم انتة ما تدري بجدي شكد متندم لان سوة هيج وخلاك تبتعد هالكد .. وهسة جاي يحاول يخليك ترجع وتصير گبال عينة خاف لا سامح الله يفقدك مثل ما فقد ضياء وابوك ..

راسم : كلة لا يحاول .. ما ارجع بعد .. هوة اني هنا وما مرتاح .. شلون اذا رجعت وهي كدام عيوني ..
والي صار بأبوي وضياء هذا امر الله ويومهم هذا .. يعني اذا اجيت يمة راح يمنعني من الموت شنو ..

££££££££££££££££££££££

حبايبي رجعتلكم بقصة جديدة ..
اشتاقيتلكم هواي واشتاقيت لتعليقاتكم الحلوة 😘

انتضروا قريباً قصة جديدة ..
تدرون بية احب الغموض .. والنهايات السعيدة 😋
من اشوف تفاعل عالقصة ابدي انزل .. مع ان ادري بيكم متقصرون ❤️

وارجع واگول صوتو وعلقو وكلشي ينداس دوسو 👍🏻

الكاتبة : سارة الشمري🖤