بنات للزمن (قيد الكتابة)

البارت الثالث والثلاثون

الكاتبة : سارة الشمري🖤

الحزن انا أراك صدفة،،، وان يجمعني بك الطريق ذات يوم،، فاراك بصحبة غيري،،، يدك في يده تنظرين الي فلا تعرفينني،، وعمري خلفك يناديك فلا تسمعينه

جيلان //

مر اسبوع على زواج جبران ..
الناس تقريباً كطعو ..
البارحة السبعة سوينالهة حفلة حلوة وتونسنا ..

مريم لحد الان تنام بغرفة ديلارا ..
مبينة عركتهم قوية .. لان هي قافلة كلش حتى متقبل تصعد فوك ..
من تريد شي .. تخلي ينزل وتدزني اني اجيبة الهة ..

اسمعهة تبجي بليل ..
واشوف راسم يفتر يم الغرفة بس ميدخل ..
محد حاول يتدخل ..
امي كالت عوفوهة يحلونهة بيناتهم ..

كاعدة بغرفتي لازمة تليفوني واحجي وية حارث ..
حارث : مشمش ابقي جوة .. راح اجي خل اشوفج ..
ابتسمت : ماشي اصلاً راح اكعد بالحديقة ..

حارث : لا ماكو طلعة .. اكو عمال جاي يشتغلون ..
طبگت حواجبي : يا عمال .. ماكو احد ..
حارث : لا من مساع اجو .. يشتغلون بالحديقة .. ديري بالج تطلعين .. اني اجي للبيت ..

ابتسمت : ماشي انتضرك جوة ..
گمت بدلت ملابسي ..
لبست دشداشة تركية سادة حلوة جنهة نفنوف لونهة نيلي ..

جريت الكحلة وطوخت عيوني بيهة ادري بي يحب الكحلة علية ..
حطيت الشال على رگبتي ونزلت ..