يوميات موظفين

الحلقة الثانيه والعشرون

#يوميات_موظفين~
الحلقة الثانية العشرون 📍
.
.

لايك + كومنت

//

حسيت روحي متقيييد و متكتف وقلبي قعد يدق بسرعة ، فجأة هكي قعدت نسمع في صوت هرجه و اجهزة

//
//

خشو الدكاترة علي جهاد ، كان جهاد يصارع في جسمه عشان ينوض بس جسمه كان اقوي منه
الضربة كانت اقوى من انها تخلي جهاد ينوض بسرعة

انس >> شن فيه ؟؟؟
الممرضة خشت وما ردتش

حازم جا يجري من لوطا بعد ما كلمه انس

حازم>> شنو شن صار شن فيه ؟
انس >> مش عارف ما حد رد عليا

قيس جاي من نهاية الممر >> كنكم شن فيه
انس >> سمعت صوت الجهاز بعدها الدكاترة خشو عليه وماعش عرفنا شي

حازم قعد يخبط عالباب يبي يعرف شن فيه

شويه وطلعت ممرضه وسيبت الدكاترة جوا

حازم>> شن فيه ؟؟ احكي خويا كويس
قيس يهدي في حازم>> مش هكي يا راجل
الممرضه>> المريض كويس بس قلبه تعب شويه وهضا دليل عالمقاومه
انس >> فهمينا اكثر الدوا هذي ما نفهمش فيها احكي بالفقش

الممرضه>> الدكتور طالع ورايا حا يفهمكم حالته

عدت الممرضة وطلع الدكتورة صبينا كلنا عنده

الدكتور >> اهدو ما فيش شي ، بس هضا من المقاومة بس ، جهاد يحاول يعيش وينوض ويفتح عيونه وجسمه يقاوم فيه ، القلب تعب من كثر الجهد الي يبذل فيه جهاد وهضا اللي صارله

حازم>> يعني في امل ينوض اليومين هذينا
الدكتور >> لو قعد يقاوم هكي وقعدتو انتو حواليه ف حا ينوض

مشا الدكتور بعد ما طمنهم وخشو كلهم يطمنو علي جهاد

//
//

عند شهد فاليوم الثاني

نضت وقلت نمشي للشغل ليا قريب ثلاث ايام ما مشيتش

مشيت اول ما خشيت ما قدرتش نركب فوق ما قدرتش نخش للمكتب وجهاد مش فيه !

نزلت جهة المعمل لوطا وشفت هديل ! واول ما شفتها اظبطتني وانا معش قدرت قعدت نبكي

جتنا خيريه>> بطلي هبال معقوله هكي اتفاولي عليه جهاد كويس وما فيش شي وحا يجي ويشتغل من اول وجديد

انا >> يارب يارب
هديل >> كنت نبي نجيك اليوم
انا >> عادي روحي معايا
هديل >> باهي تمام
انا مسحت دموعي >> شن جو الشغل ؟
هديل>> كويس ماشي تمام ، استاذ حامد معش جا  وحازم يجي مره مره يطل ويعدي
انا >> سامحيني والله ماقدرت نجي عارفه روحي كان جيت مش حا نركز في شي
هديل >> بلا هبال مش بينا