يوميات موظفين

الحلقة الخامسة

#يوميات_موظفين
الحلقة الخامسة📍
.
.
.
قيس>> نولعه لكم اخرى ؟
جهاد >>مش ناقص اه"
قيس>> طه رن عليا اخرى راه !وقالي بنشوف جهاد
جهاد>> وليش يبي يشوفني يعني ! لما صار اللي صار وجيت وقتله نحكو راجل براجل كان عيل وما بش يواجه
انس >> باهي شوفه اسمع منه
جهاد>> يبيني يجي هنا عند انس ! و حل الغاية يحكي اللي عنده ويطلع معش يوريني وجه
رجب>> هضا كله عشان بنت !
جهاد >> مروح انا اه
انس >> تي فكنا من الطروح قعمز

فتتهم وولعت دخاني وركبت فالسيارة ، كل ما حد يجيب قدامي سيرة الموضوع هضا ننخنق !

انس>> عليش تردو تفتحو في نفس القصة كل مرة

رجب>> كلا انا طه لا نعرفه ولا صاحبي ماكنتش نتعامل معاه الا عشان جهاد كان يعرفه بس القصة كلها انه جهاد يكابر راه يدير في روحه مش هامه الموضوع وهو هامه نبيه يسمع ويفهم يعرف ليش صار هكي عشان يريح ويتريح

انس>> النبي معش تجيبو السيرة هذي مره ثانيه قدامه لا طه لا سو خلاص انهو وانت ياقيس قول الطه انسى جهاد
قيس>> تم

//
//
عندي انا
مشى اليوم عليا فالمستشفي وما رقدتش كويس كنت راقده علكنبة وجسمي متكسر بكل

فتحت شيماء عيونها و خشت دكتورتها وقالت لها فالليل ح ديرلها خروج

جا مالك روح بيا وخشيت للحوش دوشت وطلعت للدار ج في بالي نرن علي جهاد نشوفه لو فالشغل او لا

بحتت فالساعة لقيتها ١٢ رنيت عليه وكنت نعسانة بكل

جهاد >> ايوا
انا >> وين قاعد ؟
جهاد >> كيف خشيت للمعمل
انا >> قول والله ! وليش ما مشيت بدري !
جهاد >> راحت عليا نومه والله
انا>> وليش ما قتلي امس واعيني را واعيتك
جهاد>> خلاص عاد قلنالك خاش توا فكيني من سكنان باتي 🙄
انا >> انا سكنان يا دودو؟
جهاد >> خرفي

ونسمع في صوت قيس يحكي جنبه

انا>> قيس جنبك
جهاد>> اه
انا>> عطيه ليا
جهاد>> لا نغار ! 🙆🏻‍♀️
انا>> جهاددد! 🙄
جهاد ضحك >> هاكيه

مد التلفون القيس >> تي منو
جهاد>> المدام 😌😂
انا >> يا صبر الكرة الارضية بس
قيس يضحك>> او شهود
انا>> قتلك قيس في مكتبي فيه اوراق نبيك تعطيهن الجهاد اوكي نبيه يراجعهن ويدزهن الحازم
قيس>> من جدك ولا تبصري؟ 😂
انا>> لا من جدي خليه يتعلم كيف يدير بعد يركب فوق وتمدله الاوراق خليه يرنلي اوكي ؟
قيس مازال يضحك>> اوكِ😂

//
//
جهاد >> كنك تضحك تقول كانت تحكيلك في نكته 🙄
قيس>> هي فعلا نكتة الحقني تعاال 😂

ركب قيس ولحقته ع المكتب خش لجهة شهد وجاب اوراق ولحقني

مدهن ليا وهو يضحك